استبيان:احسن بنك واسوأ بنك في المعاملة

['Basma']

انا عندي حساب بالتمويل و الوطني

اثنينهم مرتاحة منهم الحمدلله

 

[^وجد قلبي^]

والله التمويل احسن شي لا ربا ولا حرام ..

 

[كويتيه وبس!!]

بيت التمويل الكويتي لايعلى علييه وحلو عاازلين الحريم عن الرياييل وتعاملهم حييل رااقي

 

[أمووونه]

انا 6 سنين مع الوطني بالعكس ماشفت منهم شي موزين خدمتهم حلوه

 

[bint_looda]

حسابي عالتمويل بالعكس معاملتهم حلوووووه وخوش بنات

وماجربت غيره

وكل البنوك فيها إيجابيات وسلبيات

ومشكووووره

عدل رايي من رايج وهمن انا ابيت التمويل وليلحيين الصراحه ماشفت منهم الا كل خير :ggdw:

 

[bint_looda]

لوووول بقول لكم شغلتين وحده حق صاحبه الموضوع والثاني حق اموونه الي ردها قبلي ان توقيييعج ايينن سبحان الله
والثاني ان لو امسويه مثل تصويت او شي عشان انشوف النسبه اخر شي جم تطلع حق كل بنك وشكرا

 

[ابتلشت]

الوطني والتجاري موشي والتمويل والعقاري والخليج توب

 

[شندوخه]

ابتلشنا بالبنوك والله
انا التمويل على بو انه مو ربوي بس خليها على الله ماعندنا غيره في خطه مستقبليه افتح حساب ان شاء الله عند بوبيان

 

[مرت ريلي]

أحسن 3 بنوك

الوطني
الشرق الأوسط
الخليج

الباجي اسمحولي أي شي

لا والشرق الأوسط والخليج بعد عاديين

الوطني اهو التوب

 

[جروح تبتسم]

لوووول بقول لكم شغلتين وحده حق صاحبه الموضوع والثاني حق اموونه الي ردها قبلي ان توقيييعج ايينن سبحان الله
والثاني ان لو امسويه مثل تصويت او شي عشان انشوف النسبه اخر شي جم تطلع حق كل بنك وشكرا

اي صح حبوبه لو مسويه تصويت احسن لان مافي وحده مجربه كل البنوووووووك عشان تقارن !!!!!!!!!!!
ومشكوره
انا التجاري معاملتهم اوكي بس كله زلمات واجانب يلوعون جبدي

 

[الكادي 1981]

أنــا بالتمويل بس ماكووووو خدمــه كلششش ,,,,,, أنطر بس يخلص قسط سيارتي


زوجي يشكر بالوطني يقووول زييين

 

[شيهانه]

الوطني مو شيب الا ابو الشيب كله


حسبي الله عليهم الف مره ..

لا زين ولا عماة عين

مشكورة اختي صاحبة الموضوع ...


شوفي انا امي بالوطني يعني من وحنا يهال انتعامل معاهم وبعدين احنا صارت حساباتنا عليه وكان صج صج احسن بنك بالكويت توب المعامله ..
البطاقات الذهبيه والمعامله الvip وكل شي حلو ..


اللحين المعامله الزينه بس حق الي تتجاوز حساباتهم المليارات .. وبس

اصلا حتى الفروع اتشوفين مساحة البنك ثلاث ارباعها رايحه حق مكاتب البرايفت والا كاونترات السحب والتحاويل والمعاملات العادية يابالدور الثاني وروحي صعدي الدري ولا محكور بزاويه ؟؟

والصراحة لا موظفين نفس الناس ولا شي اخرطي .. يلقطون خرجين المعاهد الفاشلين الا لو فيهم ذكاء شوي كان كملوا تعليمهم ..ويقعد سنه اتفهمين فيه شنو تبين ولا شنو المعامله الي تبينها ولا راضي يفهم والموظفات ادعل استغفر الله ما ينبلعون ما ادري من قاص عليهم ؟؟؟؟

ولا بعد شوي يمسكونهم القروض ؟؟؟؟؟؟؟؟؟؟؟؟؟؟؟؟؟؟

ابيه مسخره ..


شوفي شنو تبين تعاملت معاهم فيه... فيزا وبطايق وقروض وانترنت وتوفير وشهادات ...
لوعه الله يلوع اجبودهم يعل ما يتهنون بفلوسنا ...


عيل الفيزا من روحهم كل يومين مطرشيلي مسج غيرنا الليمت واروح ولا منزلين حد الفيزا وما خذين عمولات تجاوز الحد المسموح.. يمكن انا مسافره يمكن محتاجه هل الشهر نبهوني بلغوني

وادق عليهم اسال يحاكيني الموظف بنزره مو منا من البنك المركزي .. كل ما قاموا يخورونه قالوا المركزي ؟؟

و خو اهم اكثر بنك ياخذ عمله يعني اذا اذا بطاقتي 2500 دينار ياخذون كل شهر فييز 25 دينار ويسحبون فوقهم طبعا الفلوس الي اكون ساحبتها يعني ساحبه الف يسحبون نسبتهم ؟؟؟؟؟؟؟؟؟


والقروض طبعا كل شهر زايدين الفوائد يعني اذا بلشتي معاهم بقسط 100 بعد سنة قسطك 220 وبعد سنتين 400 وكم سنه عاد انتي ما خذه القرض حسبي 20 سنه بالتصاعد لين يسحبون كل الرصيد ؟؟؟؟؟؟


وااااااااااااااااااااااااي يبلي مجلدات فيهم لان تعاملي مو بس معاش واسحبه لا انا عميله بامتياز

يعل يتسكر من بنك ان شاء الله


وما جربت ولا بنك ثاني بس التويل عندي تعاملوات سييايير وبيع وجذي وما احبه هل البنك احسه نصاااااااااااااب بامتيااااااااااااااااااااز واردى من الوطني ..


