اسئله مهمه وابي اجاابه تكفوون

[LOVE KUWAIT1]

السلام عليكم:

بناات الله يخليكم ابي اجابه دقيقه على اسألتي بلللللليز..

1-انا موظفه وحابه اشتري قطوه اذا رحت الدواام شلون اخليها ووين ويحتااج اخلي لها اغرااض معينه واوصي الخدامه

تسوي لها شي على ما ارجع من الدواام؟؟ يعني القطوه تصلح لوحده موظفه وهل اقدر اجابلها واعطيها وقت ؟؟

2- عندنا في البيت اطفال علشاان جذي ابي اعرف بالنسبه للأمراض والعدوى هل تأثر عليهم وشنو طرق الوقاايه منها؟؟

3-قبل اليوم اللي بروح اشتري فيه القطووه هل لازم اكون مجهزه لها اشياء معينه بغرفتي؟؟ وشنو هالأشياء

4-القطوه هل تسبب لي ازعااج اذا كنت نايمه ولا اهي تطخ لما يطفي الليت

5-جم سااعه ممكن تنام القطوه ولا تزعجني بالليل

6-شنو احسن نووع اكل اخذه لها

7-ابي اقرب مكاان عياده بيطريه للحالات الطارئه في بالشويخ ولا الري؟

8-احسن مكاان لأكسسوارات القطط وادوات العناايه فيه؟

9-والسؤال المهم:جم حوالي احتااج ميزانيه كل شهر للقطوه؟؟

10-اقدر اخذ لها كرت مراجعاات بالعياده البيطريه ولا المرااجعه والأدويه بفلووس

11-اخر سؤال ابي اررقى وافضل مكااااااااان اشتري قطوووه حتى لو كاانت غاااااليه بس تكوون نظيفه وودي القى مثل

هذي القطووه بس وين؟؟؟

ومشكوررررات واسفه للأزعااج

 

[3w!Shni]

و عليكم السلام و الرحمة

انا بجاوب عالي اعرفه .. <- تجرب فيج مدى الخبرة الي وصلتلها لووول


1-انا موظفه وحابه اشتري قطوه اذا رحت الدواام شلون اخليها ووين ويحتااج اخلي لها اغرااض معينه واوصي الخدامه

تسوي لها شي على ما ارجع من الدواام؟؟ يعني القطوه تصلح لوحده موظفه وهل اقدر اجابلها واعطيها وقت ؟؟

انا بالنسبة لي عادي .. بس تولهين عليها لوول .. اذا عندج الخدامه تقدرين تثقين فيها و تسويله شغله عادي .. انا بالنسبة لي اليوم اول مرة اهده بروحه و خليتله الاكل المعلب و غطيته و اهو اسم الله عليه يعرف يفتح الصحن .. و حطيت اكل مجفف و ماي و نظفت الليتر بكس "المكان الي يوصخ فيه" عزكم الله .. و طلعت .. و حطيتله العابه و كل شي .. يعني مافيها خوف .. واعتقد ان كلنا بالقسم يا موظفات او طالبات ^.^ يعني عادي


2- عندنا في البيت اطفال علشاان جذي ابي اعرف بالنسبه للأمراض والعدوى هل تأثر عليهم وشنو طرق الوقاايه منها؟؟

احنا عندنا ياهال بالبيت عيال اخواني على سنه و سنتين .. و يلعبون وياه مخامط .. بس اسم الله عليهم ماصار فيهم شي .. شوفي اذا عايلتكم .. كل عايلة لها طبيعتها .. و اذا القطوة كانت مطعمة أول بأول .. مافيها خوف ان شاء الله


3-قبل اليوم اللي بروح اشتري فيه القطووه هل لازم اكون مجهزه لها اشياء معينه بغرفتي؟؟ وشنو هالأشياء

هذا السؤال خوووشي هاللنك

http://www.q8yat.net/showthread.php?t=235125


4-القطوه هل تسبب لي ازعااج اذا كنت نايمه ولا اهي تطخ لما يطفي الليت

ابد .. من يطفي الليت و تكون الدنيا ظلمة .. ايي ينام يمي او بالمكان الي اهو يحبه .. بس لما كان في نور يقعد يطقطق شوي و يتحرش " لما كنت اسهر لي شقة الشمس" .. و ان شافني نايمة سكت ونام يمي .. بس ما يظايق ابد ..


