سلام عليكم
جآيب لكم اليوم قصيدة قريتها بالجريده بعنوان (استراحة محارب) صراحه خطيره جدا
وحسها ملغووومه سياسيا دينيا الصراحه ابيكم تساعدوني بفك الرمووز لان القصيده هذه اكيد في بطنها قصيده ثانيه والظاهر الشاعر قدر يمررها على الجمهور واليوم
ابيكم تساعدوني ... وينكم يالشعراء تكفون الصراحه عقدتني ...
من واقع الخبرة وكثر التجارب
ومساير الدنيا على كل مضمار
وإن العمر رحلة والإنسان غارب
تلعب به أبحار وترسي به أبحار
وإن التفكر استراحة محارب
وإن الحياة اسرار تسكن بها أسرار
لقيت كلٍ من عنا الوقت شارب
حالة تشاؤم كلها اصغار واكبار
الناس فوق الناس والوضع خارب
ما عاد للطيبة كرامة ومقدار
كل على لقمة عياله يحارب
هذا يبي جنه وهذا يبي نار
ولقيت ناسٍ في بعضها تضارب
ما تلتفت للعيب لو صار ما صار
تلعب على أربع جهات المآرب
في كل نعشٍ دقت ألفين مسمار
ولقيت في بعض الأقارب عقارب
ما عندها لأدنى المعايير معيار
ترقص على مليون قارب وقارب
في هندسة ذبح المواجيب شطار
ولقيت رجلٍ كل ما فيه ضارب
يعزف تقاسيم الحضارة على الطار
رجلٍ على كل التقاليد ضارب
في حجة إن عاداتنا صارت غبار
يشوف في حلق الشوارب تقارب
بين الأمم رهبان وشيوخ وأحبار
والمشكلة ما هي بحلق الشوارب
المشكلة بعض الشوارب غدت عار
ولقيت حرمه كل ابوها عذارب
أحبابها قلة وعدوانها اكثار
ما ردها مارب ولا سد مارب
يغنيها عن كل المشاوير مشوار
حرمه ولكن عن ثمانين شارب
تصغر لها اكبارٍ وتكبر بها اصغار
يشرق لها التاريخ لو كان غارب
ما همها حمدي وناصر وبشار
»يا عنتر الشداد« وين انت هارب
تعال ناظر تالي الوقت وش صار
ما عاد فينا قلب للموت طارب
ولا عاد به »أبجر« ولا فيه »فقار«
صرنا لغرب الأرض حقل وتجارب
وصارت »لحايانا« مصالح وتجار
عادي انتبهذل المهم ما نحارب
واطلق شنب نشري سكوته بدينار
خلاصة الموضوع يا عيال »عارب«
لا سيفكم يذبح ولا حولكم ثار
دامة زعيم النصر ما كل وشارب
(....) ترجع غزة او يهدم جدار
خلكم مع ليل الطرب والمشارب
لأنكم في هالطريقين شطار
جآيب لكم اليوم قصيدة قريتها بالجريده بعنوان (استراحة محارب) صراحه خطيره جدا
وحسها ملغووومه سياسيا دينيا الصراحه ابيكم تساعدوني بفك الرمووز لان القصيده هذه اكيد في بطنها قصيده ثانيه والظاهر الشاعر قدر يمررها على الجمهور واليوم
ابيكم تساعدوني ... وينكم يالشعراء تكفون الصراحه عقدتني ...
من واقع الخبرة وكثر التجارب
ومساير الدنيا على كل مضمار
وإن العمر رحلة والإنسان غارب
تلعب به أبحار وترسي به أبحار
وإن التفكر استراحة محارب
وإن الحياة اسرار تسكن بها أسرار
لقيت كلٍ من عنا الوقت شارب
حالة تشاؤم كلها اصغار واكبار
الناس فوق الناس والوضع خارب
ما عاد للطيبة كرامة ومقدار
كل على لقمة عياله يحارب
هذا يبي جنه وهذا يبي نار
ولقيت ناسٍ في بعضها تضارب
ما تلتفت للعيب لو صار ما صار
تلعب على أربع جهات المآرب
في كل نعشٍ دقت ألفين مسمار
ولقيت في بعض الأقارب عقارب
ما عندها لأدنى المعايير معيار
ترقص على مليون قارب وقارب
في هندسة ذبح المواجيب شطار
ولقيت رجلٍ كل ما فيه ضارب
يعزف تقاسيم الحضارة على الطار
رجلٍ على كل التقاليد ضارب
في حجة إن عاداتنا صارت غبار
يشوف في حلق الشوارب تقارب
بين الأمم رهبان وشيوخ وأحبار
والمشكلة ما هي بحلق الشوارب
المشكلة بعض الشوارب غدت عار
ولقيت حرمه كل ابوها عذارب
أحبابها قلة وعدوانها اكثار
ما ردها مارب ولا سد مارب
يغنيها عن كل المشاوير مشوار
حرمه ولكن عن ثمانين شارب
تصغر لها اكبارٍ وتكبر بها اصغار
يشرق لها التاريخ لو كان غارب
ما همها حمدي وناصر وبشار
»يا عنتر الشداد« وين انت هارب
تعال ناظر تالي الوقت وش صار
ما عاد فينا قلب للموت طارب
ولا عاد به »أبجر« ولا فيه »فقار«
صرنا لغرب الأرض حقل وتجارب
وصارت »لحايانا« مصالح وتجار
عادي انتبهذل المهم ما نحارب
واطلق شنب نشري سكوته بدينار
خلاصة الموضوع يا عيال »عارب«
لا سيفكم يذبح ولا حولكم ثار
دامة زعيم النصر ما كل وشارب
(....) ترجع غزة او يهدم جدار
خلكم مع ليل الطرب والمشارب
لأنكم في هالطريقين شطار
