استبيان:احسن بنك واسوأ بنك في المعاملة

[Stylist]

بيـــــــــــــــــــــــت التمـــــــــــــــــــــــويل
احسن معامله وشرعياً اهو الأفضل

 

[Anwaar]

أنا بالتمويل و مرتاحة معاهم

 

[أم العيال 76]

أنا بنكي برقان وهالبنك أي سؤال تلاقيهم يتوهقون قبل لا يجاوبون ولا كل ماتروحين حق موظف يحسبلج حسبه غلط اذا كان فيزا او قرض ولما اروح لمدير الفرع يقولي لا هذيل يدد مايعرفون بالسيستم انزين يدد ليش مسكينهم اقسام كاملة واللي ملوع جبدي فيه اكثر وو اكثر وشجعني اني اقرا هالموضوع اني بغير البنك لانه زوجه حماي تشتغل بالرئيسي و اي شي ينزلي ولا اسوي اي شي بالبنك الخبر يوصل حق زوجي قبل لا يدقون علي يوصلي هذا اللي ملوع جبدي مع انه رفيجاتي قالولي اشتكي من هالسالفة بس هذي مرت حماي اخبر بينها ومابي اسوي مشكله لما اروحلها ترد تقول حق زوجي اي اهي مو واثقة فيك ولا ماتبيك تعرف عن حسابها شي مع انه زوجي اقوله حتى زيادة الدينار ماعندي مشكله وياه بس هالحجي شكو تقوليله انه في زيادة ولا زادت اللمت ولا خذت قرض ولا باقي بحسابها هالكثر شكو

 

[ظلال القرآن]

ظلوووووووول ياعمري ......ماشاء الله ...تبارك الرحمن ...الله يزيدج من خيره


أنا أخيتج ......قولي لي شلوووووون ...؟؟؟؟

أي حساب .....توفير وإلا جاري وإلا أرباح أسهم !!

توفير طبعا الجاري ما يعطي ارباح

والحين بحطلي وديعه

اشعندج صايره تايره قهوه _03ba:

 

[sweet.sweet]

انا كنت بالخليج اكبر حراميه ونصابين وعقب رحت الوطني احسن الوحشين والحين انا بالشرق الاوسط تمام زين لان ما عندي بطاقات ائتمانيه فما ادري اذا يسحبون ويحجزون على المبالغ قبل نزول الراتب بس الحين بروح بيت التمويل انشالله على الاقل مو بنك ربوي .

 

[lolO29]

انا حسابي على البنك الوطني اعطيه جيد جدا

 

[حورية الحب]

انا الوطني ..

 

[je t'adore]

انا الأهلي وما شفت منه شي...وبصراحة يراعونج وينصحونج

مو نفس الوطني والخليج

 

[!! الواصليّـــــة !!]

لا تتعبين حالك حبيبتي

البنوك كلها هدفها واد ( الشفط ثم الشفط ثم الشفط )

انا بنكي الوطني ..!!

الله ياربي مايعديهاا لهم !!

بنك فاشل بكل ماتحمل الكلمه من معنى !! ودّك اللي ينحر بعيرهم اللي مستانسين فيه !

والله امنيتي نصير مثل المصاروه قبل لما يجي وقت معاشهم يستلمونه من نفس دوامهم تلقينهم سطره عند الماليه ههههههههههههه

 

[ثلوج لا تذوب]

التمويل افضل بنك / على الاقل ما يكذب على الاوادم وتعامله اسلامي
واللي يشوف ان الرياييل قاعدين بروحهم والحريم بروح انه هذا تخلف
والله التخلف اللي هي فيه ؟؟؟؟؟؟؟؟؟اشتبي تبي كل حرمه مع موظف وليش؟؟؟؟

كل شي فيه الدين قاموا يحاربونه بس لا حول ولا قوة الا بالله ، ولينصرن الله من ينصره

 

[طيبة الكويتية]

