استراليا و اوربا محتاره ؟؟!!

[84 Miss Chocolate]

استراليا و لا اوربا ؟؟

--------------------------------------------------------------------------------

بناااااااااات محتااااره بين
استراليا وو (( فرنسا و سويسرا )) ؟؟ شنو اختار ؟؟

انا هالسنه سافرت اوربا و من ضمنهم فرنسا بس مادري حبيتها و دزني تولعت فيه ؟؟

** استراليا بتكلف اكثر صح ؟؟ و رحله طويله وايد .
** اوربا راح تطلع لنا نقاط الواحه يعني سعر التذكره واااايد اقل بيكوون ؟؟

اشرايكم شنو اختاار ؟؟ و عادي سويسرا اغيرها بدوله ثانيه بس فرنسا لا احبها

 

[بنت عبدالغني شربت]

هلا اختي انا رحت استراليا ورحت فرنسا وسويسرا

استراليا اااااااااااااااااااااااااااااااااااااااااه على استراليا اتينن تهبل بس غاليه انا كلفتني اكثر من اوربا

سويسرا وفرنسا حلوين وايد بس استراليا فيها سياحه اكثر وطريجها طويل واذا بتروحين لها ما فيها سوق

وبعدين استراليا ما تروحين لها دايركت لازم ترانزيت في دول اسيا عاد انتي اختاري بروحه ورده

وسويسرا واااااااااااايد حلوه طبيعه خياليه بس نصيحتي تستانسون اكثر اذا عندج سياره واي سؤال انا حاضره

 

[84 Miss Chocolate]

وينكم بنات ؟؟؟

 

[LA TROO7]

التغيير حلووو جربي استراليا بس الطريق طووووووووووويل وماافيه سوق كلبضايعهم صينيه

انا لو مكانج بختار باريس اهم شي وبعدها يالندن او فينا

سويسرااا مااحبها هاديه حيييييييييييييل احسها ديره عجايز

عالعموم رحله سعيده وان شاءالله تستانسين

 

[afesa]

شوفي حبيبتي اذا بتروحين سياحه روحي استراليا بس لازم تنزلين يوم او اثنين في ماليزيا او هونج كونج وهم تسوقي بهاليومين اشويه عشان لا تصير رحلتك متعبه بس استراليا وايد غاليه ومعيشتها نار وخصوصا سدني ...وسوقهم مو حلوو عادي حيل بس تلقين ماركات وهم غاليه وايد ...واوروبا ماادري مدام رايحه وشايفتها ليش تروحين مره ثانيه ؟؟؟روحي مكان يديد ولاتطوفين جولدكوست باستراليا عجيبه حدها وناسه وانصحك لا تخلين همك السوق بالسفرفكري بالوناسه والطبيعه والجو ...وبالنسبه للسوق كل شي بالنت يوصل لك لي باب بيتك واذا تبين اي شي او سؤال عن استراليا انا حاضر

 

[سنفورة]

استرالياااااااااااااااااا ولا تفكرين بغيرهاااا سياحتها رووووووووووووووعه

بس لازم ترانزيت بشرق اسيا وتسوقي من هناك بس استراليا سياحه ومغامرات

 

[سمسميه]

استراليا عجيبه وتزورين فيها اكثرمن مدينه وكل وحده مختلفه عن الثانيه
بس غاليه شوي وما فيها سوق
يعني بس لعب وسياحه
وعلى التكلفه من حيث المصرف انا اشوفها من طقة اسعار اوروبا

 

[اوملييتا]

حبوبة اذا كنتي تحبين التسوق فاستراليا ترا كلش مللش سوقها خربوطي انا سويسرا ما رحتها بس فرنسا تهبل و سوقته حلوه
بالنسبة للاغلى انا مجربة كذا مكان في اوروبا سفرة لمدة اسبوع تكلف 3 دينار و مرات اكثر طبعا هذا يشمل التذاكر و السكن و الاكل و التسوق
اشرايج انني رحت استراليا و ماليزيا و كانت مده الرحلة 21 يوم كلفتني بس 2و نص ما تسوقت وايد في استراليا حسيت محلاتهم من طقة زارا بس ما تسوى الاسعار وايد غالية بس الاكل سعره زين مو مثل اوروبا

عموما استراليا كلها رحلات و ملاهي راح تستانسين بس انا حبيت اوروبا اكثر