استفسار عاجل بخصوص دبي/فزعتكم بناات

[д7βk βşķάť]

السلام عليكم ورحمه الله وبركاته
صبااح الورد حبايب قلبي
حبايبي ابي فزعتكم بليز
ابي اماكن ترفيهيه وحلوه بدبي
انا حاليا فيهاا
انا وزوجي
وابي اماكن حلوه يعني اقدر اخذ راحتي مع زوجي
فزعتكم بناات
مع العلم اول مره اطب دبي
سفرتنا سياحيه موتقضي ياريت تفيدوني لاني ضايعه بصراحه :'( :eh_s(16):
ويعطيكم العافيه مقدما :eh_s(22):

 

[д7βk βşķάť]

شدعوه بناات ��
وين الردود
اكثر من مشاهد رد واحد مافي جاملوني ع الاقل
​

 

[فواصل]

روحي دبي مول (لا تفوتج عروض النافورة يبتدون من عقب المغرب لين 11 بتوقيت الامارات ) و عندج جي بي ار روعة

وروحي فندق سراي زعبيل عجيب الفندق صصم بالطراز العثماني

ويمدحون السينما في دبي مول =يعطونج غرفة في اي بي جنج قاعدة في غرفتج

وعندج سوق البحار كله تمشي و مطاعم

روحي اشوفي برج خليفة

واذا في شيء برجع اكتبه

 

[д7βk βşķάť]

يعطيج العافيه فديتج
جزاج الله خير
ع المعلومات ونور الله دربج
​

 

[Moon-ae]

انا من دبي بس ماشاءالله السياح يعرفونها اكثر عني ههههههه , وبصراحة دبي مايبيلها قعدة طويلة يعني بالكثير 5 ايام

عندج
القرية العالمية بس مادري متى بتتسكر
دبي مول (فيها الاكواريم +وخذي لج لفة برا المول عند النافورة)
امارات مول وفيها مدينة الثلج
jbr حق التمشي وفيها مطاعم
فستفل ستي عندهم قعدة حلوة برا المول وفيها مطاعم راقية
وايلد وادي مدينة مائية يعني اكيد فيها مفاصيخ ><"!

 

[д7βk βşķάť]

هههه مفاصيخ مابي
فديتج ماقصرتي يالغاليه
بس وين القاها القريه وين مكانها
دبي مول قلتي فيه الاكواريم شنو يعني !!
Jbr قلتي انه حق تمشي اهو عباره عن مجمع ولا شنو
طيب حبيت اسال عندكم دزني لاند كاني سمعت عندكم بس باسم غير
​

 

[Alrem_q8]

الاكواريوم يعني مثل المركز العلمي احواض ماي كبيييره فيها سمج وكائنات بحريه واللي تقصدينه بدزني لاند هذي اسمها دبي لاند ومانفتحت كلها لكن في اجزاء منها انفتحت
مثل القريه العالميه يقولون انها تتبع دبي لاند
القريه العالميه حييييل حلوه لاتطوفج جنها تبطل الساعه 3 العصر
ومثل ماقالو دبي مول روووعه النافوره وصعدي برج خليفه احجزي قبله بيوم
تقدرين تروحين برج العرب حييييل حلو
وانصحج تروحين قريه البوم السياحيه )) تركبين سفينه وتتعشين فيها ويحطون موسيقى هااااديه
والحين من ثلاث اسابيع فتحو الميركال قاردن حيييل حلوه اهي عباره عن حديقه ورود لا تطووفج
وطبعا الامارات مول فيه سكي دبي اللي اهي المدينة الثلجيه
وعندج المقهى الجليدي
وتقدرين تروحين عالم فراري بأببوظبي
وعندج اتلانتس دبي فيها اكواريوم وممشى صغير حلو وسوق وفيها الحديقه المائيه طبعا مفاصيخ هههههههههه بس حلوه فيها تقدرين تسبحين مع الدولفين
وان شاءالله تستانسين بالسفره
بس الصراحه غلطتي انتي شلون تسافرين وماتعرفين شنو اللي موجود وشنو الحلو ههههههههههه بس ماعليه تجربه والسفرات الجايه اعرفي كل شي قبل الروحه )) بالتوفيق

 

[д7βk βşķάť]

بعد عمري مشكوره
اي والله صاجه حدي غلطانه ههههههه
بس لان السفره جات فجاه
بس يالله خيره

 

[M!SS.LOBY]

يمدحون مجمع دبي مول بصراحة