5-جم سااعه ممكن تنام القطوه ولا تزعجني بالليل

لوووول .. انا صراحه انام وماحس فيه .. بس اذا طولت و راحت علي نومه تلقينه يقعدني يلحس خدي و ينونو عالخفيف واي فديته حبيبي .. و ينام على كثر ما يقدر خخخخخ .. اسرع مخلوق ينام خخخخخخخخ


6-شنو احسن نووع اكل اخذه لها

عندج الاكل المعلب .. انا استعمل معاه فانسي فيست .. fancy feast
المجفف .. بورينا purina
و اوكله اكل بيت .. لما اتغدى ولا اتعشى .. احطله الاشياء الي ماتضره .. مثل دياي "يمووووت عليه طالع علي لوول" بس مايكون مبهر يعني دياي مطبوخ بس .. وو جبن وحليب خالي الدسم شوي ..

حسب الي اعرفه البنات يقولولن بالمنتدى سمج ولا تكثرين منه عشان لا يحت شعره و يخيس نداء الطبيعه عزج الله لووول .. بس ماجربت اوكله سمج .. و اللحم يقولون مرتين بالاسبوع .. انا وكلته لحم .. ماحبه كثر الدياي .. فديت وليدي طالع على امه .. وانتي و طبيعة قطوج ..


7-ابي اقرب مكاان عياده بيطريه للحالات الطارئه في بالشويخ ولا الري؟

انا دايم اروح الري عاد مادري ايهو اقرب ^^

8-احسن مكاان لأكسسوارات القطط وادوات العناايه فيه؟

هووون

http://www.q8yat.net/showthread.php?t=386970

9-والسؤال المهم:جم حوالي احتااج ميزانيه كل شهر للقطوه؟؟

ماحسبت .. يعني تقدرين تقولين حسب الي انا اصرفه .. همممم حوالي تقريبا 20 دينار.. مو اكيد


10-اقدر اخذ لها كرت مراجعاات بالعياده البيطريه ولا المرااجعه والأدويه بفلووس

لما تطعمينه اذا كمل السنتين يفتحولج كرت او ملف عندهم .. بس العلاج و الادوية بفلوس.


11-اخر سؤال ابي اررقى وافضل مكااااااااان اشتري قطوووه حتى لو كاانت غاااااليه بس تكوون نظيفه وودي القى مثل

ماعنديش علم واللهي .. شوفي اللنك اخر واحد حطيته


ونبي نشوف المزيون لما اتييبينه ^^

ووووو اذا غلطت في معلومة ولا شي ان شاء الله البنات يصلحولي و يفيدونج

 

[معالي الملكة]

السلام عليكم:

بناات الله يخليكم ابي اجابه دقيقه على اسألتي بلللللليز..

1-انا موظفه وحابه اشتري قطوه اذا رحت الدواام شلون اخليها ووين ويحتااج اخلي لها اغرااض معينه واوصي الخدامه

تسوي لها شي على ما ارجع من الدواام؟؟ يعني القطوه تصلح لوحده موظفه وهل اقدر اجابلها واعطيها وقت ؟؟

شوفي حبيبتي عادي اذا القطوه متعوده ع البيت وبلي فيه من سكان فلا تحاتين انتي بس اهم شي ريقيها بدري قبل تطلعين وحطي لها مايها والاكل بس حزت اكلها لان تحب تاكله فرش

ولاتنسين ان لازم تكون متعلمه ع حمامها يعني التربه حطيها لها لما تتعود بمكان ما ينشال منه عشان خلاص تعرف ان هني مكانها وسهل جدا الباجي

2- عندنا في البيت اطفال علشاان جذي ابي اعرف بالنسبه للأمراض والعدوى هل تأثر عليهم وشنو طرق الوقاايه منها؟؟

