استغفر اللـــــــــــــــــــــــــه تعبـــــــــــــــــــــــت

[bnt q8 in usa]

اختي حبيبتي اول ماتدخلين كرري هالايه
ومن يتقي الله يجعل له مخرجا ويرزقه من حيث لايحتسب ومن يتوكل علي الله فهو حسبه انه الله بالغ امره قد جعل لكل شيئ قدرا
صدق الله العلي العظيم
لازم تكون عندج ثقه بالله العظيم
وانشالله يارب تحملين توائم هو السميع العليم

 

[@ دهن العود @]

اللهم انى اسالك ان ترزقها و ترزق كل محروم
و ان تسعدها و تسعد كل مهموم
وان تصبرها و تصبر كل مكروب
و ان تقر عينها بالذرية الصالحة .... اللهم امين .... امين ,,,,, امين

حبيبتى جروح انا مثلج والحين صارلى 5 سنين متزوجه وما صار حمل والسبب منى وانا متيييييييييييييييييينه وحاولت اضعف بس ما كو فايده وعقب الموضوع اللى قريته عن الانابيب اللى بدار الشفا قررت انا اسويها عندهم خلال الشهور الجايه انشالله وانا قعدت اعالج ليما تعببببببببببببببببت والحين صارلى سنه ونص موقفه لان نفسيتى خلاص ما تتحمل بس انشالله ناويه خلاص اسوى انابييب

وانتى خلاص استخيرى وتوكلى على الله وانا عقبج اذا الله كتب انشالله

وطمنينى عليج اول باول على الخاص لانى حاسه ان انا وياج نفس الحاله الله يعينا انشالله وما يضيع تعبنا​

 

[جروح تبتسم]

والله يابنات صج صج لا خلا ولا عدم


الله يخليكم لي يابنات ديرتي ..........

مشكورين وحده وحده والله يعطيكم العافيه على كلامكم الحلوووووو اللي الصراحه يشرح الصدر


شوفو بنات


انا الحمدلله راضيه بكتبه الله والحمدلله اوضاعي زينه ماشاالله اللهم هالحلج اللي رد يعلف ههههههه كنت ماشيه بالرجيم شزيييييييييني بس اعوذ بالله من ابليس جنه الاكل طاير الحمدلله على كل حال ...... بس انا الحين مايمديني كللللش بروح الاسبوع الياي مافيني انزل ولا كيلو مافي اراده استغفر الله
عاد انا بالشتا ماعرف اسكر حلجي
وخااااااااااايفه موت موت من ان الدكتور يصدمني ويقول ماراح اسوي لج اليما تضعفين
ساعتها ببرك فوقه وبخنقه

المهم
خواتي .... قلبي


مظلومة ياناس
قمر ضاوي 33
الفنانه79
الغاليه نونو
زيتونه
supermarket
nwera
ورد وردي
البنوته
bnt q8 in usa
دهن العود
بارك الله فيكم
والله يحفظكم ويسخر لكم من تحبووووون ويفرح قلبكم بكل شي زين اللهم امين

دهن العود ياقلبي انا ان شالله بسويها بدار الشفا
دقيت عليهم قالو لي العمليه بـ 750 دينار
ومع الادويه1500 دينار
ونسبه النجاح 40% ماشالله
ان شالله صح كلامهم عاد
قلت لها اكيد قالت 1000%
الله لايضيع التعب
بروح لهم ومثل ماقالو لي البنات
بستخير

بين الشفا ود. فوزيه القطان
وماخاب من استخار

بنات انا ادري المتن شين بس ماني قادره اسيطر على نفسي


لاتنسوني بالدعاء الدعاء الدعاء


يارب ارحمني

 

[@ دهن العود @]

الله معاج عسى ربى ما يضيع تعبج ياااااااااااااارب ويرزقنى ويرزقج ويرزق كل محروووومه يارب

 

[الاحمديه111]

اللهم ارزقها من حيث لاتحتسب يارب ولاتحرمها

 

[جروح تبتسم]

دهن العود
الاحمديه 111
مشكورين على المرور والله يرزقكم يااااااااارب 00
تسلمون00

 

[love love]

الله يرزقج بالذريه الصالحه ويفرح قلبج وقلب ريلج

 

[مظلومه ياناس]

موفقه انشاء الله وانشاء الله تبلغينا بالاخبار والعلوم الزينه وتفرحين بتوأم

 

[أثير الورد]

الله يرزقج بالذريه الصالحة
وبصراحه يا اختى لا تأجلين زيارتك الى الطبيب
روحى توكلى على الله
المتن مو سبب
ياما ناس متان والله رزقهم
وانا انتظركم على الماسنجر انتى ودهن العود

 

[النبع الصافي]

الله يرزقج الذريه الصالحه وكل الي تمنينه يارب ...
واستخيري الله ولاراح تخسرين شي وان شاءالله نسمع أخبار زينه عنج ..

