حبيبتي الماجلة يبي لها تركيز قوي قو ي
اول شي انا اشتري ماجلة البيت من جمعية الجيش عشان اطق رقمي هههههههههههه بس و الله اسعارهم روووعة
انا عندي لائحة ثابتة باغراض البيت بس قبل لا اطلع لازم اشيك اشوف الي موجود و الي ناقص و اشتري دايما ماركات معينة ما اغيرها ... انا مثلا اعرف حريم اذا بتشتري منظف للبيت اذا لقت نوعية ارخص تاخذها عادي ... انا لا متعودة آخذ dac مستحيل اغيره لو القا ارخص منه
مثلا قبل يومين منزلين شامبو عباية عليه عرض بس ما خذيته لاني متعودة استعمل سوفتي , المعلبات كذلك دايما آخذ العملاق الاخضر او حدايق كاليفورنيا
حفاظات عيالي دايما ليبرو او nanys ما اغير
و دايما حاولي تتفادين العروض الخاصة لان اغلب المرات غش بغش ... و الله مرة شريت مناديل جونسون عرض خاص اني يوم فتحتها خشنة بشكل مو طبيعي و غير عن جونسون الي متعودة عليه مع انها نفس الشي و حتى صناعة اوربية
احاول اكثرث ما يمكن اني اشتري اغراض حق شهر كامل عشان ما ارد بكل مرة اشتري
لان احسبي ان كل روحة للجمعية لو بس تبين بيض و جبن و حليب لازم اتقطين فيها ما لا يقل عن 20 دينار
الخضرة اشتري من الشبرة دايما ارخص و اغراضهم جودة
اذا خلصت الماجلة الاساسية لازم على يوم امر كارفور او مركز سلطان دايما عندهم فناتق ما تلقينها بالجمعيات او الاسواق العادية
بس اهم شي انج اتحددين مبلغ معين و ما تتجاوزينه حق اغراض البيت