الاطفال ما ادري ع حسب حتى الناس البالغه اذا عندهم حساسيه ولا لا لان اانا امي واخوي عندهم حساسيه حتى من ارانبي شلون قطوتي عرفتي واطريت اتخلى عنها لما وايد تاثر اخوي منها ولازم تسوين لها تطعيماتها عدل وفي تطعيم يمنع انها تنقل العدوى للناس بس للاسف مو كل الادويه موجوده بالكويت بس هم مايظر تسالين وتطعمينها وتنتبهين ع ادويتها اوكي

3-قبل اليوم اللي بروح اشتري فيه القطووه هل لازم اكون مجهزه لها اشياء معينه بغرفتي؟؟ وشنو هالأشياء

اول شي اشتري لها سرير لها واشتري القفص مالها الي تشيلينها فيه وماعون للاكل والماي وفوطه لما تبين تنشفينها وشامبوها ومعجون اسنان وفرشاتها وبروش عشان تمشطينها واممممم لعبه وكل هشغلات تحصلينها بمركز سلطان

4-القطوه هل تسبب لي ازعااج اذا كنت نايمه ولا اهي تطخ لما يطفي الليت

شفتي البيبي جنها بيبي
5-جم سااعه ممكن تنام القطوه ولا تزعجني بالليل

لا تناااااااااااااااااام نومة اليهال
6-شنو احسن نووع اكل اخذه لها

بعدين اقولج لاني نسيت اسم المنتج
7-ابي اقرب مكاان عياده بيطريه للحالات الطارئه في بالشويخ ولا الري؟

في مستشفى بالوفره
8-احسن مكاان لأكسسوارات القطط وادوات العناايه فيه؟

مركز سلطااااااااااااان9-والسؤال المهم:جم حوالي احتااج ميزانيه كل شهر للقطوه؟؟

مايحتاج انتي بس بالبدايه وفري لها الي قلت لج عليه والباجي سهالات ما تاخذ منج ترا والله شغلها رخيص يعني بحدود عشرين دينار

10-اقدر اخذ لها كرت مراجعاات بالعياده البيطريه ولا المرااجعه والأدويه بفلووس

اي اكيد لازم يعطونج كرت صحه عشان التطعيمات ملوتها
11-اخر سؤال ابي اررقى وافضل مكااااااااان اشتري قطوووه حتى لو كاانت غاااااليه بس تكوون نظيفه وودي القى مثل

هذي القطووه بس وين؟؟؟

شوفي حبيبتي ما انصحج بسوق الحمام اذا تبين شوفي من بنات المنتدى مرات يعرضون للتبني
وفيه مركزين بالكويت يعرضون الحيوانات للتبني عرفتي فروحي لهم او راجعيني ع الخاص

ومشكوررررات واسفه للأزعااج

واسفه اذا قصرت بشي بس هذا من خلال معلوماتي البسيطه

 

[LOVE KUWAIT1]

يااااامااااال العااااااافيه

عز الله ماقصرتو وكفيتوو ووفيتوو

جزاااااكم الله الف خير يا بناات على الرد الواافي وتعبتكم معاي والله

 

[sweet cake]

السلام عليكم:
وعليكم السلام والرحمه

بناات الله يخليكم ابي اجابه دقيقه على اسألتي بلللللليز..
ابشري

1-انا موظفه وحابه اشتري قطوه اذا رحت الدواام شلون اخليها ووين ويحتااج اخلي لها اغرااض معينه واوصي الخدامه

تسوي لها شي على ما ارجع من الدواام؟؟ يعني القطوه تصلح لوحده موظفه وهل اقدر اجابلها واعطيها وقت ؟؟
انتي بس تأكدي ان اللتر بوكس نظيف وحطيلها ألعاب وعادي.. بالنسبه لي اذا بطلع وراح اطول عن قطوتي احط لها الدراي فود لأنه لو طول عادي ما يخرب.. بس قطوتي دلوعه لما اخليها بروحها تضرب عن الطعام.. بس ترى ماعليهم الا العافيه لكن لازم تعوضينها يعن لما تردين لعبيها ودلعيها..

