استفسار خواتي عن الترتيب في ديوان الخدمة المدنية

[bue_rose]

مساء الخير...يشرفني اني اشارك بهالمنتدى العجيب...وتسمحولي اني عديتكم كلكم خواتي بدون ماتعرفوني منو أنا...
صج اني يديدة عليكم بس أنا متصفحة بشكل يومي للمنتدى ووايد استفدت الصراحة...فا بارك الله للقائمات على هالمنتدى و العضوات جميعا...وأتمنى تقبولي أخت لكم
سؤالي...
أنا مقدمة عالديوان آخر دفعة ...يعني أقل من شهر و اليوم طلعلي الترتيب ...قبلها ماكان طالع الترتيب...
وطالعلي:
3 / 3
مؤهل للترشيح لأول مرة(المرفوضين 3)

شنو يعني المرفوضين 3؟ شنو وضعي من هالكلام؟
وشكرا

 

[ام يوسف السعد]

السلام هلا والله حبيبتى حياج الله ويانا وسامحى البنات اللى ماردوا عليج اغلبية البنات اللى مداوميين على هالقسم بعد المغرب ايون
وعلى سالفة الديوان انشا الله خير
وجنة على ما اضن انة رقمج اقرييب
وبس حبيت اسالج شى ماكو شى بحتياجات الجهاات وزارات او شى جذى

المرفوضين عادى لازم يحطون لج مرفوضيين بس انتى مالج شغل فيهم

 

[bue_rose]

هلا والله أختي أم يوسف السعد عسى أيامج كلها سعادة
أنا للي بي افهمه ليش 3 مرفوضين ان كان انا ترتيبي 3 فهل انا من المرفوضين ولا شالسالفة؟

 

[راقية بأخلاقي]

والله ما اعرف ولا عندي فكرة بس ما حبيت ادش وما ادعيلج

الله يوفقج ويبشرج خير

 

[حبيبه العلي]

ترتيبج 3 والعدد اللي نفس تخصصج 3

والمرفوضين مو متأكده

 

[عيوني حزينة f]

هلا والله حياج اختي

ممكن سؤال انتي قبلوج بالتوظيف قبل هالمرة

 

[bue_rose]

أم يوسف السعد...أنا تخصصي ميكروبيولوجي وجم وزارة محتاجين تخصصنا فا أنا مااحاتي هالناحية
راقية بأخلاقي...أسم على مسمى ...بارك الله فيج حبوبة
حبيبة العلي تسلمين
عيوني حزينة...لأ أول مره اقدم عالديوان...وتوني مقدمة قبل لا يسكر الديوان بجم يوم...بس الغريبة الحين توني ادش واشوف الترتيب انشال!!
انا قبل كنت اشتغل بقطاع خاص وقدمت استقالتي وقدمت عالديوان

 

[المكسيكيه]

حبيبتي (3/3) يعني انتو ثلاث بنات حلوو وقبلج ثنتين يعني انتي رقمج ثلاثه
والمرفوضين 3 يعني في ثلاث بنات غيركم رافضين عرفتي ياقلبي

 

[عيوني حزينة f]

هلا حبيبتي

مثل ماقالت اختي المكسيكيه

يعني انشالله اسمج ينزل مع الدفعه الجاية والله كريم

 

[رومانسيه ورديه]

اللي اعرفه نفس اللي قالوه البنات
وموفقه يارب

 

[سيدة المطر]

أنا مكتوب 4/7 يعني انا قبلي 3 مو ؟

 

[bue_rose]

تسلمون خواتي عالدعوات الطيبة
بس انا شنو استفيد انهم يقولولي انه اكو 3 مرفوضين؟ شتفيدني هالمعلومة؟
انا عرفت انه ترتيبي ال3 واكو قبلي 2 بس شفايدة انهم يكتبون مرفوضين 3؟

 

[bue_rose]

سيدة المطر...على كلام خواتي أتوقع اييي

 

[المكسيكيه]

أنا مكتوب 4/7 يعني انا قبلي 3 مو ؟

بالضبط حبيبتي

 

[المكسيكيه]

تسلمون خواتي عالدعوات الطيبة
بس انا شنو استفيد انهم يقولولي انه اكو 3 مرفوضين؟ شتفيدني هالمعلومة؟
انا عرفت انه ترتيبي ال3 واكو قبلي 2 بس شفايدة انهم يكتبون مرفوضين 3؟

والله ما ادري شلون نظامهم حبيبتي:0bee2e8d89:

 

[سيدة المطر]

مشكورين والله يوفقكم باجر اليوم الموعود وانشالله يارب الكل مترشح:eh_s(8):

 

[bue_rose]

آآمين بس شكله مو باجر لأنه قاعده اتصفح جريدة الوطن بالنت مالت باجر وماكو شي

 

[سيدة المطر]

لا أختي آخر مرة عرفت ترشيحي من الموقع مالهم حتى مادزولنا مسجات ولا نشرو بالجرايد الرسمية ،، يعني أضمن طريقة انج تجيكين على موقعهم ماعليج من الجرايد.

 

[سيدة المطر]

بس على قولتج يمكن مو باجر بس الأكيد ان هالأسبوع راح ينزلون ترشيحات جديدة والله يوفق الكل بس خلج على موقعهم كل شويه جيكي على عليه.

 

[فلسفه خاصه]

حياج الله وان شاء الله تفيدين وتستفيدين .. والله يرزقج الوظيفه اللي تبينها ..
الخوات بينو لج الطريقه .. وللامانه ماعندي علم بهالشي .. بس !
اللي محيرني اني مسجله تقريبا اول مابطلو هالمرحله يعني التسجيل الاخير .. وللحين مو مبين رقم لي .. ابعرف جم رقمي ممكن احد من الخوات يفيدني بهالشي .. ليش ماعندي رقم .؟ وشنو الحل .. على الرغم اني بكالوريوس .. محاسبه.؟!