اسأله عروس الرجاء الاجابه الله يوفق الي ترد

[Lazanya]

بنــــــات انا باقي على عرسي شهرين ..

ابـــــــي اسألكم وارجوكم الي تعرف لاتبخل بليز :yaaaaaarb: الله يوفقها

1- ابي خلطات مظمونه لتبض الوجه والجسم و المناطق الاخرى وخلطات للريول :eh_s(2):

2- اي صالون تنصحوني اروحله عشان العنايه وهالسوالف

3- انا بتفخ ويهي بس مادري شنو بالضبط البوتوكس والكولاجين و النظاره بليز قولو لي شالفرق

و متى اسويه و اي مكـــــــــــــان احسن شي

4-تبييض الاسنان نصيحه منكم وين اسويه ابي اسناني تصير بيض :eh_s(4):

​

​

 

[عيون روحي]

انا عندي لك خلطه رووووعه استخدميها كل يوم او يوم ورا يوم

تبشرين صابونة غار و تحطينها مع ك ماي ورد و تخلينها تذوب لثاني يوم

اخلطي معها فنجان قهوه لكل من ( زيت لوز مر/ جلسرين سايل/ زيت خروع)

علبه كامله فازلين كبير و جليسوليد كبير و جلسرين كبير و ملعقه من الفيكس و م كركم

اخلطيهم كلهم زييييييين بالخلاط الكهربائي و حطيه بعلبه و كل يوم ادهني فيها جسمك و اقعدي كم ساعه او حطيها و نامي

و لما تتغسلي استخدمي السيت تبع الصابون مغربي و بعدها لازم تحطي بيبي اويل وووووو بس خلاص

 

[عيون روحي]

اما بالنسبه لرجولك نفس الخلطه

و زياده عليها استخدمي هالخلطه ككريم يومي
فازلين و جليسوليد و زيت لوز مر اهم شي تلبسين اكياس بعدها شرابات او دلاغات عشان يزيد مفعولها ووو بس لا زم كل يووووم

 

[عيون روحي]

وجهك حسب نوعية بشرتك انتي خبريني نوعها و ابشري

 

[شوفك علاجي]

الخلطه اللي قالت عنها عيون روحي مجربتها اختي تقول حلووه

 

[(توته مربربه)]

بنــــــات انا باقي على عرسي شهرين ..



ابـــــــي اسألكم وارجوكم الي تعرف لاتبخل بليز :yaaaaaarb: الله يوفقها



1- ابي خلطات مظمونه لتبض الوجه والجسم و المناطق الاخرى وخلطات للريول :eh_s(2):
ياحبيتي المنتدى متروس خلطات للوجه وللجسم بس يبي لها استمراروعنايه وتعالي سجلي معانا باي حمله من حملات تفتيح البشره وبالنسبه لخلطات الجسم الي جربتها وحسيت بنتيجه الخلطه الصابونيه لمزيونه وشقره رووووووعه شويه عليهاوخلطة انل والماسكات الطبيعيه وتنظيف البشره
وخلطة شسالفه حلوه بس لازم تتحنطين فيها ساعتين وسوي حمامات مغربيه ومساج بزيت اللوز وزيت الزيتون كل اسبوع ورجولج كل 3 ايام حطيهم بماي دافي وفركيهم عدل ورطبيهم وقبل لاتنامين حطي فيهم فكس وجلسوليد وفازلين



2- اي صالون تنصحوني اروحله عشان العنايه وهالسوالف

مادري انا مب من عندكم ان شاء الله البنات والعنايه تقدرين تعتنين بنفسج بالبيت بس دامج عروس بتحتاجين الصالون

3- انا بتفخ ويهي بس مادري شنو بالضبط البوتوكس والكولاجين و النظاره بليز قولو لي شالفرق



و متى اسويه و اي مكـــــــــــــان احسن شي

البوتوكس مااظن يصلح لج للي عندهم تجاعيد وللاعمار الي من 35 وطالع
وفي بنات من فئات عمريه صغيره يستخدمونه لرفع حواجبهم
الكولاجين ماده للتفخ
النظاره الي سمعته من البنات انها ابر
نصيحتي لج اذا ماتعرفين دكاتره سنعين وشغلهم مضبوط ومتاكده منهم وشايفه تجارب حد عندهم ابتعدي عن طريق الابر وهالسوالف وخلج بالطبيعي والفيتامينات والماسكات احسن لج



4-تبييض الاسنان نصيحه منكم وين اسويه ابي اسناني تصير بيض :eh_s(4):


ماعندي فكره البنات فيهم الخير والبركه

​

ومبرررررررررروك مقدما الله يوفقج :eh_s(7):​

 

[وردة سلفر]

بالنسبة لسؤالج الاول حبيبتي .. دخلي على مواضيعي راح تستفيدين منها واايد ان شاءالله
واهم شي اهمممم شي وعن تجربة ، مافي شي يوحد لون الجسم كثر الحمامات المغربية
فسويلج اشتراك مع صالون وروحي كل اسبوع لمدة شهر وبعدها كل اسبوعين مرة لين
ايي عرسج .

