ارجو مساعد شنو حل الامساك

[رمانة الكويت]

يمكن ولدج رضعته تكون متقطعه وهالشي اهو اللي ايب له امساك

جربي اتجوعينه شوي وتعطينه رضعه كاملة مرة وحدة وراح يمشي بطنه

سيميلاك ونان واس 26 كلهم مجربتهم على عيالي كلهم نفس الشي اللهم فرق بسيط ..

 

[Neuschwanstein]

انا بنتي من ولدتها واهي تعاني من الامساك واهي الحين عمرها ٤ شهور
المهم اول شي وديه الطبيب خل يفحصونه عدل عشان تتأكدين ان سبب الامساك مو عضوي
واهتمي بتغذيته عطيه اشياء تكون غنية بالالياف وتلين البطن
وحرام لا تنطرين عليه وايد جذي لانه راح يتألم واذا خروجه وانتي بكرامه كان وايد يابس ممكن يجرحه او يسبب له شرخ
وقت اللي تحسينه يبي يخرج دهني فتحة الشرج بزيت زيتون او الافضل فازلين عشان تسهلين عليه الموضوع
وتقدرين تحطينله التحاميل اذا طول جم يوم او تعطينه شراب ملين لمدة اسبوع مثلا وتريحينه اسبوع

جربتي ابتاميل كمفورت؟

ما تشوفون شر يارب

حاسه بمعاناتج

الله يعينج

 

[miss swan]

والله ولد اختي ما جاه الامساك الا من السميلاك
وانا اعطيته ولدي فتره بس جاب له اسهال والدكتور قال غريبه سميلاك يجيب امساك مو اسهال
ابتاميل كويس
اعصريله عصير برتقال وخففيه بالمويه وجربي لو مانفع يمكن لازم يشوفه دكتور

صاجه
هذي مندوبة سيميلاك مومسئولة الحليب جذابه
وييع شسوى في بنتي عفسها فوق حدر
امساك وبجي واللي صج يلوع الجبد غاااازات واصوات
شي مأساوي الصراحه
اخذي بيبي لاك او ابتاميل((( كومفورت1))
موالعادي والافضل تستشيرين الطبيب
​

 

[بـ سـ كـ وتـ ة]

الأراصيا عبارة عن كوجا مجففة تحصلينها أعتقد بقسم المكسرات هذا شكلها

وإذا ما عرفتيها روحي الرفاعي عندهم اهي أصلا اسمها قراصيا بس نطقها أراصيا

قصي حبة وحدة ونقعيها وبعدين صفي الماي

والله يكون بعونكم ان شالله

 

[قانونية]

صارت معاي وولدي فتحت الشرج كان تطلع منها دم من كثر التعصر

نصيييحه وحده روحي حق الدكتور مصدق هواش بدار الشفا

والله والله راح تدعين لي انا متاكده من هالشي

 

[قانونية]

لا تخلين ولدج حقل تجارب روحي لمصدق وامانه عليج ان رحتي رديلي خبر عالخاص

 

[شهدالعسل]

مشكوره حياتي والله يا عمري الحين 3 ايام شوفان على الريوق و امس حطيت تحميله جيلسيرين و على طول اوكي بس المشكله الخروج يابس و دايما تسوي له جرح و الحين هم راح اعطي حبه عشان تسوي و ترتاح بطنه
انا وديت ولدي دار الشفا بس نسيت اسم الدكتور بس ما جاب نتيجه و فحص المقعد قال طبيعي بس الحليب دايما في نسبه عاليه من الحديد و طبيعي تسوي امساك

 

[Ice Princess]

بالضبط نفس حالتي شهد
الله يشافي عيالنا >_<

 

[Neuschwanstein]

غيري الحليب عيل انا بنتي الخروج اليابس كان يجرحها مسكينه ويطلع منها دم
كانت عالسيميلاك وتأذت حيل من الغازات وحولتها على نان مع ان الكل مدحه لي بس سوا خروجها وايد يابس
اخر شي استقرينا على ابتاميل كوفمورت
ومع هذا لما تتعسر واحسها تبي تخرج ومو قادره اساعدها وادهنها بفازلين
وشوي شوي دخليله الاكل مو مره وحده وشوفي شنو افضل الاكلات اللي تساعد بتليين البطن وسوي اكله بنفسج لا تاخذين جاهز
ما تشوفون شر يارب

 

[شهدالعسل]

ووووايد ناس مدحوني سيمسلاك الي جديد الي يريح البطن انا الحين ابتاميل العادي مو كومفورت
امس شريت عسل عويد يقول وووايد زين خاص لعمر اقل من سنه و حطيبت بالماي و شربته و اشوف والله قاعد اسوي فيه ولد تجارب انا تعبت والله اشوفه تبكي جدامي و ما اقدر اسوي شي
بس تبي تسوي خروج انومه على الارض و ارفع ريولها و اساعدها عشان اسهل عليه
الي لقت حل لا تبخل علينا يا بنات