انا وحده ما احب الكريمات لانها تطول..ومال ألتزم فيهم
دورت بالنت عن اخف انواع التقشير
وهو تقشير بأحماض الفواكه
وحده من رفيجات اختي مجربته ونصحتني فيه
اول شفته على اختي..نتايجه عجييبه وخلال اسبوع واحد
سويته عند دكتوره نور جيهان في مستشفى دار الشفى
جلسه وحده ب 30 دينار والاستشاره ب 15 دينار
اول ما تحط الماده على ويهج تحسين بحرق خفيف, وعقب تحط مروحه على ويهج
بعدين تحط ماده صفره هم نفس الشي تحرق شوي , وتخلي المروحه على ويهج ربع ساعه
بعدها قالتلي لا تمسحينها اله عقب 6 ساعات ,غسلي ويهج بالماي
و خلاص روحي البيت
قلتلها جذي؟؟
قالت : اي
ما كنت حاطه ببالي واخيت ما قالتلي؟؟ / فغطيت ويهي بشيلتي وسقت لي البيت
وعطتني كريمين..واحد مضاد حيوي ينحط بليل
والثاني مرطب
اول يوم لون ويهي كأني مسويه تان
/ما يبين تقشير
وثاني يوم حسيت الماده لمت ويهي والجلد صار قطعه وحده
ثالث يوم بدا يتقشر عالخفيف
رابع يوم اونس شي, من المرطب اللي احطه على ويهي يومياً,القشور بسرعه تطيح فأستانس لمن اشيلهم اشوف الفرق..شي عجيييب
خامس يوم اغلب الويه تقشر ويبيله ترطيب
النتيجه النهائية ويهي حسيته كأن بشرة ياهل ,من كثر ما استانست عليه سويته مره ثانيه بس عقب 3 شهور جذي
انا ويهي في اثار حبوب ..والتقشير وخرلي ياهم, النتيجه عجبتني وايد من اول مره
يعني 90% للافضل
وكنت ابي يسكر لي المسام,الدكتوره قالت ان يسكر المسام عقب جلستين
بس اشوفه ما يسكر المسام بس يصفي الويه
انصح فيه بصراحه خصوصا بهالجو البارد...لان بالصيف ويهج راح يحرقج اكثر
وعقبه لازم تلتزمين بواقي للشمس , اهو وايد مهم ..بس انا ما التزم فيه لوول
وبس
اتمنى اني فدتج
