استفسار بخصوص حلقة المعده--ممكن تساعدوني:)

[al7noona]

السلام شلونكم بنات عساكم بخير


قررت اني احط حلقه حق معدتي بس انا مااعرف عنها وايد بس الي اعرفه انها مو نفس العمليات ولا تعور واايد يحطولج الحلقه وبنفس اليوم تطلعين من المستشفى؟؟؟؟

منو حطتها وشنو اضرارها وشنو منافعها؟؟ ووين سويتها وعند اي دكتور؟؟ وبجم سويتها؟؟

ساعدوني الله يخليكم لان صج ضايق خلقي على جسمي من ولدت واخترب حيييييل جسمي وابيه يرد نفس قبل :0bee2e8d89:

 

[NoWay2know]

كل اللي اعرفه انه لها مضار، ومو زينه، صج نتائجها ايجابية لكن تالي بتكون سلبية على الصحة

وانشالله البنات يفيدونج أكثر

 

[al7noona]

مشكوووره

 

[NoWay2know]

العفوو

 

[shojoon]

سوي ريجيم احسن لج

 

[ترتل كيك]

هلا الحنونه

انا مسويتها عند دكتور محمد العجمي بالعسكري بس اشتريت الحلقه ب650 دينار بس العملية شوي متعبه في اول شهر بس تردين طبيعتج عادي والحمدلله ما صارتلي سيديفكس

الحين مسويتها من شهر 11 ونزلت تقريبا 9 كيلو بس انا اخربط الحين حيل بس لازم معاها رجيم ورياضة يعني اهي مساعد لا اكثر ولا اقل

واي سؤال انا حاضرة

بالتوفيق

 

[أم منصور]

معانا وحدة بالدوام كانت فيل بدون مبالغة

ضعفت على الحلقة ولكن فعلا صحتها بالنازل ساعات كثيرة يغمى عليها ويودونها البيت بالإسعاف

:eh_s(1):
موفقة حبوبة بس الرجيم والمشي والرياضة احسن من انج تموتين جزآ من معدتك انا حسب معلوماتي يربط جزآ من المعدة بهدف تصغير المعدة حتى تشعرين بالشبع - وبعدين الجزأ ما يوصله غذاء عن طريق الدم فأكيد يعتبر جزآ ميت داخل جسمك اعتقد ياريت تتأكدين واذا احد يفيد شلون العملية - والصراحة حرام تسوين في نفسك جذي كلش ولا الجهاز الهضمي تلعبين فيه فكري في العملية وقرري :cxxxp:

 

[م فطومه]

يابعد عمري شلج بهالسوالف ترى مو بس انتي الي نخترب جسمج... وايد ناس يكافينا الشر ماتوا ( الله يحفظج)
امشي وانا اختج وقللي الاكل والخرابيط يالله اشرايج نمشي

والله انا ضعفت على المشي بس محد يساعد

 

[مرت ريلي]

حبوبة تبين الصج ؟
انا سويتها والله ما منها فايدة أول جم
شهر تنزلين وبعدين يوقف بس تبتدين تاكلين
عادي يعني كل اللي ضعفته بمجهودي
وتعبتني وايد غير ان خلت آثار على بطني شي
بايخ، وبعدين مزعجة فكرة ان في جسم غريب
في معدتج، واحد أعرفه سوا الثانية الـ bypass
اللي اهي تحويل المسار ضعف صار عود في
فترة أقصر مني بس عيبها انج لازم تظلين تاخذين
فيتامينات طول حياتج غير ان ما تقدرين تعكسينها
أدري ان الرياضة والريجيم صعبين شوي لكن بس
تعزمين ويبتدي جسمج يتعدل راح يصير سهل
مثل ما صار معاي والله يوفقج

 

[sanyoreta]

سوي ريجيم احسن لج

 

[سمسميه]

تم تعديل العنوان بواسطة المشرفه

 

[al7noona]

مشكوووووووووووووورين كلكم على ردودكم الحلوه

وانا بصراحه انصدمت علبالي تضعف اطلعت خرطي يعني العب بجسمي واهيا ماتضعف الا بمجهودج عيل اسوي رجيم ورياضه ماكو فرق


نورتوا الموضوع ويعطيكم الف عااافيه

 

[mizyana]

لا تطعف انا اعرف وحده سوتها اظعفت اول سنه 20 كيلو وانا افكر اسويها

 

[اميره1980]

بنات عورتو قلبي لاني بغيت اسويها و الحين قريت موضوعكم هونت ((((((((((((((
شنو الفرق بين هالعمليو و بين تكميم المعدة جزاكم الله خير

 

[& شهد &]

نصيييييييييييييييييييييييييييييييييحه بنات ابعدوا عن العمليات

سويت التحزيم والتحوير ورديت كل اللي نزلته

كل كلام الاطباء للاسف جذب بجذب

ونصيحه ما في مثل الريجيم والرياضه

نصيحتي لكم من اخت تحبكم

رحت للدكتور محمد ربيع ونزلت عنده بشهر 9 كيلو ونص وان شاء الله بستمر عنده الى ان اوصل للحلم

 

[اسبانيه]

انا مسويتها ونزلت 20 كيلو بسنة وحده والمفروض اكثر بس الصراحه غشيت شوي وقمت اخربط ( هذي سوالفنا ما نيوز عنها )

سويتها بمستشفى السلام عند د.محمد فؤاد ..ب 1700 د.ك كل المصاريف ..الحلقه مع العمليه مع الاقامه بالمستشفى ليلتين ..والصراحه

روعه ..راح تتعبين شوي اول اسبوعين ثلاثه وهذا شي طبيعي لان شي غريب بجسمج..وبعدها كل شي اوكي انشالله..

 

[$$لامار$$]

انا ابي اسويها كم اسعارها الحين


وشنو احسن مستشفي