2- عندنا في البيت اطفال علشاان جذي ابي اعرف بالنسبه للأمراض والعدوى هل تأثر عليهم وشنو طرق الوقاايه منها؟؟
ولله الحمد ما عندنا اي احد تأثر منها الا مرة عمي لأن فيها حساسيه من القطاوه لكن خفيفه.. الصغار ماصار لهم شي وحتى مرضى الربو ما أثرت عليهم كلش كلش.. يعني انتي اهتمي بنظافتها وشغلها ومايصير فيهم شي بإذن الله

3-قبل اليوم اللي بروح اشتري فيه القطووه هل لازم اكون مجهزه لها اشياء معينه بغرفتي؟؟ وشنو هالأشياء
اجابة هالسؤال تلقينها بموضوع مثبت لمشرفتنا سكارف واللي تحتاجينه اللتر بوكس والرمل مالها والمغرفه الخاصه باللتر بوكس.. وصحن الأكل والسرير >> مو شرط على حسب شخصية القطوه.. واضمن لج شوفي موضوع سكارف

4-القطوه هل تسبب لي ازعااج اذا كنت نايمه ولا اهي تطخ لما يطفي الليت
اذا كان مافيها نوم تحاول تتحرش فيج وتلعب معاج بس اذا شافتج مطنشتها تنام معاج

5-جم سااعه ممكن تنام القطوه ولا تزعجني بالليل

انا قطوتي تنام اذا شافتني نايمه وتقوم تتأكد قمت ولا لأ.. ومن تشوفني قمت تقوم معاي وتتبعني
6-شنو احسن نووع اكل اخذه لها
الأكل المعلب فانسي فيست.. قطوتي ماحبت الدجاج منه .. بس يفضل توكلينها مرتين بالاسبوع او ثلاث.. والدراي فود عندج بيورينا ومياو مكس كلهم حلوين.. وتقدرين تعطينها جبن وبيض مفيوح >> قطوتي حبته.. وعندنا بعد موضوع مثبت اسمه دليل مواضيعنا عن القطط .. تلقين فيه اللي يعجبج ان شاء الله

7-ابي اقرب مكاان عياده بيطريه للحالات الطارئه في بالشويخ ولا الري؟
عند سوق الجمعه موجود الدهماء.. انا اروح له وطعمت قطوتي عندهم

8-احسن مكاان لأكسسوارات القطط وادوات العناايه فيه؟
بموضوع سكارف فوشي تلقين .. ووحده من التاجرات حاطه بالصفحه الثانيه اكسسوارات حلوه هي تجيبهم.. وفي عندج محلات بعد.. شوفي موضوع سكارف

9-والسؤال المهم:جم حوالي احتااج ميزانيه كل شهر للقطوه؟؟
مو واجد وما وصل العشرين دينار .. يعني اول مره اي راح تكلفج شوي بس بعدها لا عادي..

10-اقدر اخذ لها كرت مراجعاات بالعياده البيطريه ولا المرااجعه والأدويه بفلووس
لما تطعمينها راح يعطونج كرت صحي لها بس طبعا كل شي بحسابه

11-اخر سؤال ابي اررقى وافضل مكااااااااان اشتري قطوووه حتى لو كاانت غاااااليه بس تكوون نظيفه وودي القى مثل

هذي القطووه بس وين؟؟؟
احسن شي تشترين من الناس اللي يبيعون عيال قطاوتهم .. عندج مثلا موقع المزاد الكويتي او موقع q8pets

ومشكوررررات واسفه للأزعااج

واتمنى اكون افدتج بشي

 

[دمي مـטּ ذهب]

ان شاء الله البنات يكونون فادوووج لأني مو خبيره مثلهم ما شاء الله بس ما حبيت أدخل بدون رد

 

[lojeeen]

