اسبانيا بلاد الاندلس سابقا

[الفرفورةرفرف]

مرحبا يا بنوتات:68_asmilies-com:
متزوجات او انسات
انا انشالله ناوية على سفرة حق اسبانيا بشهر 1 واول مرة اروح لها انا وزوجي وولدي
وحبيت اسال اللي رايحين لها من قبل
شنو احسن المناطق فيها؟_03BA:
وابي كل مكان فيها بشر 1 يكون بارد او الجو حار او عادي حلو حار بالنهار وبارد بالليل
وين اماكن التسوق فيها؟
وجم ميزانية التسوق بس بدون الاكل والفنادق؟
وفيها رحلات بقطارات او لأ؟
ياريت اللي عندها خبرة اتفيدني واتفيد العضوات اللي ناوين على اسبانيا
او يمكن اللي لها خبرة اتشوق الباجين حق اسبانيا:aha:

 

[فــــلـــحـــه]

مرحبا يا بنوتات:68_asmilies-com:
متزوجات او انسات
انا انشالله ناوية على سفرة حق اسبانيا بشهر 1 واول مرة اروح لها انا وزوجي وولدي
وحبيت اسال اللي رايحين لها من قبل
شنو احسن المناطق فيها؟_03ba:
وابي كل مكان فيها بشر 1 يكون بارد او الجو حار او عادي حلو حار بالنهار وبارد بالليل
وين اماكن التسوق فيها؟
وجم ميزانية التسوق بس بدون الاكل والفنادق؟
وفيها رحلات بقطارات او لأ؟
ياريت اللي عندها خبرة اتفيدني واتفيد العضوات اللي ناوين على اسبانيا
او يمكن اللي لها خبرة اتشوق الباجين حق اسبانيا:aha:

أختى الفاضله اى منطقه راح تسافرين برشلونه او مدريد

 

[ALSHD]

والله رفيجتي تمدحها كانت رايحه مع زوجها اسبوعين وتقول رخيصه

سوي search بالنت عنها وان شالله البنات مايقصرون

 

[البنفسجيه...]

انشاء الله البنات يفيدونج

يلا يابنااااااااااات فيدونا خلونا نعرف وين نروح

 

[اصايل]

للرفع

 

[الفرفورةرفرف]

انا انشالله ناوية على برشلونة
بس حق اللي رايحين لها
اذا يعرفون اذا فيها قطارات اقدر اروح حق مناطق ثانية ولا لازم طيارة؟ وشنو احسن مناطق فيها
مدريد \ ماربيا \ملقا؟ وكل وحدة شنو تتميز؟؟؟؟؟
يالله جزاها الله خير اللي تعلمنا

 

[عذوق]

عاااد توني راجعه من اسبانيا شهر العسل

شوفي

برشلوووونة عجيييييييييييبه تجنن سياجية حيل

عندج شارع الراملس يهبل ما زهقت منه كل سوووق يعني نفس الشانزليزيه
وروحي الفاميليا يهبل ويونس معبد صارلهم 100 سنه ينحتونه يدوي
وبعد روحي رحلة يوم كامل بالباص حول معالم برشلونه يوديج بكل مكان ومتى ومابعيتي تنزلين بمكان نزلي عادي والباص يروح يجيج باص غيره لان التذكرة تكون وياج
ولا يفوتج تحضرين مباااراااه واااااو ونااااااااااسه حده حتى ولو ما تحبينها بتستانسين
أنا حضرت مباراة برشلونة واسبانيول وفي مدريد مباراة ريال مدريد وسرقسطه
صج وناااااااااااااسه

أممم


مطااعم برشلونه تجننننن السي فووود يماااي لذيذ حده
روحي المطاعم اللي ع البحر وااااااو

بس الديرة غااااااااااااااااااااليه نااااااااااااار حدهاااااااااا

التكاسي والمطاعم والسووق غااالي

وفيه عندهم مجمع مشهوور هذا كله ماااركااااات شريت من عندهم جنطه dkny
عجيبه توها نازلة

