استفسار عن الحمل الكاذب ..

[soseta]

السلام عليكم ..

بنات انا في شي محيرني وابي اعرف عنه اكثر , وبحثت بالنت بس حسيت المعلومات حيرتني اكثر ..
مره سمعت عن وحده انها احملت واخر شي طلع حمل كاذب , شنوووو يعني ؟!
وكانت تتوحم , وفي ناس يقولون هم تولد بس تولد جيس ( كيس ) ..

ابي اعرف عن هالحمل ؟!

يعني الوحده شلون تعرف ان الحمل كاذب !!
واذا الوحده حللت وطلع انها حامل , في احتمال ان بعد شهور تكتشف ان هذا يسمونه حمل كاذب ..

:dddds: بنات لاتضحكون علي , انا مو متزوجه , بس فيني فضول اني اعرف

فهموني عفيه !!

 

[حشمه]

اللي اعرفه ان الحمل الكاذب تتاخر عليها الدوره

وتحس كانها حامل تتوحم وغيره بس ماكو شي

بس سمعت عن وحده لما حملت طلع بس كيس

ماتكون الجنين قال لها الدكتور هذا حمل كاذب

 

[نفوطه]

والله ماعندي فكرة انشالله البنات يفيدونا

 

[soseta]

مشكوره نفوطه حبيبتي ..

حشمه ماقصرتي حبيبتي , انا هذا اللي قريته بالنت ان تتأخر عليها الدوره وتتوحم وجذي واخر شي تطلع مو حامل , تكون حاله نفسيه ..
بس انا سامعه عن وحده انها حللت وطلع انها حامل وجذي بس اللي فيها جيس , مو مستوعبه انااااااا سالفه الحمل الكاذب , ياريت اللي عنده معلومات اكثر يفيدني !!


حتى اتذكر لما سمعت ان فلانه حامل بعدها قالوا لا حملها كاذب يعني ماكو جنين بس جيس , عقبها بشهر يمكن وحده ثانيه احملت وماتبي الجنين فسقطته بالشهور الاولى من غير لااحد يدري , وقالت ان اهيا حامل بس حمل كاذب ..

مايندرا الناس جذابين والا الحمل جاذب !!

ودي اعرف عنه بعد

وبعرف , ان اذا الوحده حللت وطلعلها انها حاااااامل , معناته هذا حمل صجي ومستحيل يكون كاذب !!

 

[om_3azoz]

في حريم يطلعون حمل بس لمن يجيكون بالسونار مايكون في بيبي بس جيس >> يمكن هذاا حمل كاذب

 

[كتكوته و اموره]

والله مادري خرعتيني

 

[tota kim]

مادري اول مرا سامع عنه انشالله البنات يفيدونج

 

[م.أسومة]

ايي تتأخر الدورة و بالسونار يبين في كيس حمل من غير جنين

 

[سموره 87]

انا حملت بجيس فاضي بدون جنين بس مو اهوا الحمل الكاذب لانها حامل بس ماتكون الجنين

 

[@سيدة نفسي@]

حتى آنا أموووووووت وأعرف صج يصير إن الوحدة تحلل تحليل بول ويطلعلها خطين يعني هرمون الحمل موجود وتطلع في الآخر حمل كاذب ؟؟معقولة تصير؟؟

 

[soseta]

مشكورين بنات والله ماقصرتوا ..

الظاهر سالفه الجيس صج بس الاسم مو حمل كاذب الاسم شي ثاني بس مادري شنو ..
لان لما سويت سيرج بقوقل طلعلي الحمل الكاذب يكون شي نفسي , ان الوحده تبي تحمل فتتأخر عليها الدوره وتحس انها تتوحم وترجع ومن هالسوالف وعبالها حامل بس لما تحلل تطلع مو حامل ..

بس انا مره وحده قالتلي انها حللت وحامل واخر شي تقولي حملها كاذب عشان جذي احترت وقلت اسال ..


وبعد عمري كتكوته واموره والله مو قصدي اخرعج , بس هالحاله ترا نادره لاتخافين حبيبتي , انا بس حبيت اعرف عنها اكثر ..

ماقصرتوا بنات , واذا فيه معلومات بعد مااقول لا لوووول ..

 

[قهوووه]

انا سمعت بعد عن الحمل الكاذب نفس اعراض الحمل العادي والدوره تنقطع اشهر