استفساراتي بطلع روحكم بس تحملوني

[مانسيته]

السلام عليكم ورحمة الله ..
شلونكم بنآت عسآكم منيحين:eh_s(17):
بنآت عرسي باجي عليه 3 شهور ونص وماجهزت ولا شي
وعرسي راح يكون عروستين فبتصير مقارنه بالكشخه والشكل وهالسوالف
حدي متوتره وخافه انه مايمدني حتى بدلة العرس مادري من وين اخذها
وانا اكبر خواتي أحس حدددي ضايعه ماني عارفه شنو ابدي فيه او وين اروح
بليز بنات ابي مساعدتكم ابي مصممين لبدلة العرس ومشاغل دراريع وعبي وهالسوالف
بس ابي شغل كشخه وذرب وناعم مابي ثقيل وسوالف البدلات والعطور والمكياج ابي اسامي محلات وعطور حلوه وسوالف التجهيز الي تعرفونها بس بليز لاحد يبخل علي والله مادري شنو اسوي :eh_s(2):​

 

[بنوته ستايل]

مابيني وبينج شي..
وانا خلصت٨٠٪ من تجهيزي
حيل متأخره حياتي..
اول شي جيبي ورقه وقلم واكتبي كل شي ناقصج
يعني اكتبي لسته بالعطورات جم عطر تبين..؟والبخور ومرشات البيت
واخذي السته واطلعي يوم كامل خلصي كل عطوراتج
واليوم الي بعده الذهب
والي بعده قمصان النوم والبجايم
والي بعده بدلات ونفانيف الاستقبال والزوارات
واليوم الي بعده نفنوف العرس
<<<اهم شي ترتبين امورج وتخلصين شغله شغله
وخصصي يوم حق الحجوزات مثل الصالون والمصوره والدي جي
وبالنسبه للمحلات الي انصحج فيهم
للعطورات عندج الجزيره والقرشي واجمل <<عطورات عربيه وبخور
عندج جشنمال والمركز الفرنسي وبيضون<<عطورات فرنسيه
وبجايم وقمصان النوم عندج لاسنزا ونعومي واوشو بالمهلب وعندج الاسواق الشعبيه عندهم سوالف حق الشقه..
ونفانيف استقبال وبدلات انا افصل بالبلوكات فوق..
ونفنوف العرس رحت معارض وبيوت ماعجبني شي..اكثر شي عجبني بمحل الي بـ٣٦٠ حيل راقي..
والشوزات عندج الدو وناين وست وشريت من عضوه بالمنتدئ عندها موقع وفي وحده بعد عندها شوزات مو صج اذا تبينها راسليني خاص
<<<هذا الي بالي
اي سؤال انا حاضر 

 

[@ DLOO3TAH@]

ـأب

 

[أخر العنقــــود]

موفقه يارب

 

[miss king]

إن شاء الله عندج وقت اليوم الأول عندج زياد أنطوان وايد حلو كونتينتال للمكياج على حسب الطلب و عندج المسكات بياع الورد و رشا شيك

 

[$حبيبة عبودي$]

ماقصرووا

 

[الkحيله]

لا متأخره ولا شي يمديج والله ترا سوالف القمصان يوم واحد والعطور والمكياج هم بيوم واحد انتي اعرفي شنو تبين قبل لاتروحين السوق وبعدين ليش تفكرين بالعروس الثانيه وشاغله نفسح فيها مهي جايبه جهازها من المريخ كل شي بالسوقه واذا على المشاغل سوي سيرج بقوقل وبتحصلين قائمه طويييييله اهم الشي التوفيق والله يهني

 

[بش بش |]

مشكوورين وماقصرتووووو

 

[amami al-kuwai]

العطورات اجمل وبيضون والمركز الفرنسي
المكياج المنصور وعروس البحر
الدراريع العربيد وشوفي المعارض مثل رامادا والروضان وسليل
العبايات والشيال اذا محجبه شوفي الوشاح الذهبي والمشعل وحناين
بدلت العرس البرجوازيه ورشا شيك مع انه ما عجبني لما دورت لبدلتي وهم حلو ايمن شري الدين اتيليه الان وشوفي شروق سالمين دام متأخره لاتفصيلنه واجريه
وشوفي شغلات بالمباركيه يعني تناتيفج واغراضج الثانيه

واذا في اي شي بعد حاضره باي وقت

 

[amami al-kuwai]

ايي نسيت روحي الافنيوز والمجمعات وقت التنزيلات

بس مو كل شي منهم لان في شغلات مبالغ فيها

وفي شغلات من الاسواق الشعبيه مثل القمصان والبجايم وبدل خفيفه واذا تبين شي حلو بعد نعومي افضل

بس نصيحه روحي الحمرا مول والعربيد بلازا احلى شي عندهم

 

[ابتسامتي عسل]

مبرروك الله يتتم علييييييييج

 

[ليه الجفآ]

موووفقه ..


