استفادتي من منتدى كويتيات ...

[حقـوق]

عليج العافيهـ

علييج بالعافيه

يسلمووووووووووووو

الله يعافيكم ويسلمكم بنات .. ماقصرتوو على المرور

حبيبتي بيس ديوركل وين نلقاه غير الجمعيات؟؟
بالفرنسي ولا بفافاووم ولا سنتر بوينت

والله ماعندي فكره انا عن نفسي لقيته بجمعيه الروضه عند الكاشيره يعني طاح على من السما .. واخذته لان شفت المدح الى عيه .. وان شاء الله تحصلينه باماكن ثانيه او يفيدونج البنات لان انا ماعندي فكره غير جمعيه الروضه عند الكاشيره

 

[مواهب متعدده]

 

[لعيون ساره]

عليج بالعافيه ويارب يسهل عليج ولادتج
حبيبتي من وين اخذتي القطره انجلوت

 

[لعيون ساره]

حبيبتي من وين حصلتي القطره انجلوت

 

[لعيون ساره]

من وين قطرة امجلوت

 

[ذكرى الايام]

عليج بالعاااااااااااااااافيه

 

[dalaly-angel]

عليج بالعافيه حبوبه

 

[dalaly-angel]

حبيبتي من وين اخذتي القطره انجلوت

الله يسلمج حبوبه هالقطره تنباع في محل انجلوت فوق بالافنيوز

 

[(المباركيه)]

يسلموا
شوقتيني على مجموعة الشعر من بوتس خاطري اغير الي عندي

 

[لعيون ساره]

يسلمووو عالرد حبيبتي عاد من زمان مارحت الافنيو ومادري عنه
وين مكانه يم اي محل بالضبط

 

[حقـوق]

يسلمووو عالرد حبيبتي عاد من زمان مارحت الافنيو ومادري عنه
وين مكانه يم اي محل بالضبط

فوق بالافنيوز تحصلين ماركه انجلوت .. واذا ماخانتني الذاكره فوق محل بروي .. مو متاكده .. بس فوق ..

 

[Tom ♥ Jerry]

,


عليج بالعافيه و تتهنين اغراضج وايد حلوة ماشالله :***
و ماسك الشعر شكله روعه راح اجربة .،

 

[@ DLOO3TAH@]

بـالعـافيه |>

 

[حقـوق]

راح اكمل الموضوع .. وبحط فيه كل شي يمدحونه البنات واجربه
وان شاء الله يصير مرجع .. كنت بفتح موضوع ثاني بس قلت دام اني منزله بكمل عليه



هذه ماسكرا تكثيف الرموش .. وعن تجربه اقول عنها روووعه رووووعه .. صج جابت معاي نتيجه .. بس ماقول لج خلج رموشي رموش سعاد حسني لا .. بس صارت رموشي زينه ولونها اسود .. وعادي لو ماحط ماسكرا ..واكثر شي التأثير بين على حواجبي .. بصراحه انا قبل مااستغني عن الكحل و24 ساعه حواجبي عليهم كحل ومرسومات .. مع هالمستحضر استغنيت عن الكحل وعادي مارسمهم لان نبت لى شعر حواجب وبقوه .. وبقول لكم بعد رموشي ترا كانو رايحين فيها لان كنت مركبه رموش دائمه والله لايوركم طيحوو رموشي عدل ماكو رمووش خير شر .. واستخدمت خروع .. واستخدمت كحل الاثمد .. بس الى فرقت معاي هالمنتج .. وتحصلونه بقزاز وسعره بـ 37 ريــال .. يعني يطلع بالكويتي بحدود الـ 4دنانير



هالكريمين المربع المدور هذا واقي من الشمس وبصراحه من زمان ادور لى واقي من الشمس مايدهن ويركب مع المكياج .. ولقيته بالمنتج هذا .. لان انا كرهت واقي الشمس والسبه انه يكون ثقيل ودايم وجهج يصير فيه مثل الطبقه .. بس مع هالمنتج انسي هالمشكله .. وقوته 30 واايد زين تحصولنه عن بوتس بـ 10 ونص

والسيرم الى يمه انا استخدمه بالليل .. ومرات ارطب ويهي فيه بين فتره وفتره .. حلو .. ولطيف على البشره وناعم .. يحسن من ملمس البشره .. ماذكر سعره بس مايتعدا الـ 8 دنانير .. وكمان تحصلونه عند بوتس

وان شاء الله انزل بعد شغلات ان شريت

حياكم

 

[منووله مشعل]

عليج بالعافيه ...