بعد شنو

اي رحنا رحله لقلعة قديمه في برشلونه بالتلفريك تووونس حدها ان شاءالله بوريكم الصور

اي وفي برشلونه كنا في فندق الهيلتون وااااااااااو يهبببل ومررريح 5 نجوم بس بغيد شوي من السنتر بس كان جمبنا مجمع حلوو حيل كل يوم وحنا فيه ههههههههههههه
وفي مدريد في الريتز يهببل كأني في قصر نفس الافلام القديمه ميزته في السنتر مال المدينه

حلو التمشي في مدريد


على فكرة الديرة بااااااااااااااردة حيييييييييييل موووت يعني إخذي بالطوات وجاكيتات ثقيله واهم شي لبسي ليقنز طويل تحت الجنز ودلاغات طويلة ثقيله وبووت طويل اهم شي والله كنت ماامشي الا وداقة اللثمة من البرد خخخخخخخخخخ

آخر يوم قبل لا نروح نزل ثلج عليهم وااااي يووونس قعدنا نلعب فيه مثل البزراان خخخخخخخخخخخ

عندهم الزيت زيتون والزيتوون عجيييييييييييييب


امممم إذا تذكرت بعد برجع اقوولج مووفقه ياارب ولا تفوتج اسبانيا

 

[عذوق]

بالنسبة للقطارات فيه من برشلونة لي مدريد بس فوق ال 5 ساعات !!

حنا رحنا بطيارة لمدريد

ولا يفوتج في مدريد ملعب الريال مدريد السنتياجو حلووو حيل

 

[brat]

موضوعج يا بوقته آنا مثلج ناويه أروح برشلونا آخر يناير

وناطره بعد تجارب من البنات

 

[الفرفورةرفرف]

امبيه وانا عبالي نفس جونابس اشوي ابرد عاد ناوية اخذ ولدي معاي
بس دام في ثلج يالله مايتطوف
زين شنو اسم مجمع الماركات اللي قلتي عنه
والمجمع الي يم فندق الهيلتون؟
يارت اعرف لأني انشالله ناوية اروح ب10\1
وما يندرى
وااااااااااااااي ضيقتي خلقي عاد انا قايلا مابي اخذ هدوم معاي
حبيبتي مشكوووووووورة وايد وايد
وتمنى لج حياة زوجية سعيدة دوم يارب

 

[Azzurra]

شوفي مدريد حييييييييل عادية انا تذكرني بلندن لكن لندن اجمل وجوهم حلو ورخيييصة ,, مانصحج بالقطار لانه المسافة بساعات بين مدر يد وبرشلونة الطيران الداخلي عندهم زين جربي الايبيرية ممتازة او لافنسزا بس انا ماحبيت لافنسزا من ميلانو الى مدريد قديمة وحارة ,, ضروري تروحين برشلونه تييييينن كافي بحرها وعندج ماربيا و ملقا و اشبيلية و فالنسيا كل منطقة تتميز بشي لكن عن الحسافة روحي مدريد شعبها طيب ورخيصة ومتروسة مكسيكييييين شارع التسوق جراند فيا والثاني نسيت اسمه وبرشلونه تونس واماكن السياحية متعددة

 

[الفرفورةرفرف]

حبايبي مشكورين عالاجابات بس ودي اجرب القطارات ملينا من الطيارات
بعد اب
اب
منو عندها تجارب؟

 

[*يارا*]

حبيبتي انا خبره بأسبانيا

أموت عليها عندنا شقه من زمان من قبل لا انولد وطبعا الوالده والوالد لازم كل صيفيه يروحون
ملينا لما كبرنا رأفوا بحالنا ودونا باجي اوربا بس لازم اسبانيا

ومن حسن حظي خذيت ريلي وحب اسبانيا وخذينا شقه فكل سنه لازم صيفا أسبانيا شتاءا لازم أسبانيا
قررقتج أدري