كنت بالتمويل و ما احبه
طلعت من عندهم لأنه انا بالامارات الحين و كل ما بغيت اسحب شي من احسابي يقولي البطاقه ما تشتغل ادق عليهم بالكويت يقولون البطاقه مافيها شي. بس رجعت الكويت شلت افلوسي من عندهم و حولت الوطني
الوطني عاد يهبلون ماشاءالله, تعاملهم معاي ليما الحين راقي ما شفت منهم شي مو زين.
حتى مره حولت فلوسي من عندهم لي الامارات ماشاءالله كان سعرهم وايد احسن من الصرافين اللي بره.
جربت مره الخليج. صج وييييييييييييييع معاملتهم مثل وييهم. عن جد اسوأ بنك. مره انا و اخوي رايحين نصرف شيكات من عندهم و كان مبلغ كبير, دقيت عليهم قالوا لي الشويخ شغال, رحنا لأنه الاقرب لنا ولا طابور اشكبره. اخوي كلم الموظف قاله نبي نصرف شيكات و المبلغ كبير. الموظف من قلة ذوقه يقول اوقف طابور. و يعاملنا بنفس خايسه ما جنه رايحين ناخذ حلالنا, رايحين نطر مالت عليه. اخوي تهاوش وياه و طلعنا رحنا العديليه
وااااااااي على فرع العديليه. رحنا مكيفاتهم خربانه و خيسه و نطرنا فوق الساعه بس علشان يعطونه الفلوس. اف منهم

 

[blue ocean]

انا التجاري ومرتاحه معاهم
وماحب التمويل

 

[قهوة عربية]

مشكورة ظلول .....حياتي انتي ....الله لايحرمني منج

يعني أروح أفتح حساب توفير ..وبس !!! يعطوني ارباح بعد سنة ؟؟

 

[الكويتـ80ـية]

أنا بالخليج و ملوعين جبدي ............................

ما ادري شسوي

 

[almost a whisper]

انا عن تجربه شخصيه ..

بنك الكويت الوطني معاملتهم حييييييل سيئه معاي حيييييييييييييل مو شوي
بالظبط مثل ما قلتي .. تحسين جنج طراره عندهم!
قلت في بالي يمكن لاني طالبه ومالي راتب شهري ورصيدي بالبنك مو ذاك الزود!
المشكله يدرون اني لما فتحت الحساب اني طالبه وادرس بالخارج .. شلون يبوني احول راتبي عندهم !!
قدمت شكوه مره عن مشكله صارتلي .. بس محد رد علي .. جنه مو هامهم

انا حاليا موقفه اغلب معاملتي مع البنك هذا .. لاني ما احتاجه
وقايله اني من اتخرج انشالله بفتح حساب في التمويل .. رحت مع اختي مره عشان تبي شغله .. معاملتهم كانت توب! وتشرح الصدر .. مو نفس الوطني!


لووول ادري طولت بس من حر ما فيني

 

[ظلال القرآن]

مشكورة ظلول .....حياتي انتي ....الله لايحرمني منج

يعني أروح أفتح حساب توفير ..وبس !!! يعطوني ارباح بعد سنة ؟؟

هلا وغلا بصديقتي العيوز
ايه روحي وفتحي حساب توفير وهااااااااااا ديري بالج لازم تحطين 100 دينار ثابته ما تقدرين تسحبينها الا اذا وقفتي الحساب والتوفير اذا تبين ارباح لازم توفرين_03BA:
يعني ما ينفع معاه التفسفس :0bee2e8d89:

 

[إمرأة مثالية]

أنا بالتمويل و مرتاحة معاهم


وارباحي من التوفير هالسنه 880 دينار

 

[سنا الفضه]

يااناااس احنا عرب مستحيل نتفق على كلمه وحده هذي عدووها من سااابع المستحيلاات

قريت اغلب الردوود وكلكم مو متفقين ناس تذم وناس تمدح

يعني صاحبه الموضوع ماااخذت من الردود لا حق ولا بااطل

لكن ان ييتوااا لاحسن بنك او اسوء بنك من ناحيتي اشووف

احسن بنك هو الي انا احط فلووسي عنده وقلبي متطمن

اناام وضميري مرتاح

انه ربي علي رااضي

مااوكل عيالي ولا يدخل بيتي فلس حرام فيه ربا

او متشغلين فيه باعمال مشبووهه علشان اضمن البركه لي وبيومي وبعملي وبعيالي

اضمن انه ربي ماراح ينظر الي نظره غضب بيوم القيامه لاني دخلت رباا بيووفي وبيوف عيالي

