ارشدوووني شنو الحل بأمي :(

[هاناا]

حاولي معاها الى ان ترضى

و كلميها انج مرتاحة له و انج كبرتي

و هالكلام


بس ما ينفع تتزوجين بدون رضا امج


رضا الام مهم عشان تتوفقين بحياتج

 

[الأوركيد]

الله يكتبلج الخير ويبعد عنج الشر انا براي كلمي امج منها لها وقولي لها موخاطرج تشوفين عيالي وكلميها بكل هدووء وبيني لها انه موافقتها شي مهم وماراح يمشي شي من غير رضاها قوليلها انا ادري انج خايفة علي بس هذي الحياااه ياحبيبتي امج عانت وااايد الله ياااجرها عشان جذي صارت جذي وانتي ماتبين قلبها يغضب عليج قوليلها استخيري يما معاي وقريلي البقرة اخذيها بلين قوليلها بخاطري البس ابيض يما ترى ابي عرس وشرايج نغير الستاير حق الملجة واقولج يمة ترى بلبس نفنوف الملجه اسود( بس جذي عشان تضحك ) وابي البوفيه من السفير تراني وحيدتج وابيج دلعيني يمكن لما اتشوفج اتحلمين ترضي لاتاخذينها بتحدي قلب الام يحن بسرررعة

 

[الأوركيد]

ولاتزعلين تاكدي الله مايكتب الا الخير لعبدة وووعززميني واذا تبين شي انا حاضر وان شاء الله بعد جم تبشريناا

 

[الغاليه نونو]

شوفي يمه رضا الله من رضا الوالدين
قعدي مع اميمتج وحاولي معاها بالطيب لانها ماخذه موقف من مرت اخوج وياعالم شاللي يجوس بقلبها المسكينه
وانتي تكلمين اميمتج مسكي ايدها وشوي بوسيها وتالي بوسي راسها وقوليلها يمه هذا حقي الشرعي لا تحرميني منه وانا بنتج وماطلع من شورج ابي رضاج علي علشان ربي يوفقني يمه شوفي فلانه عرست وعندها عيال وعلانه عرست واهيا اصغر مني انا اشذنبي صرت بهالعمر وياني نصيبي بتوقفين بويهي حتي ربي مايرضاها لج وبالكلام الحلو اللسان الطيب بتوافق صدقيني انا أم واعرف نتايج كلامي معاج ولا تنسين تبينين لها محاسن مرت اخوج وطيبتها معاكم وفهميها موضوع زواجج ماله علاقه بمرت اخوج لا من قريب ولا من بعيد ولوهي قشره جان قالت بالطقاق شكو ادور حق حماتي ريل خليها قاعده علي جبد اميمتها

وبالطيب واللين كل شي يستوي زين يمه

 

[pure.soul]

كثري من الدعاء حبيبتي و ان شا الله امج بتوافق

 

[كويتيه مذهله 87]

حبيبتي انتي ايل كلميها يمكن شوي تحس قوليلها يما ان موصغيره وماتبين تشوفيني عروس قوليلها انا شاريته والريال اخلاق مالنا شغل بمرت اخوي

 

[كيكه توفي]

الله يهديها وتوافق .. والله يكتب لج اللي فيه الخير