 

[tajrh]

يسلموووو

 

[حقـوق]

اكمل الموضوع وان شاء الله اشوف تفاعل من البنات ولو اني ادري ان غالبيه بنات المنتدي مايقرون الرودو ..
بس بكمل هنا ..



هذا كريم من بنفيت لمسامات البشره .. اتعب واقول انه روووعه .. اهم مثل الشمع يغطي .. والى تبيع قالت لى تحطينه قبل المكياج او بعده .. انا جربت الطريقتين .. وماجازو لى جان اخلطه مع كريم الاساس .. النتيجه خياااااليه يابنات .. انصح به وبقوه ...



هذا استي لودر الدبل وير .. صراحه من كثر المدح عليه قلت بس هذا كريم اساس الاحلام ...ومن فتره رحت دبنهامز وقالت لى سعره 21 .وماخذته . وقبل اسبوع رحت وجوه وسالتها جان تقول لى 16 ونص .. قلت خل اخذه يمكن مسوين خصم وبستغل الفرصه .. صراحه لوووووووعه يلوع الجبد .. ودي اسبه اكثر .. يجيب المرض .. تحطينه فجأه ينشف وتحسين ويهج مشدود ويابس .. بعدين يتجمع مدري شلون اوصفه بس اوصخ كريم استخدمه .. ويابنات انا حاولت ماضلم المنتج .. استخدمه بروحه بدون بيس وبدون اى شي تحط .. طلع مرض .. حطيت بيس وحطيت كريم مرطب .. كمان طلع مرض .. خلطته مع كريمي المعتاد .. وكمان طلع مرض يعني مايترقع .. نصيحه الى تبين تشتريه توفر فلوسها ..



هذا من بنفيت واهو مثل الواكس للبشره حلو حده ..يعني انا اخلطه مع اول واحد مال المسامات واحطهم على البشره كبيس ..النتيجه خياليه .. حتى ماودج تحطين كريم اساس بس بودر ..



بودره جفنشي .. اخذتها ب 16 ونص .. وكنت مستكثره سعرها .. بس قلت يلا خل ادلع نفسي .. عااااااااااااااديه جدا جدا .. مثل اى بودر .. حتى بودرات امهات طقه تعادلها .. ماحسيتها واو .. والبنات مطيرينها مخمل بشرتج وتهبل واحلى بودره كل هالكلام دعايه .. عااااديه .. يعني كنيبووو للحين عندي بالقمه ...





هذا باليت تو فيس .. روووووووعه .. خصوصا الى مكتوب على day خيالى .. انا احطه كأضاءه .. على الوجنات .. وعلى الخشم .. يهبببل هالباليت ..حده عجبني .. وفي نفسه لونه بني ..وعندي بس ماصورته .. بس ماعجبني كثر هذا .. يعني الى تبي تشتري من تو فيس خل تاخذ هذا احلى من الثاني .. كتجربه ..





هذا الباليت الى ماعندها .. خسااااره .. مو بس روعه .. يعني مدري شقول مايحتاج اتكلم .. صج صج يستاهل المدح واكثر ... اللون اهو اللون .. وحتى الالوان الى تحسين فاتحه وماراح تبين لا تبين وحيل بعد .. صار منتجي المفضل


وبس هذه تجاربي الجديده .. وان شاء الله بعد ان جربت شي بعد بحطه لكم
وناطره تعليقات البنات .. ومشاركاتهم

 

[≈ مُدمنة خلطآت]

×




مره متحمسه لتجربته
بشرتي مختلطة ومره متعذبه مع كريم الاساس =‘((
ويعطيك العافيه ع الافادهه َ​

 

[دلوعه الكل]

عندي منه من لندن ماجربته من العام الا كم مره

كل يوم اقول بكره بجربه خخ

وفيه نفسه بالظبط بس مو للتشققات للرظوظ يعني اذا فيه
ضربه بنفسجيه تحطينه عليها وتروح

بعد من دكتوره بلندن خالتي وصتها عليه

 

[سندس 90]

واااااي انتي عجيبه حقوق
ماشالله بالعافيه