استخارة امي فيني

[بريئه]

قوووه بنااات تقدملي واحد وحددنا موعد معاهم ،، يعني لما الحين ماشفته ،، امي استخارة عقبها طلعنا بليل وشفت بريعصي ببيتنا وبريعصي بسياارتي فوق الجامه تالي امي استخارة مره ثانيه ونامت جان تحلم انها عروس وودوها حق المعرس ريحته خاايسه وانا استخرت بس ما حلمت بشي مادري انا متخوفه شرايكم *

 

[بريئه]

شدعواااا اتخلوووني احتااار اكثر

 

[الداعية بأخلاقي]

لا تخافين توكلي على ربك و استخيري مره واثنين وثلاث كثري وادعي و كمان. امك خليها تدعي لك


و أسألوا عن هذا اللي بيتقدم

و الله يكتب لك مافيه الخير لا تخافين اختي

 

[ޢޢޢإيمانޢޢޢะۣۨ>]

لا تحكمين من قبل لا تشوفينه حبيبتي
يعني بعد ما تشوفينه فكري و صلّي استخاره مره ثانيه
و الله يوفقج ​

 

[نسيم الغامدي]

وأنا أقول بعد أستخيري وان شاء الله اللي فيه الخير بيسير

 

[جذابه بنت ذيابه]

استخيري ٣ مرات بعدين قرري .. و ان شاء الله خير لا توسوسين

 

[الجذابـة2022]

حبيبتـــي استخيــري .. 3 مرات أو 7 مرات بالكثيـر

وكلـي امرج حق ربج ...المفروض تشوفينـة قبـــل عقب تستخيــرين ...

وانتي لا توسوسيـن ,,, وربي يكتب لج اللي فيـه الخيـــر ​

 

[بريئه]

اميييييييين مشكورييين بناااات انزين سوال وحده قالتلي لاتستخيرين بالزواج لان هذا نصييب والشيطان يوسوس مادري ماقتنعت بكلامهاااا شرايكم

 

[روح رفيجآتي]

شكو لا تستخرين بزواج لا حبيبتي ماعليج منها

اصلا المفروض بكل شيء بحياتج تستخرين سواء قدمتي وظيفه او زواج او ...الخ


استتتخري والخير فيما اختاره اللَه

 

[ام الدرر]

حببوبة اسئلي شيخ عن حلم الوالدة
وعسى الله يكتب لج اللي فيه الخير​

 

[خالتي قموش]

الحلم مو زين حده
لو منج افكر اعدل
واسئلي مفسر احلام
لا تستعجلين بلرد

الريحه يعني السمعه اظن
مو يقولون انسان ريحتها فاحت
يعني فضيحه
وصفات خبث
فكري عدل
والبريعصي رجل باغ يفسد بين الناس
يامر بلمنكر و ينهى عن المعروف

الله يكتبلج الصالح

 

[أغداً القاك]

اختي صاحبة الموضوع ترا وايد ناس فاهمين موضوع الاستخارة غلط
حتى شيوخ الدين مساكين يشرحون ويقولون ومحد يسمعهم
ترا الاسخارة مافيها احلام ولا احساس ولا هالخرابيط
اولاً .. الاستخارة انتي تصلينها وتدعينها مو احد ثاني
ثانياً والأهم .. مافي احلام ولا احاسيس اتييج عقب صلاة الاستخارة
صلاة الاستخارة اما تتيسر الامور او تصير في عوائق تشوفينها مو تحسينها
انا كنت فاهمة صلاة الاستخارة غلط بس الحين فهمتها صح
ووايد شيوخ يزاهم الله خير اشرحوها بس الناس مو راضيين يفهمونها عدل
والافضل انج تسألين شيخ دين يفهمج صلاة الاستخارة اذا مو مصدقتني

بالنسبة حق حلم الوالدة .. ماانصح احد يسولف بالاحلام المزعجة
وانا ضد الاستفسار عن الاحلام من الي يطلعون بالتلفزيون
لان الوحيدين الي يفسرون الرؤيا والاحلام اهما الانبياء
ومافي انبياء الحين

نصيحتي .. فكري بعقلج بموضوع الخطوبة
وسألوا عن الريال زين اذا عجبج صلي استخارة وتوكلي على الله
ماعجبج او سمعتوا عنه كلام مو شي .. انسي الموضوع

وموفقة حبيبتي

 

[بريئه]

مشكووووورين وجزااااكم الله الف خيييير

 

[دلوعة أبوهآ]

أسألو عنه كثير ولآتستعجلوآ
شوفيه واحكمي من احساسك اذا ارتحتي له ولآ لآ ..
واستخيري انتي 3 مرآت

إذا تسهلت الامور يعني خيره ان شاءالله
إذا لآ .. فآلله يرزقك الاحسسن

,

 

[روانتي 12]

أستخيري

 

[ماكواسم2]

شوفيه اول وبعدين استخيري

 

[زوجة حياتي]

ختي الاستخارة مالها علاقة باالاحلام
الاستخارة هي ادا فيها الخير الله بيوفقك ويسهل امورك بالموضوع الي استخرتي فيه وادا العكس فالله سبحانه راح يبعد عنج الموضوع
اما رؤية البريعصي لاعلاقة له بالموضووع يمكن صدفة وخلاص
نصيحتي شوفو الريال واسالو عنه واستخيري
واسالله يسر امورك ويوفقك

 

[سكوتي بذوقي]

إستخيري

ربي يكتب لك اللي فيه الخير يارب

 

[بريئه]

جزاكم الله الف خييييير

 

[‏ڝڋٸ ٵڸڪٿہـآڻ]

أستخيري وفسري الآحلام والله يوفقكـ