اسبوع واطلع من النفاس وللحين عندي مشكله ببشرتي

[لولو الكويتيه]

السلام عليكم
خواتي انا عندي مشكلتين اول شئ بشرتي فيها بقعه بالخدود من الشمس ورقبتي مخططه وسوده وايدي سووده وبشرتي باهته وقبل لااولد خذيت مجموعة فير اند وايت من الصيدليه الصابون مع كريم تقشير وكريم تبييض وفيتامين سي واستخدمتهم بعد الولاده واستمريت عليهم بس للاسف طلعو حبوب صغاار ببشرتي وخليتهم وقمت خلطت جلسرين مع ليمون وزيت الليمون وادهن فيه ايدي ورقبتي بس مااحط على ويهي وهذا غير مجموعة التاجره كرستينا الله يعطيها العافيه خذيت منها سنفرات وصابون روووعه ماشاءالله صار جسمي ناعم وافتح من قبل
الحين مشكلتي ان جسمي فتح لونه وايدي صارت بيضهالحمدلله بس بشرتي للحين باهته ماكو نظاره وبقعة الشمس بخدي للحين موجوده ورقبتي فتح لونها بس للحين فيها خطوط بنيه ومابقى على طلعتي من النفاس الا اسبووع شنو اسوي عشان النظاره وخطوط رقبتي؟؟ احس تعبت على الخلطات بس ماكو فايده :eh_s(16):
حاولت امسح رقبتي بحليب مرتين باليوم بس ماكو فايده
حتى لو استخدم كريم لرقبتي من الحواج فيه كرتزون شنو احسن شئ

 

[قطوووة]

وشحادج عالكورتيزون حبيبتي مو زين

سواد الرقبه ممكن يكون عند الناس الي تعاني وزن زايد او من مرض السكر اسم الله عليج

اهتمي بتغذيتج وراح ترد بشرتج تصير حلوة

وكملي السنفرات

 

[((غلاي))]

الكرتزون لا
ادخلي ملفي الشخصي و استفيدي

 

[دنيا صغيره]

نصيحه روحي لطبيبه وتوصف لك فيتامينات لان ممكن المشكله فيك من الداخل .....وحمد لله على سلامتك

 

[ام ريومه.]

روحي الحواج اخلطي بين +فيداوت البني+ديانا وحطي بوجهج ورقبتج واخذي اسكنول الليمون او الخيار فركي بقطنه رقبتج وجهج وحطي الكريم وادعيلي بالخير واذا مانفعتج يبيلج دكتور جلديه افضل

 

[ام عبد العزيز م]

اب اب

 

[زينه البنات2012]

ااب لعيوونج

 

[مزيونه وشقره]

شوفي هالرابط

http://www.q8yat.com/t873075.html

ولرقبتج استخدمي الصابونيه يوميا وعقبها سنفره العروسه يوميا واذا خلصتي وغسلتي حطي عليها ماي ورد واستمري وتلاقين نتيجه تعجبج واهم شيييييييييييييييييييييييييييييييييييي حمام مغربي كل اسبوع مني ليمن ست شهور بالقليل بعدين كل 10 ايام بعدين بالشهر مرتين براحتج بس كل اسبوع مهم اذا الحمل غير جسمج ولونج وايد

وان شاءالله تردين مثل اول واحلا