@@ اريد السفر الى مــالــيــــزيا @@

[انا دشتيه]

هاي بنات شخباركم​

فكرت اسافر ماليزيا بس ما اعرف ولاشيئ عن

اشلون احجز طائره للسفر وشنو ارخص خطوط ؟
احجز فنادق من مكاتب سفريات والا من الانترنت وشنو احسن المواقع ؟
وين اماكن سياحيه هناك ؟ وهل اكلهم اسلام ؟

اللي سافرت ممكن تكتب لي عن رحلتها بالتفاصيل لان احب ان اسافر مع
زوجي (مايعرف شيئ) و ولدين والخدامه
راح انطر الرد والاسرع دزولي ع الايميل [email protected]
اريد السفر عن قريب

 

[شباصه ريش]

هلا والله حبيبتي
السفر يبيله تخطيط وتجهيز وتجميع معلومات خاصه وانتي معاج اطغال
دشي موقع العرب المسافرون قسم ماليزيا وجمعي معلومات
اما بالنسبه للحجوزات احسن تحجزين بالنت لان المكاتب غاليه
في موقع اسمه حجوزات وايد حلو
ماليزيا فيها جزر انتي ناويه تروحين للجزر والا بس كوالا

 

[انا دشتيه]

تصدقين انا اول مره بزور هالمنطقه

اللي ابيه اسماء مناطق واسماء ارخض الفنادق فيها

 

[ام بشه]

هلا حبيبتي في موقع دليل ماليزي يعطيج فكر بسيطه عنها او عن الفنادق بس تبين مناطق بارده ولا الجزر

 

[وردة نقية]

هلا اختي اذا تبين كل شئ عليج بمنتدى العرب المسافرون

انا استفدت منه واااااااايد برحلتي لماليزيا

واذا تبين اي استفسار انا حاضرة

 

[مدرسه دايخه]

حبيبتي انا رحت على الخطوط السيرلانكية
رخيص و كويس بس الركاب اللي معاج لازم يشربون كحول لان المضيفات يعطونهم
اذا تبين حجز الفندق اختاري فندق بشارع العرب ( بوكيت بينتانج) كل الاسوقة و المولات حواليه و تطلعين من مجمع تدشين اللي يمه
اذا على المناطق الجبلية عندج منتجع جنتنغ فوق الجبل عبارة عن فنادق اختاري اللي يناسبج منها لاأنها نفس الشي انا كنت بفندق فيرست وورلد
بس الله يعينج على اليوع اكلهم هناك يلوع الجبد
واذا عندج حبيبتي اي استفسار انا حاضرة و بالشوفة

 

[ليش لا !!!]

اختي روحي قروبات احسن لج

يوفرون لج جدول يومين واسبوعي للرحله كلها

وحتى الفنادق يحجزون لج

انا رحت السنه الي طافت مع سفريات الديوان

 

[جاردينيا_2000]

والله انا تعبت من النت ..علشان انا ابي اسويت فيه غرفتين او فله ..كل المواقع عندها غرف ..ونادر ماالقى فلل اواسويتات ..واذا لقيت نار
وبعد 3 اسابيع اخرتها حجزت بس فندق في لانقاوي من يومين الى الحين ما يا الاوكيه ورحت حجز بالسفريات وخلصت في يوم ..والاسعار معقوله

 

[أم عبد الله]

والله حبيبتي عن نفسي مانقعد الا في منتجع سن وي لاغون فيه فندق 4 نجوم وفندق 5 نجوم وانت لازقة بالسوق وفيه 5 مدن العاب للاطفال زوجي مايرضى يروح غيره لانه عنده هذا احسن مكان في ماليزيا كلها لتوفر كل شئ فيها والطيرا يا الاماراتية او القطرية والاثنين روعة وبخصوص الاسعار ما ادري والله والمكان اللي بو 4 نجوم كله عرب وكويتيين واهل الخليج
والاكل حلال والمكان اللي مو حلال المطعم يقولك ترى اكلنا مو حلال وانا صارلي 3 سنوات اروح لها وايد حلوة وكل بنفس المكان نسكن
يارب اكون افدتك لو بالقليل

 

[ام عهوده]

اختي زين سويتي اخترتي ماليزيا لانها حلوة وهاديه وطبيعة والعاب لليهال شوفي عندج الخطوط الكويتية او الماليزية انا سافرت على الماليزية حلوة وخوش خدمات وعنج فندق (تايمز سكوير ) أو ( مندرين اورينتال ) وعلى طاري الاماكن السياحية دشي على هالموقع وتعرفين كل المطاعم والاماكن http://www.daleel-malaysia.com/ وترى في جنسيات من الخدم يبيلهم ...فيزا ... على شان ما تتوهقين وحجزي من السفريات لان ماليزيا صعب الحجز عن طريق الانترنت والموقع اللي كتبته فيه كل الاماكن الترفيهيه واللي تونس حيل وانا انصحج بتايمز سكوير لان اهو فندق وففي باب يوديج للمول تايمز سكوير فيه سوق وفوق فيه العاب وترى اهي تستاهل اكثر شي تقعدين فيها اسبوعين بس راح تستانسين انشاء الله