ابي بنك اجنبي .. HSBC وهالطقه كام من باكر محوله معاهم لانهم يعرفون يحترمون العميل

 

[أمونه الأموره 2007]

انا بيت التمويل والصراحه خووش بنك وخووش معامله

 

[أم حمود2]

انحاشوا عن التمويل معاملة ولاشي قصوا مني 40 دينار بالغلط وما ردوها سحبت كي نت ولا العملية مرفوضة وعطيتهم كاش بعدين دقيت ولا خاصمين ولا ربكم حميد الورقة ماقطيتها " طبعا أنا لازم تتحول جنطتي تكرمون زبالة من أوراق الكي نت " رحت راجعتهم وقالوا لي صحيح دايما تصير نسويلج مطالبة ونزلها هذا الكلام ياحبايب شهر 6 اللي طاف لحد الآن ماشفتها من غير الموظفات اللي كل وحدة ماتدري وين الله حاطها مطلعين لي بطاقة السندس وبعد ست شهور دقوا يقولون جددنا البطاقة ومعطيني البطاقةالعادية على الرقم السري اللي كنت استخدمة قبل ست الشهور واعتذروا قالولي انتي عالسندس شلون مطلعين لج العادية بنطلعلج بطاقة السندس مجانية بدون رسوم لأنها غلطة البنك متى بعد عطلة العيد الوطني تخيلوا الحين بينزل الراتب وما أقدر اسحبه لأنه البطاقات اللي عندي مو شغالة بالله عليكم هذه معاملة بنك هذا ملخص بسيط جدا من اللي شفته من هالبنك النصاب الله لا يبارك فبهم

 

[BlackRose]

يالله يابنات نبي بجي الآراء

وجان واحدة تعلمني اشلون اعرف اسوي استبيان لاني مااعرف

 

[ظلال القرآن]

ماكو على بيت التمويل

معامله راقيه فروعه بكل مكان ما تتعبين حتى بالجمعيات وكل الفروع تخدم العميل

ارباحه تينن انا ماعندي وديعه وارباحي 700دينار

والودايع ارباح خياليه ماصارت ولا استوت

وفوق هذا كله تنامين وانتي مرتاحه لانه حلاااااااااااااااااااااااااااااااااااال

 

[أم مشموش]

الصراحه ماكو عالتمويل انا عندي حسابين عالوطني وعلى التمويل انا وايد ارتحت من التمويل الصراحه في شوي عندهم سالفة الحلال والحرام شوي احسن من غيره وبالنسبه للزحمه الحين التمويل صار بكل المناطق تقريبا وكل جمعيه تقريبا يعني انا ولا مره عانيت من الزحمه كافي هالمعامله الطيبه والصراحه فرع كيفان عندهم القهوه العربيه موطبيعيه:dddds:

 

[dnyay_mll]

انا حاليا حسابي بالوطني
شوفي كمعامله رووووعه واخلااااااق وادب وسنع
بس لا ايي قصد فيزا او ماستر يااااااااااااااااويلي والله ياخذون بالهبل
بس الحمدلله سددت الفيزا والماستر وارتحت
وبنك برقان
فاشل ثم فاشل ثم فاشل بوق ونصب اشكره عينك عينك
والتجاري امبيييييييييي والله امي واخواني تعبانين من هالبنك يخصمون على كيفهم
اما بنك الكويت والشرق الاوسط
رووووووووعه شويه عليه
والله ماشفت منهم شي ومعاملتهم حلوه
بس عيبهم
يأخرون المعاش
والله ان دعم العماله ينزل بكل البنوك قبلهم بعدين اهم يحنون علي وينزلونه هذا عيبهم الوحيد عشان جذي حولت منهم

 

[((MiSS CuTe))]

التجاري هو اختياري وبس

 

[girl_in_abottle]

التمويل ازفت بنك دشيتة بحياتي
البنات كلة منفسين و سدون النفس
و شغلهم برووووووووووووود , هذا و غير التخلف, إذا بدز شي لازم تحطة بممر سري, و إلي تحت يستلمة و يطرشة مع الهندي
يعني الهندي حلال يشوف الموظفات و الكويتي حرام
حمد لله و الشكر
و آخر الدوام كلهم بنفس المواقف صافطين

و كلة زحمة و ريحة اعوذ بالله
و شغلهم معقد, و مايوضحون الأمور للعميل, انا يمكن اقعد فوق الساعة بس اسأل علشان اكون بالصورة و ماخليهم يستغفلوني
و كلة يردون علي "مادري"
عبالهم انا غبية مثلهم


البنك الوطني احسن بنك من ناحية المعاملة بالنسبة لي
وااايد مرتاحة معاهم, وااايد يرحون العميل, بس الواحد يحط بالة من سوالف العملات لانه عمولتهم عالية جدا

اهم شي الواحد يكون حريص, و يسأل عن ادق التفاصيل من جميع النواحي, خصوصا لمن تكون امور خاصة بالفيزا و الماستر

الوطني شرح, يفتح النفس, و الي يشتغلون منقينهم نقوة, و سريعين, و ماكو نطرة و دور و حالة
و كل شي تسوينة اون لاين


حاولو تفتحون حسابات في بنوك عالمية مثل Hsbc يكون اريح لكم من ناحية التحويل, بس همن سألو عدل و أقروا كل شي