استفتاء ( بذمتكم بتخلونهم يداومون )

[ام فهدان الكويتيه]

الكتاب باين من عنوانه

بنات تقفون بتخلونهم والله يداومنون ولا لا
انا وحده مو مستعده اخسر عيالي
خاصتا ان كل عيالي فيهم تنك
بلاضافه الا انهم كلهم اولاد
وتعرفون الاحتكاك والملامسه انتو تعرفون اليهال
وبعدين امس قريت خبر بمجلة سيدتي
انه المدارس السعوديه سوت حمله على كل المدارس ونشرت المطهرات بالممرات
ودخلت المعلمين والمعلمات دورات لتوعية الاولاد وسوت اجراءات احترازيه ووزعت مجسات حراريه على المدرسه


تقفى ابي شي واحد سووه التربيه

انا وحده مو مستعده اخسر عيالي
سنه تفوت ولا يضيع عمرهم كله

ابي رايكم

وتعليقاتكم

:0bee2e8d89:​

 

[ام فهدان الكويتيه]

انشالله تردون علي

 

[غير كل الناس]

ماكو الا العافيه انشاء الله

 

[Um Hasan]

انا راح أخليهم يداومون والله الحافظ انشالله

 

[معشوقتهـ]

انا بعد معاج سنه تفوت ولا اودي عيالي للمرض بيدي

 

[أمون74]

والله آنا بنتي بتروح 3 ابتدائي ماني مخليتها اداوم اول اسبوع وولدي فييه تنك وهو بالمتوسط ماني مخليته اداوم اول اسبوع والله يعينه على ما ابتلانا

 

[ريماا]

انا بغيب ولدى اول الايام وبشوف الوضع

 

[حلم الطفولة]

يس !! ان شاله بخليهم يداومون مع أخذ الحذر وتقوية المناعه والله الحافظ ..

 

[zoozoo Q8]

انا بخلي عيالي يداومون والحافظ الله انشالله
واللي بيغيبون عيالهم اسبوع شالفايده يعني اسبوع ..!!!؟؟؟

ترا ماكو فايده يعني عقب الاسبوع راح يتغير شي ؟؟

الله الحافظ انشالله وماكو الا العافيه ولا توسوسوووون وايد

بس راح اخذ احتياطاتي مثل :
بخلي اليهال ياخذون معاهم مناديل ديتول المعقمه وراح اوصيهم عقب كل حصه وعقب الفرصه ينظفون ايدهم
ورح اوصيهم لا يلعبون الا مع بعض عالاقل اخذ الحذر
وراح اشتري ديتور الرش ( معقم الجو وواعطيه حق الابلات )


وسلامتكم ...

 

[ريـــانـــه]

انا موبايعه عيالي
تروح سنه ولا يروحون عيالي
والله يحفظهم

 

[أم@الحلوين]

لا ماراح اخليهم يداومون لمن اشوف الاوضاع

 

[الحالمه]

ماراح اوديهم ليما أشووف الوضع شلووووون

 

[اسيره2]

انا الحين بنتي فيها انفلونزا عاديه الحمد لله ورب الكعبه تبهددددلت بنتي ضعيييفه وماتاكل عدل ومناعتها حيييييل ضعيفه

مومستعده اوديها وارميها بالتهلكه

 

[مشموشته]

امممممممممممم انا ولدي بيدش اولى روضه 90% ماني موديته ... مع اني مسجلته بمدرسة خاصه والله دافعه 1350 دينار

بس ولدي اهم من الفلوس

 

[أم الحلوة جمان]

و الله ان شالله بودي بنتي المدرسة ( أولى ابتدائي ) ... مع إني في البداية كنت معارضة دوامها ... بس الصراحة أشوف الناس كلها عندها الوضع عادي ... و كاهم شكثرهم بالمجمعات .. و غير كل هذا من أجلوا المدارس ثلاثة ارباعهم سافروا يعني ماكوا فايدة .. يروحون و اييبون المرض مرة ثانية .. و بالتجمعات الصحة تقول لا تقربون و لا تبوسون و هم ماكوا فايدة .. المشكلة مو بغيابهم من المدرسة لأن المرض موجود بكل مكان ..المشكلة إن ماكو توعية عند الناس ..

 

[نورالقمر24]

امممممممممممم طبعا مراح اودها اتطوف سنه وله اصير فيها شي

 

[ام فهدان الكويتيه]

على قولتكم ينات اهي مو مسالت وسوسه
مسالت وباء الله الشافي المعافي
الله اغثنا من البلاء

بس اذا مافي عقار
مافي دوام

تدرون شنو اللي يضيق الخلق
ان العقار بيوصل اول 10
بس اشكره كاتبين الدفعه الاولى بتوصل 100 الف من اصل مليون عقار
راح تتوزع على وزارة الصحه والداخليه وكبار الشخصيات
واحنا ننقع
عاد لين تي الدفعات اللي وراها
عاد شوفوا عيالنا اي دفعه
انا وحده اشوف ان الاحتياط واجب
والعمر جدامهم
ولازم في حل

 

[m&m's]

والله الواحد احتار مره نقول اي ومره نقول لا

الوضع للحين مو مبين

من يومين بنت اختي كانت بمستشفى مبارك

وشافت مره سالت دكتور كويتي قالتله:

عيالي صغار بو 6 و 7 سنين

شتنصحني فيه دكتور اخليهم يدامون؟

رد عليها : انا ماراح اخلي عيالي يداومون

لان اصلا دوا ماعندنا !!!!

هذا رد الدكتورعليها واهو ادرى بالوضع الصحي

يعني احنا شنسوي!!؟؟

وانا للحين بين حانه ومانه :0bee2e8d89:

والله المستعان يحمينا ويحمي عيالنا وجميع المسلمين يارب






​

 

[السنعة2]

الحمدلله الثانويه داومو وماكو الا العافية ان شاء الله
اهم شئ تقوون المناعة عند عيالكم بالاكل الصحي
ومراقبة حالتهم الصحية اول باول

 

[كعبية]

انا بنتي غيبتها من الخاص اخاف عليها حتي لو تروح عليها السنه