استفساراتكم عن الحضانات تجدونها هنا - الجزء الأول

[bambena]

مشاركة: جان زين يحطو لنا حضانات في اماكن شغلنا

انا وايد افكر بهالفكره وياريت يسوونها بس جان ماتشوفين ولا موظفه بمكتبها كل شوي يروحون يتطمنون عالياهل!

 

[leza_q8]

مشاركة: الى اتعرف بالحضانات تساعدنى

انا بنتي بالفصحى ومستانسه منها وايد وحلوه ومفيده

بس بروح اشوف الملتقى

لاني انا بدششها الباكستانيه فيمك احسن لها وتجيكم العلوم

 

[leza_q8]

مشاركة: الى اتعرف بالحضانات تساعدنى

حضانة الفصحى
رسومها 80 دينار شهري
وفتح الملف 20 ديتار
10 دينار اذا تلبس بامبرز
الدوام من 7ونص الي الواحده
ياخذون من عمر سنتين الي 4 سنوات
الادارة والاشراف ل طارق السويدان وزوجته

يتكلمون كل بالفصحى وتعتمد على العربي والاسلاميه والقرآن فيها انجليزي بس بشكل معتدل

حلوه بنتي حابتها

اما بخصوص الحضانه الثانيه (مرتقى)

الروضه كل انجليزي وقليل عربي ودين
رسومها السنويه 1100 دينار
الكورس الواحد 550 دينار
الشهر 150 دينار
غير فتح الملف الي ب 20 دينار
10 دينار اذا يلبس بامبرز
الدوام من 7 ونص الي الواحده
ياخذون من عمر سنه و9شهور الي 4 سنوات

الاداره امريكيه بادارت ميس فاطمه لين
والاشراف لي طارق السويدان
رقم التلفون 2540238

 

[Miss_Tiger79]

مشاركة: الى اتعرف بالحضانات تساعدنى

انزين اختى ليزا انا قاعده احاتى الدشه الصبح والطلعه الظهر من الجابريه زحمه والا عادى لانى وديت ولدى مرتين اسال عن الحضانه وشافها بس ترددت لانه الكل قالى الجابريه زحمه
والى عجبنى بالفصحى انهم امسويين احدث اساليب التربيه حق اليهال
ومشكوره

 

[* LOVE STORY *]

مشاركة: الى اتعرف بالحضانات تساعدنى

مس تايقر


عندج حضانة المرح بالنزهه


بنت خالي مدخله بنتها فيها وتمدحها وايد


وتعرفين النزهه هدوء ولازحمه ولاشي


واللي اعرفه انه بالشهر 120


وهي مقابل حلويات الصافي

 

[* LOVE STORY *]

مشاركة: ta3alaw ya ommahaat yayba 7ag e3yalkom malabis el saif

هاي ام عزيز


ياليت ادزين صور ملابس الاولاد من سنه سنتين الا سنتين ونص ع الخاص عشان اشوفهم


وموفقه

 

[Miss_Tiger79]

مشاركة: الى اتعرف بالحضانات تساعدنى

اى رحت شفتها مادرى ما ارتحت لها كلها مسكره مايطلعون اليهال بحديقه بره يعنى ما يشمون اليهال الهواء الخارجي ههههههههه

وبس فيهم ميزه اعجبتنى فيهم انهم يعلمون عربى وانجليزى وفرنسي يعنى مو بس انجليزي
ومشكورين على اهتمامكم

 

[Cadburya]

مشاركة: الى اتعرف بالحضانات تساعدنى

مس تايغر ... و الله أعتقد حضانة الفصحى زينة ..

إن شاء الله أمي بتدخل أخوي الصغير فيها الشهر الياي ..