وانصحج بصالون (ليلي فالي) موجود بالقسم موضوع عن صالونها .. ونصحتج فيه لان مسويه
عروض وايد حلوة حق الحمامات المغربية وراح تفيدج وايد عشان توفرين فلوسج ..
يعني عندها عرض( 4 مرات حمام مغربي مع خلطات تفتيح وسنفرة ) ب 15 دينار بس
وتعطيج معاه بعد كوبون اعمال مجانية تختارينها .

عرفتي ؟ يعني تكونين ضامنه اول شهر كل اسبوع مغربي وتدفعين بس 15 مرو وحده بالبداية .. وفي عرض ثاني
(3 حمامات مغربي ب 10 ) .

3- عن كلام دكتور عبد المحسن جعفر بالشعب البحري ( البوتوكس بس للشد وحق الخطوط التعبيرية يعني يحقنها عشان
تروح وسعره ب 120)

والنضارة نصحني يقولي 3 اسابيع وجنج مو مسويه شي يعني بتدفعين فلوس عالفاضي) لاتسوينها .

وفي الكولاجين اهو التفخ الاوفر يمكن ماتعجبج النتيجه .. يعني نفس الممثلات واللي نشوفه هالايام ويع .

واحسسن شي على كلامه (الفلنق) يقول بس يملي ويهج ويخليه متعافي يعني يعطيج خدود لكن جنج متنانه

شوي وويهج في عافية عرفتي ؟ هذا انا انصحج فيه على الاقل تدورين ويهج بس ماتصيرين اوفر وتخرعين

وسعره ب 80 دينار بس للابره الوحده ، واهو يقول ابره كافي عشان لايطلع الشكل مو طبيعي .

وتقدرين تسوينه من الحين عادي لان مدته 6 اشهر او اكثر .


وعن تبييض الاسنان حبيبتي كل العيادات نفس الشي بس طلبي تبييض الزوم .
​

 

[همسة الاحساس]

هذي خلطات للجسم مضمووووونه وجربه

http://www.q8yat.com/t842232.html

 

[nonameq8]

asnan clinic

 

[كسرت غروري]

يالبى بس وردة سلفر ياحبي لك ياورده مع اني لاشفتك ولااعرفك ولا حتى معي مسن خخخخخخخخخ والله اني احبكم كلكم من حملتنا انتشروا ياحليلنا ليت الحمله ترد والله اشتقت لك وردة يالشينه ...اخبارك وكيف الدنيا بك ....
سوري قمت اسولف بس تعقيبا على اختي وردة سلفر وصراحة هي اكثر وحده قالت اللي يبرد الكبد
اول شي خلطة شسالفه مانصحك بها لانو مابتفيدك وتدبق حقة صابون الغار خرطي بخرطي
سوي صابونية مزيونه وشقراء وضيفي عليها صابونة منيرفا الورديه بالصابونيه رووعه الصابونه صراحة فتحت يديني لحالها وبحطها بالصابونيه حقتي بسويها بكره لانو خلصت الاولى ومستحيل استغني عن الصابونيه حتى بشهر العسل حقك سويها وحطيها بعلبه كشخه وحلوه وخليها معك نصيحة اخت
وشعرك لاتهملينه سوي حمامات زيت له وماساكات حلوووه له وزيتيه واهتمي فيه يوميا اول اسبوع وعقب يوم ورا يوم وان شاء الله تلاقين نتيجه حلوه
وايه صح بالنسبه للبشره سوي تقشير كرستالي وارتاااااااااحي وخليه يديك خلطه بالليل وكريمات نهار وتفتيح للكتكوت جيبه من الدكتور افضل عشان زواجك ماقدامك شي وشوفي الخلطات بالمنتدى كثيره وخلطة انل للجسم الكل يمدحها وانا ماجربتها للامانه بس البنيه نصوح وسواسيه ماتحب اللي يضر وبه كورتيييزون يعني ماتخاطر بعمرها خخخخخخخ ليتها تعطيني شوي كل شي اجربه انا اغامر
واييش ايش ايش بعد نسيت والله على العموم الله يوفقك ومبروووووووووووك الف مبروك يابطه
والباقي ماقصرة وردة سلفر قالت لك المفيد
والف الف الف مبروك مقدما الله يوفقك

 

[nonameq8]

ورده سلفر


وييين صاير صالون ليلي فالي ؟؟ اي منطقه ؟ وو عندج رقم تلفونهم ؟؟ و عندهم خلطات حق الشعر ؟؟

 

[كسرت غروري]

ايه ايه صح نسيت اقولك كل يوم اشربي عصير برتقال واكلي فرواله واناناس يحلي الريحه من تحت والطعم"" سوووري على اللفظ ""بس كذا اخصائيه قالته يعني يوميا اشربي 3 اشياء وكثري منهم ومن الفواكه عموما بس 3 ضرووووووري يوميا

 

[• JoJo •]

اب لعيونك

 

[قطورتي]

ما قصروا البنات

الله يوفقك وتصيرين احلى عروس

 

[Lazanya]

مشكــــــــــورات بنات الــــــله يوفقكن دنيا ودين ماقصرتن
الله يحليكم بعيون حبايبكم

كسـرت غروري مالومج بورده سلفر تهبل ردها والله سهل علي وااااااااايد الله يسهل عليكم
:********