شوفي ملقا منطقه كبيره نفس مدريد ويمكن اكبر بعد ادفى من برشلونه ومدريد
طبعا هالأيام برد بس مو ثلج ابرد من الكويت
هالمنطقه فيها وايد مناطق يعني مثل ما تقولين محافظه مثل العاصمه والفروانيه ..الخ
اول منطقه ترمولينس منطقه يم البحر حلوة وفنادقها رخيصه وسوقهم مو وايد كبير بس أغلبه الماركات الاسبانيه
مو ماركات قويه ماركات حييل عاديه مثل زارا ومانغو وسبرنغلفيلد كورت فييل واييد ماركات
ويم منطقه بحريه اسمها بليا مار بس حلوة بالصيف الشتا مو وايد
والمنطقه الثانية ملقا منطقه تسوق فيها مجمع كبير نفس إلي قالتلج عنه برشلونه أسمه كورت إنجليه
فيه ماركات عالميه ووايد مجمع 5 طوابق ولا يمكن تخلصينه بيوم او يومين الاسعار مثا كل اوربا وطبعا ألحين عندهم خصم

ثاني منطقه فنخرولا تطل على البحر والجهه الثانيه جبال عاديه وايد كويتيين لهم شقق فيها حلوة بالصيف بس
ثالث منطقه ماربيا منطقه راقيه وكشخه وحلوة والبورت مالها اسمه البورت بانوس كله فنادق غاليه وحلوة وراقيه
وفيها قصور أغلب الأمرا الخليجيين والعرب طبعا هذي المبطقه على البحر

عموما حبيبتي مالقا حلوة بالصيف ومو رخيصه مثل كل اوربا

 

[*يارا*]

مدريد رحت لها مرتيين بحياتي وكله بالصيف حلوة

أغلب الفنادق حلوة ومتقاربين باسعر فيها ملاهي مثل اليورو دزني
وسوقها حلو بالنسبه للماركات الاسبانيه اسعارها وايد احسن من الكويت ومن اوروبا
بس الماركات الاوربيه نفس سعر اوربا واحسن من الكويت تتوافر موديلات اكثر

 

[*يارا*]

برشلونه .. تينن حلوة سكني بالهلتون او الشيرتون

موو رخيصه كلش أغلى من ملقا وفيها بعد ملاهي أسمها بورتفنتورا
وعندهم مجمع مطاعم عالميه يم البورت يعني على البحر

والشعب الاسباني حبوب وبسيط واي شي تبينه يساعدج خدوم حييل

والمجمع الكبير إلي قالتلج عنه (بنت الذيب)
أعتقد تقصد الكورت انجليه >>>يعني انجلش english
بس اهما ينطقونه انجليه

ان شاء الله اكون فدتج وأي استفسار انا حاضره

بالتوفيق

 

[الفرفورةرفرف]

حبيبتي يارا كفيتي ووفيتي احرجتيني
وبعد بصير طماعة واللي عندها تجارب تقول
والبنات بعد ماقصرو لكن يالله اب
منو اتعرف مطاعم غريبة؟
محلات حلوة؟
اماكن اثرية متاحف؟

 

[Om_Ksha]

والله انا نفسج متوهقه انشالله ناويين انسافر على شهر 2 ونحاتي البررررد

فاقنعوني البنات على اسبانيا وايطاليا وموضووعج يهه بوقته .. ومنكم نستفيد

 

[reem83]

بنات انا خطيبي يبي يروح اسبانيا شهر عسل وانا معارضة ان برد وماراح نستانس

وانا بروح شهر عسل شهر 3 فا اشرايكم

 

[Om_Ksha]

^
^
نفس الحال متوهقين مع هالبرد !!

بس البنات قالولي بشهر 2 بيكون مو حيل برد فعلى هالاساس افكر جديا اب اسبانيا !!

 

[الفرفورةرفرف]

انشالله سفرتي باجر وراح اعطيكم اجمل الاماكن والج شلونة
ادعولي بالسلامة وشكرا لكل اللي شاركوني بموضوعي