استخدمتي الكلوميد او اتعرفين احد استخدمة ؟؟

[TeAcHeR_BeZaRiN]

السلام عليكم

خواتي منو استخدمت الكلوميد وهل نفع معاج ؟

يعني الي اعرفة انه ينشط البويضات ويحدث بعدها الحمل ..

هل لما استخدمتيهم حملتي ؟

وإذا حملتي متى حللتي عشان اتحملين؟ جربتي اتحللين قبل الدورة ب5 ايام ؟

ولما استخدمتيها ومالله كتب تحملين شنو قالت لج الدكتورة الي راجعتي عنها؟

واخيرا شنو اتعرفين عن هالدوة؟

سووووووووووووري ادري قرقتكم بس ودي اخذ شوي من خبرتكم

 

[بنات حواء2]

و الله حبيبتي ما عندي فكره انشاله البنات يفيدونج اكثر

 

[TeAcHeR_BeZaRiN]

مشكورة حبييبتي على تنورج

 

[monera]

انا استخدمته لتنشيط البويضات واخذت وياه ابر .............. واول ما استخدمته حملت الحمدلله ......... وكانت طريقته على ما اتذكر خامس يوم الدورة اخد الحبوب لمدة خمس ايام واليوم ال11 وال12 الابر .......... وبعد فترة العلاج ماجتنى الدورة وحملت بفضل الله ..........

 

[TeAcHeR_BeZaRiN]

مشكورة حبيبتي منيرة طيب ومتى حللتي بعد ما طاف موعدها ولا قبل ؟

 

[om zayoon]

انا استخدمتهم اول شي من غير ابر وما فاد فعطتني اياهم مع الأبر وفاد الحمدالله ودكتورتي وااايد شاطره دلال السالم

 

[Mrs. Finance]

السلام عليكم
انا استخدمت الكلوميد مرتين اول مره ما حملت و الدكتورة قالت لي ريحي هالشهر و الحمدلله بعدها حملت طبيعي و المره الثانية حملت بس الله ما تمم الحمل الحمدلله
التحليل بعد الابرة التفجيرية ب 12 يوم

 

[إستبرق]

انا استخدمته بس ما اتذكر من اي يوم للدوره وبعدين عطتني موعد وعطتني الابره التفجيريه بس ماحملت عليها بعدين الحمدلله حملت طبيعي بدونهم بس وايد بنات حملوا عليهم ماشاءالله وبعد في ناس يحملون بتوأم منهم والله يوفقج حبوبه

 

[TeAcHeR_BeZaRiN]

مشكورين حبيباتي ..

انا بالنسبة لي استخدمتة من ثاني يوم للدورة ويوم 11 رحت لها وفحصتني وقالت لي اني استجبت والبويضتنين وحدة حجمها 20 والثانية 18 يعني زين الحمدلله وعطتني ابرة قالت هذي اطلع البويضة من المبيض !!

والحين باقيلي 4 ايام على الدورة حللت امس تحليل منزلي وطلع نيقاتيف وما ادري اعتمد على هالنتيجة ولا أنطر

 

[حـوريه]

انا مليت من شي اسمه كلوميد ......... ماعندي سالفه الا كل شهر اكل من هالحبوب .... واطق الابره التفجيريه

بس ما صار حمل ..... الحمد لله على كل حال

بس انا عندي سؤال ؟؟ هل له اضرار ؟؟
يعني هل الاكثار من هالحبوب يسرع انقطاع الدوره مستقبلا .... يعني اعجز بدي ؟؟؟

 

[Swan]

التحليل المنزلي ما يطلع لج النتيجه الاكيدة قبل الدورة لازم تنطرين لما تتاخر عليج وتسوينه
بس اذا تبين النتيجه قبل الدورة سوي تحليل الدم الهرموني
وان شاء الله يارب حامل

 

[TeAcHeR_BeZaRiN]

بعد قلبي سوان يزاج لله خير
بس اليوم صارلي شي ما ادري اشلون

الدكتورة اتقول ان الكلوميد يضبط الدورة ويخليها اتي بوقتها وانا موعد دورتي 14 من الشهر واليوم تاريخ 10 بعد ما ياني زوجي جان ينزل علي دم حيل استغربت!!

ما ادري يعني شنو هالدم ؟؟

وما اقدر اروح حق الدكتورة هاليومين لان عندي محاظرات !!

 

[sweet.sweet]

ايه انا سمعت انه الكلوميد يعجل في انقطاع الدوره مبكرا صج يا بنات

 

[][^lorans^][]

اول شي الكلوميد ينشط المبيض عشان يطلع بويضة ويعتمد من وحده لين الثانية في بعضهم تاخذ الكلوميد عشان اتحمل بتؤأم وهذي تكون طبيعية ومبايضها مو ضعيفه زينه
والثانية يكون عندها ضعف فتصرف لها الدكتورة الكلوميد عشان ينشط مبيضها عرفتي
فأستخدامه يعتمد على حله المبيض شنوو وحتى الي يكون عندها ضعف وتاكل كلوميد ممكن تحمل بتوأأم
وعن تجربة الحمل ايبية قبل الدورة بيوم انا جربت جذي وطلع معاي في حمل طبعا اذا انتي عارفه انه الجماع صار في يوم التبويض ايبين قبل موعد الدورة انج حامل وعلى الدم لا تسكتين يمكن تكونين حامل انا خالتي استخدمته و حملت وقام ينزل عليها دم لين الشهر الخامس بعدين اعرفو علتها انها كانت من تأثير الكلوميد حامل بتوأم والدم سببه انها اجهضت واحد منهم سبحان الله
ولا تسكتين روحي الطبيب انشالله حامل وماكو الا كل خير

 

[دمثة]

حبي الكلوميد منشط

بس حطي ببالج انه احتمال تحمل المرأه بتوأم او 3 او4 لانه منشط قوي


يعني اخذيه تحت اشراف طبي يعني يمكن ماتحتاجينة وتاخذينه بدال ما يكون نعمة راح يكون لج نقمة