آآآآآآآآآآآب​

 

[*الشيـــهـانـة*]

بالعكس عندج وقت رتبي شغلج بورقه وخصصي يوم حق كل شغله معينه
مثلا العطور بيوم والمكياج بيوم والقمصان بيوم وجذي وراح تخلصين بسرعه
ولاتنسين تهتمين بنفسج وببشرتج واسنانج وجسمج هذا اهم من الخلاجين
وموفقه ياااااارب

 

[someone like u]

اول شي كتبي لسته
لسته يوم العرس .. الفستان/الكوشه اذا عليج/شعر مكياج/ قميص اول يوم وماتذكر الباقي .. خلصي منهم اول شي بترتاحيييين
لسته الجهاز .. ملابس البيت/ملابس نوم/ ملابس داخليه/ بدل ودراريع/جنط وجواتي/مكياج وعطور .. انتي واحتياجاتج كتبي لسته بالتفصيل وكل ماتخلصين شي اشطبيه
كل اسبوع حددي شي تشترينه .. اول اسبوع ملابس البيت ثاني اسبوع ملابس داخليه ونوم / الثالث عطور ومكياج
وجذي بترتبين امورج وبتخلصين بسرعه .. خلي اخر شهر قبل العرس ريلاكس سوي مساج وحمامات وبرنامج عروس
مبروك والله يتمم عليج

 

[شموخ احساسي]

للنفنوف الابيض البرجوازيه حلو بصراحه
ولا تخافين من الوقت انتي نظمي شغلج بورقه وكل شي بيكون سهالات

 

[حجيه هيونه]

كل شغلج ممكن تخلصينه بشهر

بس نصيحتي لج ابدي ببدلة العرس اهي اكثر وحدة تحتاج فرارة ودوارة

لي حجزتي وخلصتي جابلي الباجي

وخلي اخر شهر لج ارتاحي فيه اهتمي ببشرتج ونفسيتج



والله يوفقج

 

[حلى الملكي]

لا تحاتين للحين في وقت انا نفسج عرسي تقريبا بعد ثلاث شهور وجهزت شوية شغلات من قبل والحين حجزت المصوره وافتريت ع جم اتيليه ما عجبوني دفشين واوفر والشوارفسكي مصدي لووووووووول طبعا هذيل بانجفه ورشا شيك بس انا انصحج روحي لزياد انطوان عندهم عرض من اسبوع يمكن يعجبج شي جد شغله راقي حيييييل وقميص نوم اول ليلة روحي للحمرا مول محل اسمه وناسه يمكن تاخذينه 40 مو اكثر من 50 وهم حلوين وبالتوفيق يا عروسه

 

[نواتل]

اول شي كتبي لسته
لسته يوم العرس .. الفستان/الكوشه اذا عليج/شعر مكياج/ قميص اول يوم وماتذكر الباقي .. خلصي منهم اول شي بترتاحيييين
لسته الجهاز .. ملابس البيت/ملابس نوم/ ملابس داخليه/ بدل ودراريع/جنط وجواتي/مكياج وعطور .. انتي واحتياجاتج كتبي لسته بالتفصيل وكل ماتخلصين شي اشطبيه
كل اسبوع حددي شي تشترينه .. اول اسبوع ملابس البيت ثاني اسبوع ملابس داخليه ونوم / الثالث عطور ومكياج
وجذي بترتبين امورج وبتخلصين بسرعه .. خلي اخر شهر قبل العرس ريلاكس سوي مساج وحمامات وبرنامج عروس
مبروك والله يتمم عليج

خووووووش برنامج :eh_s(15):
قواج الله

الله يسهل علينا يارب
​

 

[جنزبيلا]

امبيه انتي نفسي بكل شي
عرسي بعد 3 شهور
اكبر خواتي
وللحين ماسويت ولا شي كلش
وماعرف شبيسوي
شرايج نتحد ونسوي تحالف !!

 

[عادت ذكرياتي]

الله يوفقج البنوتات ما قصروا