استبيان:احسن بنك واسوأ بنك في المعاملة

[BlackRose]

السلام عليكم بنوتات

حابة انكم تشاركوني في هالاستبيان اللي بسوية

بما ان البنوك مؤسسة تجارية وماعندها سلعة تبيعها ولكن راس مالها الاول الخدمة المريحة للعملاء

فخاطري اعرف

شنو احسن بنك بتعامله مع العملاء وبخدماته وليش

وشنو أسوأ بنك وهم ليش

ممكن انا ابتدي؟

احم احم

احسن بنك مادري اي واحد لاني ما غيرت عن الوطني

بس اسوأ بنك اهوا بنك الكويت الوطني

واكتبها بالبنط العرييييييييييييييييض

من كثر ما انا مستاءة من معاملتهم

معاملتهم جدا cheapeمع الزباين جنه الواحد يطر منهم طرارة واذا ابي معاملة معينة ما يسوونها لازم يكون عندك واسطة بالبنك علشان تمشي معاملاتك بكل سهولة

هذا غير سحب الفلوس على كل شي كل شي

وتسألينهم سؤال يعطونج اجابة ثانية بمعنى اصح موظفينهم خرطي ومايفهمون شي

اعطيكم مثال

انا قبل جم يوم بغيت احول فلوس حق زوجي بلندن واهوا حسابه هم الوطني اللي بالكويت رحت حق الموظفة وفهمتها الموضوع وقلت لها حرفيا 100 دينار جم باوند تصير قالت لي 188 باوند

قلت لها بحول له فلوس واهوا هناك بيسحبهم يعني جم يقدر يسحب

طقطقت على هالجهاز اللي جبال ويهها وقالت لي 188 باوند يقدر يسحب

اختي متأكدة
طبعا يعني انا مو زفة اهني واقولش كلام غللالالالالالالالالالالالات وتعوي لي حلجها حلايا التفاخ اللي براسها تقولي حجاب

بالاخير

زوجي دق معصب

اهوا رايح يشتري شغلة ب170 باوند والجهاز مارضى يسحب غير 150 باوند ولمن راجعهم قالوا له اي فرق العملة ومادري شنو

بالذمة شنو هالنصب اشكره عيني عينك

38 باوند فرق العملة شالسالفة

وغير وغير غير

لو بكتب اخلص مجلدات

جد مفرة اسكر حسابي وانقل على بنك ثاني

ممكن تشاركوني رايكم

 

[نــور1]

خبيرة بنوك نور

شوفي :

بيت التمويل الكويتي >>>>>>>> يعاملونج بطريقة تمثيلية باااااااااااااايخة وكله زحمةةةةةةةةةةةةةةةةةةةة

بنك الخليج >>>>>>>>>>>>> زوين يعني اعطيه نسبة 70 تعاملهم اوكي

البنك التجاااااااري >>>>>>>لي موشحااات في الاستهجااان والاستنكااار والشجب على خدمة العملاء اللي تكون

مسجلة تخيلي إذا بحسااابج مبلغ سحبوووووووووه من تاريخ 20 او 18 والعذر الراتب بينزل وسحبنا هالمبلغ للقرض !!

يعني لا يحوشج . . .

بالوضع الحالي للبنوك الأفضل أن نستلم رواتبنا عن طريق شيك

 

[بتبوتااا]

انا الحين بالتجاري كنت الحمدلله مرتاحه معاهم وريلي الخليج هم مرتاح منهم

 

[softlady]

انا بالتمويل مرتاحه معاهم الحمدالله



مشكوره على الموضوع








بعد قلبـ قلبكمـ

مع تحياتيـ SOFTLADY



.

 

[أمواج البحر]

والله انا صارلي عمر مع بنك الوطني والحمدلله مرتاحه معاهم

بالنسبه لتحويل الفلوس انا صارت معاي و اكثر من مره حولت الفلوس بس ترى فرق العمله من الدوله اللي مسافر لها موو من عندنا

ريلي كانت بالعقاري وشااف الويل ومعاملتهم جدا بايخه

عقب حول الاهلي وما اردى من المربوط الا المفتلت

والحبن يبي يحول الوطني

جوله على بنوك الكوبت ههههههههههههه

 

[Toadette]

انا الوطني .. Good لا بأس فيه

ماحب التمويل لأني أحسه تخلف .. وتفرقة جنسية بين الريال والمرأة .. حق الرياييل الاماكن الزينه والشراحه والوساعه وحق الحريم التسدد .. مادري اذا دشينا الفرع بنقط حجاباتنا على هالقمته !

