ارخص جمعية حق ماجلة البيت الجيش ولا الشرطة ولا الحرس الوطني

[أماني الحلوة]

اي وهم سر خطير ثاني بقوله لكم ترا الخضره والفواكه بالجبره بالشويخ يوم الأثنيييين جبره رقم 4 البيع فيها بسعر التكلفه وربي هو نفسه بالجمعيات سعر الخضره دبلاااات يقصون عليها هالوافدين تعالو يوم الاثنين وجيلووو حق فريج كامل بعشر دنانير بس

والله خوش خبر

 

[الدلوعه2008]

أنا مع الاخت مدمنه أوريو.

نفس مكان للي نشتري منهم

 

[ام شريفه]

كارفور غااااااااليه حدها آخر مره شريت نص أغراضنا طلع علينا 85 دينار!!! أوووله ليش

شكلي بروح الميره ولا سوق لندن

 

[..نـــهـاونــد..]

والله كل مكاان غالي حبيبتي مايندرى وين الرخييص ,,

 

[غلاي غير]

استفدنا منكم
مشمورين بنات

 

[خبيرة اعشاب]

الشرق الاوسط فعلا اسعاره زينة و رخيص بس و الله مكانه داعووس و الممرات ضيجة .. يضيق خلقي لا دشيته صراحة

اتسوق عادة الماجلة الاساسية من الجيش يعني الشغلات الاساسية ( بدون عصاير - شامبو - بسكوت - كيك - خرابيط ) يطلع علي مبلغ معقول

الشغلات الثانية اشتريها من كارفور مع انه غالي بس احب اتمشى فيه و يعجبني ترتيبهم بالثلاجة و تنوع المنتجات
لولو هايبر ماركت امره مرات ... اشتري منه بقسم المواعين فووق الاغراض البلاستيك تجنن ... و بالسوبر ماركت عندهم شغلات ما تحصلينها باي مكان ... حتى بمركز سلطان ...

و رامز اسعار المنظفات فيه نفس الجيش بس مشكلتي لا دشيته لازم اطلع ب 30 او 40 دينار .. لان لازم اشتري مواعين و خرابيط ثانية


و الخضرة كل شي فيه ... انا خدامتي تنهبل لا وديتها ههههه

 

[مجرووحه وأكابر]

مرحبا بنات بصراحه انا جربت جمعية العارضيه حيل رخيصه وفيها عروض حلوه
أحنا 6 أطلع منها شاريه كل شي حتى المنظفات ب70 دينار من غير الخضره اجيبها من جبرة الخضره ألي بالشويخ

 

[بنت الكويت العسل]

فووووووووووووووووووق

 

[قوس المطر]

انا راي انه كل الجمعيات سواء الشرطه او الجيش او الحرس او رامز
يمكن ارخص من الجمعيات اللي بالمنطقة بس ....

اذا كنتي مساهمه بالجمعيه تييلج ارباح حلو يعني نفس الشي على الاقل الجمعيه اقرب


هذا رايي و تقبلو مروري

​

 

[الارستقراطيه $]

انا عندى جمعيه الجيش ارخص شى

 

[بريسم]

المنظفات من الشويخ سوق الجمله اللى يم لفة محلات التمور قبال رامز

تخيلوا صابون ملابس 25 كيلو بخمس دنانير بس( صناعة سعودية )اللى بالجمعيات الكيلوين ب 3 دنانير

و سائل غسيل الملابس بنص

و كومفرت نوعية زينه حجم كبير ب 1 دينار

و اسفنج المواعين هم رخيص نسيت بكم خذيته

و هم رامز خذيت منه سائل المواعين 6 حبات ب دينار و ميتين يعنى الحبة ب 200 فلس و نوعيته حلوه

و عندهم صابون اليدين حجم كبير هم رخيص مع ان نوعيته مقبوله

و بالنسبة لأغراض الثلاجة جمعية الجيش رخيصه

 

[زمان النور]

الشرطه

 

[بنت الكويت العسل]

جلف مارت بس استحملوا ريحة الهنود تلقونه بشويخ

 

[um 3li]

احنا نروح جمعية الحرس لأن ريلي يشتغل بالحرس وعنده خصم 10 %

والصراحه فرق علينا السعر حييييييييييييييييييييييل

 

[حورية البحر 1]

لا تروحين الجمعيات روحي كارفور أرخص شيء بصراحة وأنا ماجلتي كله من كارفور

 

[hnooy]

المنظفات من رامز يسوون عروض وايد ارخص من الجمعية والماجلة اخذها من جمعية الشرطة بس هالمرة بجرب الحرس يقولون ارخص

 

[memy-08]

جمعيه الحرس اسعارها مناسبه

 

[أط أط]

السلام عليكم ورحمة الله وبركاته ..

بالنسبة لي أشوف الميرة وسلطان سنتر غاليين شوي ..

جربت جمعية الشرطة ما حبيتها كلش ومو كل أغراضج تلاقينها فيها ..

أحنا شخصين .. أجيل البيت كل شهرين بــ 90 دينار .. من جمعية الدفاع وايد أسعارها حلوة .. والخضرة والفواكة بــ 30 ..

يعني 120 د.ك كل شهرين ..

أستغرب منج 100 د.ك شهرياً وايد ..

 

[Brounzi_girlly]

أنا اجيل من الشرطة والحرس صج رخيصة
مع التحية.......

 

[ايام وحنين]

الميره مافي ارخص منه