استفساراتي بطلع روحكم بس تحملوني

[طلتي هيبه]

خيطي 3 درريع 4 تيرات اكثر حب ميزانيتج بس لازم تروحين بسرعه
دراريع بيت
بجايم اخذي من h&m ماكس لاسنزا بي اج س

 

[bobo lover]

ابدي تحجزين الصالون والديجي والمصورة وعطيهم اقل عربون ولا تتهورين تدفعين مبلغ كبير، خوفج لا سمح الله يصير ظرف ويتاجل العرس وتروح عليج الفلوس.
تالي، روحي دوري البدلة البيضه وشوفي زياد انطون بجاليرياا 2000 ومجمعات السالمية وخلصي كل شغل البدلة من جوتي تكرمين واكسسوارات وعقب دوري لثاني يوم-اذا في- وخلصي كل الحجوزات وهالشغلات.
الحين ابدي تفصيل دراريع وبدل الاستقبال وخلصي الذهب وفكي عمرج.

عقبه جهزي لج لستة فيها العطورات اللي ودج تجربينها وما اقدر انصحج بشي لان الناس اذواق... شكلي انواع يعني عطر فرنسي على ريحة سويت او باودر او ورد وجذي. واخذي مرشات وكثري منهم للشقة والبخور بعد لا تنسين. اخذي لج دهن عود وعطور عربية كافي 2لان وقت صيف راح يكون عرسج ان شاءالله.

اشتري ميك اب وخلصي من همه بس لا تبطلينه عشان لا ينتهي وحطيه بمكان مو حار، انصحج بفاونديشن كرايولان للمناسبات والباجي اخذي اللي متعودة عليه.

جهزي طقم الجسم من باث اند بدي ووركس وبدي سنتر وفيكتورياز سيكريتس واخذي عالاقل 4 الى 5 مجموعات واصغر حجم.

ابدي بالبجامات والملابس الداخلية والجناط والجواتي واستغلي التنزيلات.

شوفي تجهيزي بالقسم وان شاءالله تستفيدين
والله يوفقج ان شاءالله

 

[اول غرامي m]

مبرووك والله يوفقك

معك وقت ي قلبي لاتفكرين وينشغل بالك

اب للعيونك

 

[kAmMoOnH]

بالتوفيق

 

[جنزبيلا]

امبيه انتي نفسي بكل شي
عرسي بعد 3 شهور
اكبر خواتي
وللحين ماسويت ولا شي كلش
وماعرف شبيسوي
شرايج نتحد ونسوي تحالف !!

وانا بهد عروستين شالصدف هههههه

جيك علي موضوعي بتلقسم اسمه << عروسه جديده ومعاي هديه
بتلقين فيه باخر الصفحات نوت لكل شي بالتجهيز
وموفقه