 

[زيتونه مرت باباي]

حسابي عالتمويل بالعكس معاملتهم حلوووووه وخوش بنات

وماجربت غيره

وكل البنوك فيها إيجابيات وسلبيات

ومشكووووره

 

[ام هيووونه]

الخليج نفس التجاري يسحب الي بحسابي قبل ينزل المعاش ولما اسالهم يقولون حق القرض او البطاقات

ملوع جبدي ودي اغير بس مادري وين اروح

تخيلو عندي فيزا وماستر ساحبه فيهم المهم الشهر الي طاف نزلو معاشي بدون خصم البطاقات وسحبته كان العيد والشهر الي بعده خصمو مني 180 دينار يعني ما بقى من معاشي الا 20 لان الباقي القرض

مالت عليهم

بنات بسال في كل البنوك يسون جذي ول لا؟؟

يزيدون على بطاقة الماستر مثلا 10 يكون فايدة ولما ينزل معاشي يخصمون مثلا 30 دينار او غيره ويردون يزيدون عقب 10 انزين ليش ما يخصمون 20 وبس شلعوني بالبطاقات توهقت فيهم

اف متى اخلص وافتك

اتوقع ما فهمتو شي مني هههههه

 

[غربــــة اِحساس]

انا من عمر على بيت التمويل

زين وتعاملهم راقي وكافي تروحين تاخذين راحتج كله بنات

بس المشكله اذا رحتى بوقت الذروه تحصلين زحمه وتنطرين قريب الساعة

انا بصراحه احب تكون تعاملاتي الماليه بنطاق اسلامي مابي سوالف الربا تدخل فيها

والحين فاتحين بوبيان مادري عاد منو جربه ؟ الي جربته تقولنا

موفقة .. : )

 

[(ذلتهم عيوني)]

الخليج الاسوأ بوق ونصب عيني عينك يسحبون ويشركون الواحد بأي شي غصب وبدون لا يدري وايد صارت مع ناس اعرفهم


وحسابي عالوطني ما شفت منهم شي

 

[MyLittleBerry]

اسوأ بنك في التعامل التمويل

احسن بنك بوبيان

 

[أم روعة]

انا حسابي بالوطني و مرتاحه منهم ومعاملتهم وايد حلوة

 

[june_m00n]

انا بنكي التمويلي

الحمدلله مرتاحه

وكافي انه بنك مو ربوي

وعمليات حسب الشريعه الاسلاميه

 

[((MiSS CuTe))]

حبيبتي دايما كل البنوك يخصمون مبرمج بالكمبيوتر كل الاقساط تحل عليج بتاريخ 20 واحسن لج عشان ماتكود

 

[Fouz]

انا طول عمري في بيت التمويل بصراحة المعاملة روعة و ما صادفت مشاكل معاهم

 

[BlackRose]

الحين اغلب البنات اجمعوا على التمويل
والوطني رقم2

مع اني كلش مو مرتاحة من معاملة الوطني

وايد معاملتهم بااااااااااااااااايخة واذا بغيت افتح حساب حق اليهال يكودون لج بهالاوراق البطاقة المدنية انا وبنتي الجواز انا وبنتي شهادة الميلاد انا وبنتي وجنسيتي

اشصاير رايحة امن الدولة؟؟؟؟

ما يبون بطاقة التموين بعد

والمشكلة كل موظف يقولج كلمة

وبالنسبة حق الفيزا والماستر انا ماعندي لافيزا ولاماستر وفاكة عمري
لوووووووووووووووووووووووول

 

[انصار]

الوطني طبعا بدون منافس احسن بنك بالشرق الاوسط
التجاري : حبوبين ومعاملتهم حلوه وخاصه الي بسوق شرق
الخليج : كلمه ويع حرام بحقهم موظفين ماكو اسلوب وارف خاصه فرع بيان

 

[q8**girl]

انا تموييل وماجربت غيره بالعكس اينن مافييه شي
والباجي كلهم ربا فمابي حتى اجربهم

 

[OmRashed]

انا اتعامل مع ثلاث بنوك وكلهم زينين
الوطني ممتاز .. والخليج هم ممتاز .. والشرق الوسط جيد جدا
:dddds:

 

[كريستال ليدي]

افضل بنك الوطني

و

أسوأ بنك بيت التمويل

و انا حسابي بالخليج ( الدوام اجبروني على الخليج )