أعتقد إن القرآن و اللغة العربية أفود لهم الحين وهما يهال .. لاحقين على الانجليزي ,, مردهم بيتعلمون

 

[Miss_Tiger79]

مشاركة: الى اتعرف بالحضانات تساعدنى

مشكوره حبيبتى على الرد

 

[leza_q8]

مشاركة: الى اتعرف بالحضانات تساعدنى

اسفه تاخرت عليج بالرد

بخصوص الزجمه عادي انا بالجابريه ومتعوده على الزحمه

فمو مارقه معاي
وبعدين حضانتهم وايد حلوه وقويه والي يبي ... ما يقول اح

 

[أم ضارى]

مشاركة: أفضل حضانه للأطفال / حياكم

بنات انا ماقريت الموضوع كله ومادرى اذا احد تكلم عن الحضانه اللى بقولكم عنها بس صراحه انا بكلمكم عن تجربه

لانى وحده وسواسيه حيل وطاح حيلى وانا ادور حضانه زينه بالاندلس او قريب منها تكون نظييييييييفه اهم شى والناس اللى فيها زينين ومنهجها يكون اما انجليزى او ثنائية اللغه

الحمدلله على حظ عيالى شهر ثمانيه اللى طاف فتحوا حضانة خطوه بخطوه خلف مكتبة السنافر اللى بمنطقة الاندلس

بس صراحه ممتازه اول شى صاحبها دكتور بالتربيه

ثانى شى اللى يشتغلون فيها يهبلون ونفسهم حلوه
ثالث شى نظيفه وايد وجديده
رابع شى وايد متعاونين ماقط طلبت منهم او نبهتهم عن شغله الا سووها
خامس شى من النوع اللى يتواصلون مع الاهل وعلى طول على اتصال معاى
سادس شى الحضانه كل شهر يسوون رحله حق اليهال بس طبعا فيه رسوم للرحله
سابع شى يسوون حفلات حق اليهال بكل مناسبه ويوزعون هدايا على اليهال والاهالى ساعات
ثامن شى فيه كاميرات مراقبه بالحمامات وغرفة اليهال اللى من سنه واصغر يعنى ممكن باى لحظه تطبين عليهم وتراقبين الموقف(انا شخصيا جم مره ايي ويكونون قاعدين يبدلون حق بنتى حفاضتها واقعد اراقب بدون لحد يدرى لان السكرتيره تكون داخل عندهم )
تاسع شى اذا ولدج مريض وتبين تطمنين عليه يشبكون معاج بالماسنجر ويورونج ولدج علشان تطمنين عليه

وييييييييه تعبت

عاشرا رسومهم معقوله 70 دينار بالشهر

واى استفسار انا حاضره

 

[xxx]

مشاركة: أفضل حضانه للأطفال / حياكم

مشكورة أم ضاري على هالمعلومات المفيده

والله يسخرهم حق عيالج

 

[sunshine22]

مشاركة: أفضل حضانه للأطفال / حياكم

منو سمعت عن


حضــــــــــانه أنجـــــــــــال



بصباح الناصر ..............؟

حيل قريبه من شقتي

 

[أم ضارى]

مشاركة: أفضل حضانه للأطفال / حياكم

حاضرين بنت الكويت

اهم شى ان كلامى مو سامعته من احد عن تجربه علشان جذيه قلته لكم

 

[lolo77]

مشاركة: أفضل حضانه للأطفال / حياكم

اشدعوا بنات ماكوا حظانات
بالفحيحيل المنقف
اي منطقة ؟؟

 

[ms_darkdream]

مشاركة: وووااااااي عور جلبي

سوري يا بنات الفيديو شالوووووو
جلبي اقصد فيها قلبي سوري
ما كنت منتبه هيهيهيهيهي وانتو ما صدقتو على طووووووووووول

 

[Dancing^Queen]

مشاركة: أفضل حضانه للأطفال / حياكم

ام ضاري شكلها حضانه روعه ماشالله

 

[أم ضارى]

مشاركة: أفضل حضانه للأطفال / حياكم

Dancing^Queen
اى والله الحمدلله الله وفقنا فيها من كثر ماحاتيت والله

وان شاء الله باجر عندهم رحله حق حديقة الحيوان الروحه + الغدا بدينار ونص

ياحلوها هيونه بتروح حديقة الحيوان وناااااااااااااااسه ياعمرى

 

[xxx]

مشاركة: أفضل حضانه للأطفال / حياكم

أم ضاري

حمدالله الله عطاج على قد نيتج

 

[أحلى الجياكر]

مشاركة: أفضل حضانه للأطفال / حياكم

يمدحون الراشد بالعديلية والله ..إنشاء الله من يكمل ولدى سنتين بدخله ...بس جنها غالية !!