استفسار عن اشعة الصبغة .. الله يرزق اللي ترد علي

[** وســـن **]

السلام عليكم بنات




انا اول مرة ادش هالقسم واتمنى من كل قلبي ان الله يرزقكم الذرية الصالحة بالقريب العاجل

اختي تحاليلها هي وزوجها سليمة وتحليل الغدة وهرمون الحليب طبيعي الحمد لله وسوت سونار داخلي الرحم سليم وحجم البويضة 20 وهرمون التبويض كان 27 ودكتورتها قالت كل شي ممتاز وطلبت منها الاشعة تقول يمكن فيه التهاب او انسداد بقناة فالوب

بصراحة انا بسألكم عن احسن مستشفى خاص يسوي اشعة الصبغة للرحم ؟

واللي جربتها هل هي تؤلم ؟ وفيها بنج والا لأ ؟

وسمعنا ان بعد الاشعة يمكن تحمل لان الصبغة تفتح الانبوب اذا كان مسدود ؟ صح الكلام او خطأ ؟

اللي ترد علي عسى الله يسعدها ويوفقها ويرزقها من حيث لا تحتسب وادعولها

اللي ما تعرف ترفع الموضوع

 

[SWEET18]

اول شي الله يزق اختج ومايحرمها وكل البنات انشالله

وانا سامعه بعد الاشعه احتمال واايد كبير للحمل وفي واايد بنات احملوا بنفس الشهر

والباجي ما ادري عنه انشالله البنات ما يقصرون

 

[** وســـن **]

sweet18

الله يسمع منك ويرزق كل محرومه ومشكورة على الرد

 

[فتكات بنت كيداهم]

يا قلبى الله يرزقها الذريه الصالحه انا سويت اشعه صبغه ملونه فى دار الشفا 60 دك عند دكتور حسام كامل فى دار الشفا اهو دكتورى شاطر وايد واذا مافيها انسداد مالالتهاب وماراح يعور وايد تسويه بعد الدورة بعد جم يوم ومافى جماع لا قبل الاشعه وبعدالاشعه لان ساعات ينزل دم خفيف جم يوم ويروح وما تشوف شر انشالله

 

[FoOoShYaa]

اول شئ الله يرزق كل محروم .
انا سويتها في السلام ب120 مع بنج وعطوني خصم علشان وزارتي . وديتها اللدكتورة قالت مافيج شئ بس ما حملت .
بعدين رحت الدكذتورة فوزيه القطان وقالت لازم منظار وبعدين عرفت ليش ماحملت .
المنظار احسن يبين كل شئ وتري نفس المده نص ساعه و نفس البنج الفرق غرزة صغيرررررررررة حيل .

 

[صمت ودموع]

اختي الغاليه انا سويت اشعه الصبغه في مستشفى السلام بدون بنج ب60 دينار عند الدكتور عادل الملاح اهي تعور شوي بس عوار يحتمل باذن الله واهي يسوونها علشان يتاكدون ان الانابيب مفتوحه خل اختج تتوكل على الله وتسويها

 

[** وســـن **]

فتكات بنت كيداهم

الله يجزاك خير الاغلبية مدحولها دار الشفا وراحت اليوم وخذت موعد وعسى الله يكتب اللي فيه الخير ويرزقها وكل محروم

 

[** وســـن **]

FoOoShYaa

اول بتجرب الاشعة واذا ما صار شي يمكن دكتورتها تخليها تسوي المنظار ومشكورة على الرد

 

[** وســـن **]

صمت ودموع

الله يجزاك خير والمستشفى قالوا نسويها لك بدون بنج والله يقدم اللي فيه الخير

 

[زهـــر]

تقدر تطلب بنج اهي حبوبه
انا بالهادي سويتها و سالوني اذا ابي بنج كامل او لا و سويتها من غير بنج
اهيمتعبه شوي و ما تطول انشالله و مجرد ما تسحب الجهاز ينتهي الالم
الله يرزقها و انشالله ما تحتاج المنظار

 

[أحلى عيون]

والله يالغاليه انا سويت الاشعه بمستشفى الفروانيه وكنت مااخذها قبلها ابره والحمدلله ما حسيت بشي


وفيه الصبغه الزرقه بعد سويتها بالفروانيه بنج كامل والحمدلله طلع ما عندي انسداد والله يرزق الجميع

 

[همة فوق الجبال]

أنا سويتها بالشفا بدون بنج ما تعور وايد مثل الطلق الخفيف

 

[giuo]

حبيبتي ما حبيت ادش اقره وما احطلج شي الله يرزق كل محرومه يا رب

 

[عروسه 99]

انا اللي اعرفه انه ايه فيها بنج والهادي يمدحونه اهوا ومشتفى لندن اللي بالنقف والله العالم

 

[?Me]

حبوبه توكلي على الله وسويها

مافي وحده خوافه كثري بس الحمد الله سهاله من رب العالمين

عوارها بسيط وايد مثل عوار الدوره دقيقه بس ويروح

وربي يرزقج ويرزقنا الذريه الصالحه

 

[الفريده]

لاتخافين ولا شى توكلى على الله وسويها والله يرزقج ويفتح عليج

 

[نيبال الايمان]

يا عمرى عسى الله يشافيها ويعافيها ويهونها عليها اللهم امين يارب

وان شاء الله باذن واحد احد يكون حملها عن قريب اللهم امين يارب


ويارب يارب يارب ترزقها وترزقنى وترزق كل محروم ومحرومه منهم اللهم امين يارب

 

[** وســـن **]

تقدر تطلب بنج اهي حبوبه
انا بالهادي سويتها و سالوني اذا ابي بنج كامل او لا و سويتها من غير بنج
اهيمتعبه شوي و ما تطول انشالله و مجرد ما تسحب الجهاز ينتهي الالم
الله يرزقها و انشالله ما تحتاج المنظار

والله يالغاليه انا سويت الاشعه بمستشفى الفروانيه وكنت مااخذها قبلها ابره والحمدلله ما حسيت بشي

وفيه الصبغه الزرقه بعد سويتها بالفروانيه بنج كامل والحمدلله طلع ما عندي انسداد والله يرزق الجميع

أنا سويتها بالشفا بدون بنج ما تعور وايد مثل الطلق الخفيف

حبيبتي ما حبيت ادش اقره وما احطلج شي الله يرزق كل محرومه يا رب

انا اللي اعرفه انه ايه فيها بنج والهادي يمدحونه اهوا ومشتفى لندن اللي بالنقف والله العالم

حبوبه توكلي على الله وسويها

مافي وحده خوافه كثري بس الحمد الله سهاله من رب العالمين

عوارها بسيط وايد مثل عوار الدوره دقيقه بس ويروح

وربي يرزقج ويرزقنا الذريه الصالحه

لاتخافين ولا شى توكلى على الله وسويها والله يرزقج ويفتح عليج

يا عمرى عسى الله يشافيها ويعافيها ويهونها عليها اللهم امين يارب

وان شاء الله باذن واحد احد يكون حملها عن قريب اللهم امين يارب


ويارب يارب يارب ترزقها وترزقنى وترزق كل محروم ومحرومه منهم اللهم امين يارب

الله يجزاكم خير ويرزقكم الذرية الصالحة يا رب

 

[ام يوسف القمر]

انا سويتها بالصباح ماتعور الا شوي بدون بنج

والثانية في العرف بدون بنج 100 بس ماتعور


والله يرزقها ان شالله بالتؤم وصحيح سبحانة لله بعضهم يحملون على طول