انا حسابي بالتمويل وان كان سيئ لكن يكفيني انه ربي راااضي علي

احتسب اجر سوء المعامله ولاااا ادخل فلس حمر فيه شبهه لبيتي

وحاليا مفكره جدياا اني افتح حساب ثاني ببوبيان

يابنات اهم شي تفكرون بناحيه الحلال والحرام مووو المعامله

اشبتفيدني المعامله الزينه مقابل غصب وسخط رب العباد علي

الله يثبتني وايااكم ويبدعنا عن الحرام ويرزقنا الرزق الحلال اجمعين

 

[blue diamond]

يااناااس احنا عرب مستحيل نتفق على كلمه وحده هذي عدووها من سااابع المستحيلاات

قريت اغلب الردوود وكلكم مو متفقين ناس تذم وناس تمدح

يعني صاحبه الموضوع ماااخذت من الردود لا حق ولا بااطل

لكن ان ييتوااا لاحسن بنك او اسوء بنك من ناحيتي اشووف

احسن بنك هو الي انا احط فلووسي عنده وقلبي متطمن

اناام وضميري مرتاح

انه ربي علي رااضي

مااوكل عيالي ولا يدخل بيتي فلس حرام فيه ربا

او متشغلين فيه باعمال مشبووهه علشان اضمن البركه لي وبيومي وبعملي وبعيالي

اضمن انه ربي ماراح ينظر الي نظره غضب بيوم القيامه لاني دخلت رباا بيووفي وبيوف عيالي

انا حسابي بالتمويل وان كان سيئ لكن يكفيني انه ربي راااضي علي

احتسب اجر سوء المعامله ولاااا ادخل فلس حمر فيه شبهه لبيتي

وحاليا مفكره جدياا اني افتح حساب ثاني ببوبيان

يابنات اهم شي تفكرون بناحيه الحلال والحرام مووو المعامله

اشبتفيدني المعامله الزينه مقابل غصب وسخط رب العباد علي

الله يثبتني وايااكم ويبدعنا عن الحرام ويرزقنا الرزق الحلال اجمعين

:eh_s(15):
اي والله صاجه
الحمدلله تفكيرج نفس تفكيري
اهم شي يكون المال حلال مو ربوي

وانا بعد ناويه اسأل عن الودائع والمحافظ في بوبيان لاني سألت عن بيت التمويل وارباحها شويه​

 

[aryooma]

shofaw yaa banaat anaa mowa'6afaa bl wa6any o aft5r eny blwa6any o ohwaa af'6al bnk blsharq al2aw9a6 o mashalaa ohwaa froo3a akthar mn albnok althanyaa ween ma troo7een tgdreen tanjzeen mo3amlatch b2ay fr3 laa o fee ba3ad qsm 5aa9 esmaa al mabee3at almobashraa hathaa al qsm tgdreen t5al9een mo3amaltch b2ay wagt moo shar6 troo7een al fr3 3an 6areeq mowa'6af aw mowa'6afaa eyoonch lee mokanch
o ethaa kanat mo3amalat al mowa'6af zeenaa o ekalm al 3ameel bnafsyaa 7lwaa akeed al3ameel bystanes mn almowa'6af o mn al bank ely ohwaa fee amaa ethaa kanat al3aks akeed al 3ameel yt'6ayag o ethm al bank ely ohwaa fee o ethaa taboon ay shay mn al nbk anaa 7a'6er bass dgaw 3aly o gololy enkm mn montadaa q8yat wanaa a****km b3yoony wly tamroon fee anaa 7a'6er am maryam from nbk o hathaa raqmy almobasher mal almaktab

- ممنوع وضع الارقام على العام-