استفساراتكم عن الحضانات تجدونها هنا - الجزء الأول

[رفرف]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

الله يعينج ..
شوفي اذا عندج احد تخلين عنده البيبي سواء اهلج او حمولتج طبعا مع خدامته بس عالاقل في مراقبة واحد حاط عينه عليها ماله داعي تدخلينه حضانة ..

أما اذا ماعندج احد أحسنلج تودينه حضانة انا شايفة الوضع بحضانة بنتي عندهم صف حق البيبيات أول شي دار يم دار ماكو مجال خدامة تنزر ياهل او تأذيه والباب امبطل كل شوي أحد طايف يعني انشالله أمان غير ان في أكثر من خدامة ما مهنتهم الا مجابل اليهال ويتناوبون مو نفس خدامتج بالبيت وراها شغل ونوم ...

انا اقول أحسن من قعدة الياهل مع الخدامة بروحهم لو يحن شوية تتملل تكفخه والا تسويله شي..

انا بنتي بحضانة الابداع بصباح السالم مادري اذا قريبة عليج والا لا بس ترى انا ماجربت صف اليهال ولا ادري منو يغير لهم بامبرز وهالتفاصيل لأني دخلت بنتي وعمرها سنتين بس للأمانة الحضانة وايد زينة وصاحبة الحضانة غير الناظرة وايد مهتمين وكله قاعدين هناك ويلفون عالصفوف ومتجاوبين مع أي شكوى او ملاحظة ..

 

[سارا ديور]

رد: حضانة كيفان النموذجيه

حياج ولا يهمج.
الله يعينج ملتزمه بدوام, علشان جذي صعبه و خصوصا الطريج يعل القلب.

إيه والله شي يغث وانا ابلة العاب ومايصير اتاخر على الطابور

 

[طيبة الكويتية]

رد: حضانة كيفان النموذجيه

موفقه يارب
و انشاءالله تحصلين الشي الزين حقه, و دام انج دافعه فلوس فحاولي يكون شي يفيده و يتعلم منه.
والله يحفقظه لج ياااااااااااارب

 

[nanosa78]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

حضانة الابداع زينه للي عمرهم فوق السنه بس للبيبيات ما انصح لان انا وديت ولدي عمره 9 شهور تغربل اللي قاعده مع اليهال ما ارتحت منها والغرفه صغيره ولويه وولدي على طول مريض من اليهال هذا الكلام من 4 سنوات ما ادري عنهم الحين يمكن تغيرو ,اما عن الحضانات ما ادري عن الباجي والله يعينج

 

[om el7elwen]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

انا ما ايد الحضانه حق الياهل ابهل عمر احسن عمر سنتين بس اذا ماعندج احد اتخلينه عنده خليه عند الخدامة وانشاءالله ما فيه الا العافية

 

[زيـنـه]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

الحضانه حلاتها للياهل من عمر سنتين او سنتين و نص .. على الاقل الياهل يتكلم و يمكن متعود على قطة البامبرز .

بس عمر 3 اشهر ضغير جدا للحضانه .. و تكسر الخاطر على الاقل خليها بالبيت تنام براحتها و تبعدينها عن الامراض و الحساسيات من اليهال .

حاولي تخلينها ببيت اهلج او اهل زوجج .. و الله يسهل عليج .

 

[Fouz]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

مناير ما ألومج صراحة
انا بنتي عمرها فوق السنة و لي الحين مخي ما يوقف و انا بالدوام و هذي عند أهلي بعد. بالنسبة حق سؤالج والله ما أؤيد اودي البيبي بهالعمر حضانة بس كل انسان و ظروفه، اذا تقدرين تودين البيبي عند أهلج ولا عند خالتج يتراوالي وايد أحسن لأن البيبي بهالعمر وايد ضعيف و بيلقط كل علة بسرعة و الأذية عليج.
الله يعينج و ان شاالله توصلين حق القرار اللي يريحج

 

[cat women]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

لا حرام انا بنتي عمرها سنتين يقولون لي وديها اخاف عليها من الحضانه بروحها فما بالج 3 شهور انا اقول خليها عند اهلج او اهل حمولتج واذا درب عليهم طلبيلج بيبي سيتر بدال الخدامه العاديه علشان اتطمنين اكثر

 

[مسك 3]

رد: حضانة كيفان النموذجيه

بنات انا معاكم بعد وشكلي بروح أسال حق ولدي بس أخاف ما يدخلونه لأنه صغير ماكمل سنتين شكلي باجر بسوي جوله مكوكيه في حضانات كيفان واييب تقرير

 