 

[bnt_kwt]

يا قلبي توكلي على الله والله كريم وما يقصر انشالله
والله يكتب لج ولي اللي فيه الخير وتبشرينا انشالله بحملج بالقريب العاجل قولي امين

 

[حفيدةعائشة]

الهم يارب ياقادر ياكريم يامن تقول للشيء كن فيكون يامنان ياذا العرش المجيد يافعال لما تريد ارزق اختنا الولد الصالح يارب امين عاجلا غير اجلا

الله يعينيك و يصبرك يارب
ويرزق جميع امة محمد صلى الله عليه و سلم باقرب وقت

 

[جروح تبتسم]

مشكورين يابنات على الدعوات الطيبه أسأل الله العظيم انه يتقبلها يارب ويرزق كل محرومه يالله يالله ............... تسلمووووون
:eh_s(22):

 

[أحلى عيون]

يا غاليه والله انا مثلج وتعبت وما خليت شي بالكويت ما سويته وصرفت الي وراي والي دوني كله بس انه اتمنى اني احمل وبعدين قالوا لي انتي متينه ونزلت تقريبا 15 كيلواا ولله الحمد سويت تلقيح بمسشتفى الصباح وحملت في بنتي وانا لي تقريبا 10 سنين ما حملت يعني بصراحه مو شويه هذي السنين

وبعدين ولله الحمد والمنه سافرت بعد بنتي بثلاث سنوات للاردن وسويت عمليه اطفال انابيب والحمدلله على نعمته وفرج همي ورزقني بولدي

وهذا انا الحين اشوف الله ثم اشوف عيالي الي بعد 13 سنه رزقني بولدي وبنتي والله يا بنات انا ناذره انشالله كل مااحمل اصوم وكل مااولد اصوم وربي عطاني على قد نيتي وتعبي بين الاطبه والحريم الي تدواي

انذري لوجه رب العالمين ومالج غير الصبر


يارب يا مجيب الدعاء ان ترزق اختي الغاليه جروح تبتسم الذريه الصالحه المعافاه

وتزرق كل وحده من اخواتي في الله المحرومه الذريه وتقر بها عينها اللهم امين

 

[حبنا الله عليه]

عسى الله يرزقج وكــل محروم بإذن الله

وتفائلي بالخير لاتقولين تعبت

كذا حاله اعرفهم لابالعائله ولا بالدوام بس الله فرج لهم

اللي بعلاج واللي من غير اللي عليج تاخذين بالسبب والباجي على الله

وتذكري " ان الله مع الصابرين "

 

[جروح تبتسم]

هلا ام انس الله يخلي لج عيالج ويحفظهم من كل شر
مشكوره على نصايحج ياقلبي
وتسلمييييييين

 

[جروح تبتسم]

حبنا الله عليه

مشكوره على مرورج الحلو تسلمين
والله يعطيج العافيه ويفرح قليبج

 

[DLOOL]

ياااااااااااااااارب انك ترزق
جروح تبتسم
بالذريه الصالحهوتخليها جروح تندمل وتبرى
ومن ثم تبتسم
امين يارب العالمين

 

[شمس و قمر]

الله يرزقج بالذريه الصالحه يارب

شوفي ياقلبي

والله كان حملي متاخر

ولاحظت كل مره اضعف ينزل وزني كم كيلو احمل!!!

وانا اسوي انابيب وتلقيح صناعي وخرابيط ولاحملت

نصيحه

لاتحرمين نفسج من الاكل

بس

خففي الاكل

قللي الكميه شوي

وامشي ساعتين باليوم ممكن ساعه بالنهار وساعه بالليل

طول مانتي تمشين استغفري واستغفري

ترى المشي معروف معرووووووووووف ينشط المبايض

انا كنت اسوي جذي وفوق هذا اشرب كوبين مرميه باليوم
ومرات اخليها بس مره وحده

والحمدلله حملت

اذا تبين اي سؤال لايردج الا كيبوردج

ترى ماشالله كل شي جربته

تاخر بالانجاب...... وعلاجه من انابيب وتلقيح صناعي
اجهاض
ولاده مبكره
ولاده عاديه

خخخخخخخخخخخ ماشالله بتاعة كلووووووووو

 

[جروح تبتسم]

السلام عليكم ورحمة الله وبركاته

دلول .. حياتي مشكوره على الرد وعلى دعواتج الطيبه


شمس وقمر .. صح كلامج وبجرب هالعمليه والله كريم ان شالله احمل

بس انا ماينفع معاي حمل طبيعي حتى لو ضعفت

لازم انابيب عرفتي

ومشكورين لا خلا ولا عدم