بجاوب باللي اعرفه ^^


1-انا موظفه وحابه اشتري قطوه اذا رحت الدواام شلون اخليها ووين ويحتااج اخلي لها اغرااض معينه واوصي الخدامه
حتى انا موظفه و قبل لا اروح الدوام أتأكد من الماي و كميه البسكوت و احط لها صحن أكل معلب و أتأكد من نظافه الليتر بوكس

تسوي لها شي على ما ارجع من الدواام؟؟ يعني القطوه تصلح لوحده موظفه وهل اقدر اجابلها واعطيها وقت ؟؟
إي عادي القطوه اغلب الوقت تسلي نفسها بروحها و لي شافتج تمشي وراج و تلعب و تبي تقعد بحضنج مثل الأطفال
توكلينها و تلعبينها و تسبحينها إذا احتاجت ^^
2- عندنا في البيت اطفال علشاان جذي ابي اعرف بالنسبه للأمراض والعدوى هل تأثر عليهم وشنو طرق الوقاايه منها؟؟
يعتمد يمكن عندكم حساسيه من شعر القطط اعرف ناس كان تجيهم فطريات لما تجي القطوه فطريات فلازم تعالجين القطوه و تمشين لها التطعيمات حتى تكون نظيفه و ما تسبب لكم اي حساسيه
3-قبل اليوم اللي بروح اشتري فيه القطووه هل لازم اكون مجهزه لها اشياء معينه بغرفتي؟؟ وشنو هالأشياء
اهم شي الليتر بوكس و التراب الطبي و الصحون اللي بتحطين فيها اكلها و مايها و سله تنام فيها تحطينها في مكان دافي يم ترابها و أكلها

4-القطوه هل تسبب لي ازعااج اذا كنت نايمه ولا اهي تطخ لما يطفي الليت
اهي القطوه باليوم تنام اكثر من 18 ساعه يعني تنام اكثر منا و ماراح تضايقج وايد ^^

5-جم سااعه ممكن تنام القطوه ولا تزعجني بالليل
18 ساعه متوزعه بين الليل و النهار ^^

6-شنو احسن نووع اكل اخذه لها
البسكوت أو الدراي فود تقريبا كل الأنواع اللي بالجمعيه زين و في انواع مخصصه للكيتنز حتى تكون الحبه اشوي هشه و حجمها اصغير أما المعلبات حق الكيتنز في عندج فانسي فيست و عندج فريسكس

7-ابي اقرب مكاان عياده بيطريه للحالات الطارئه في بالشويخ ولا الري؟
عندج الري قبال سوق الحمام في ثلاث مستوصفات

8-احسن مكاان لأكسسوارات القطط وادوات العناايه فيه؟
مركز سلطان وايد زين و لولو هايبر

9-والسؤال المهم:جم حوالي احتااج ميزانيه كل شهر للقطوه؟؟
الميزانيه تختلف كل شهر على حسب مراجعاتج للبيطري و الأشياء اللي تبين تشترينها لها بس بالنسبه حق الأكل حق القطوه الوحده ماراح تكلفج اكثر من عشرين دينار

10-اقدر اخذ لها كرت مراجعاات بالعياده البيطريه ولا المرااجعه والأدويه بفلووس
كل مراجعه يحاسبونج على حسب الأدويه الموصوفه و العلاجات اللي يعطونها للقطوه من ابر و حبوب

11-اخر سؤال ابي اررقى وافضل مكااااااااان اشتري قطوووه حتى لو كاانت غاااااليه بس تكوون نظيفه وودي القى مثل

هذي القطووه بس وين؟؟؟
احسن مكان دوري بالمنتديات اللي فيها يعرضون قطط للبيع تكون مواليد بيوت اهاليها ما يقصرون معاها بالأكل و بالعنايه البيطريه و مدربينها على التراب و تكون ودوده مع الناس ^^
شيكي على منتدى اسمه مزاد الكويت سوي عليه سيرش بقوقل

 

[معالي الملكة]

ماسوينا شي يا الغاليه

وبالنسبه للقطوه ترا بنات وايد هني يعرضون قطاوتهم للتبني خليج اول باول متابعه القسم هذا عشان تشوفين