[الفنانه79]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

لااااااااااااا حرام يتغربل الياهل بالحضانه وانا ماالومج انا لما كانوا اعيالي في البيت كنت اشب نار على ماارجع وانا حاطتلهم خدامتين حق كل ياهل وحده بس وايد اصغير عمر 3 اشهور على الحضانه وانا ماارتحت الا لما كملوا السنتين ودخلتهم حضانه وارررررررتحت
واذا ماتقدرين او ماعندج احد اتأمنين عنده الياهل اخذي امومه ولا يصير بالياهل شي (وبهالسن الصراحه وعن تجربه لامع الخدم امان ولا بالحضانه امان)

والله يعينج انا ماره بمثل حالتج

 

[عشق]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

حبوبه انا نفس ظروفج كنت بوديها الحضانه بس امي ما رضت تخيلي ان دوامي بالعارضيه وانا ساكنه بالرقه اوديها الرميثيه وبعدين اروح الدوام وهذا مرات انام عندهم علشان مالي خلق الروحه والرده وقاعده الحين احاتي المدارس اذا بلشوا والطريج زحمه
شوفي لج اقرب حضانه ووديها اول شي احسن لها لا تتعلم عليج بس وبعدين على ما تكبر ما تستغرب من الناس وتكون وحشيه
انا الحين بنتي راح اوديها ان شاء الله واول ما تعرف تتكلم وتستوعب الامور ادخلها حضانه سنعه
بس وين للحيني ما حددت

 

[al7reyaa]

رد: حضانة كيفان النموذجيه

السلام عليكم
انا كنت مدخله ولدي فيها والحمد لله خووووووووووووووش حضانه انا حسيت انه استفاد منها يعرف الالوان والارقام انجليزي وعربي والاحرف الانجليزي ويحيي العلم وحافظ قران ولازم يسمي قبل الاكل وصاير مؤدب واااااااااااااااااااااااااااااااااااااااااااااااااااااااااااااااايد



اول 3 ايام يصارخ ويرجع وقلبي يرقع من ندخل كيفان واليوم الرابع قعد يصارخ الللللللللللللللاااااااااااااااه حفانه كيفان الموذجيه



وصار حتى العصر يلبح بيروح الحفانه والخميس والجمعه بعد
والله انا وااااااااااااااايد ارتحت لان حتى بنت اختي اهناك .. وبنت اختي تبارك الرحمن تلقط احسن من ولدي




الحين غيروا ناظرتهم اول كانت حنان الرومي جنها والحين ما ادري منو

 

[al7reyaa]

رد: حضانة كيفان النموذجيه

مسك
حضانه كيفان النموذجيه ياخذون من سن سنتين وفوق مو اقل

اي وما قلت لكم رسومها احنى لان مو من سكان كيفان كانوا ياخذون 70 على الطفل بس سكان كيفان جنه 40


انا الحين ادووور لهم حضانه تاخذهم اثنينهم لان مابي اشاوط كل واحد بحضانه

ابي مكان حق سنتين وثلاث سنوات

 

[@ الرسامة @]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

ماراح تقدرين اتطلعين ياهل بهالعمر برة البيت من الصبح
جونا يا بارد او كلش حار

والياهل راح يمرض

 

[Berlant]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

انا ساكنة عند حمولتي و خالتي مره كبيرة بس ماتخش الكلمة بقلبها الله يهديها اخاف اخليها عندها تقعد تتمنن بعدين مع ان خدامتها معاها بس مابي احط نفسي بهالموقف كلش

 

[رفرف]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

خليها عند خالتج انا اقول خو مهي جايستها عند الخدامة بس عالاقل الخدامة تحسب حساب ان في احد بالبيت وان ياتج كلمة مني مناك أمرج لله دخليها الحضانة بس خليها آخر حل

 

[moors]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

الله يكون بعونج لا لا تخلينها بروحها ولا البنت ينخاف عليها اكثر

 

[* LOVE STORY *]

رد: حضانه حق بيبي عمره 3 شهور .. شتقولون ؟؟ ابي منكم نصيحه اخوية

نصيحه مني لج اختي اخذي امومه احسن ألزم ماعليج بنيتج وانتي محاسبه عليها جدام الله يعني بذمتج اذا صار فيها شي ،، والا الدوام لاحقه عليه

وبعدين اهي بعمر ماكو مناعه يعني ادنى مرض بالحضانه بيعاديها وفرضآ اهي تعبانه بتنام ويمها ياهل يصيح ولويه شلون بتنام وعليه ؟

والله يفرجها عليج ان شاءالله

 

[بدابد]

منو دخلت اعيالها حضانة قلف منتسوري؟؟(اللي في سلوى)

السلام عليكم
اتمنى من الخوات اللي امدخلين اعيالهن حضانة قلف منتسوري اللي بسلوى يقولولي معلومات عنها؟؟
اشلون تعاملهم ؟
يعني ابي اعرف عن الحضانه اذا زينه او لا؟
ومشكورين

 

[ملوكه84]

رد: منو دخلت اعيالها حضانة قلف منتسوري؟؟(اللي في سلوى)

بصراحة ماعرفها بس انشالله يفيدونج البنات