ارجو مساعد شنو حل الامساك

[شهدالعسل]

مرحبا يا بنات
انا ولدي عمره 8 اشهر وعنده مشكله امساك كل 3-4 ايام و بلغصب يسوي خروج و طبعا وقتها يبجي و صراخ على ما يسويها
ابي اعرف شو الحل ؟؟؟؟؟
اهو يشرب ماي و عصاير و نوع الحليب الي استخدمه ابتاميل ( من 6-12 ) ( ماركه ميلوبا )
امس بالجمعيه مسئوله قسم حليب قالت لي اخذي سميلاك و شوفي راح يتغير الي احسن وووايد لانه كل انواع الحليب في زيت نخل الا حليب سميلاك

نوع الحليب سميلاك الي خاص للهضم المريح و غازات و امساك

ارجوكم الي كانت صاير وياه نفس مشكلتي و عنده حل لا تبخلون علي
؟؟؟؟

 

[فتون777]

والله ولد اختي ما جاه الامساك الا من السميلاك
وانا اعطيته ولدي فتره بس جاب له اسهال والدكتور قال غريبه سميلاك يجيب امساك مو اسهال
ابتاميل كويس
اعصريله عصير برتقال وخففيه بالمويه وجربي لو مانفع يمكن لازم يشوفه دكتور

 

[TeKaNa_Girl]

حياتي نفس بنتي وماتخرج الا بتحاميل
لدرجه يطلع مع خروجها عزكم الله دم
اليوم بوديها الطبيب وبشوف شيقول لها

 

[شهدالعسل]

انا والله عصير برتقال مانجا زيت زيتون ما في شي ما جربت
شكلي راح اخذه طبيب
بلغوني شنو يصير وياكم

 

[@ام يوسف@]

ااب

 

[شهدالعسل]

والله وديته طبيب بس ماكو فايده غيرت حليب لمده اسبوع الي خاص للامساك ماكو فايده الحين 5 ايام شكلي راح اعطيه تحميله اليوم عشان يشتغل بطنه

الي تعرف حلول لا تبخل علينا

 

[AVE.NJ]

نفسي بس انه بالعصير برتقال ينزل بطنه

 

[sa.rona]

شوفي حياتي انا كنت استخدم نان وبعد جم شهر جاله امساك وكانت امي تسويه ماي دافي وحبتين سكر نبات لين يذوب ويشربه وهذي حاالتي كل شهر امساك وكنت اراجع بالحكومه والخاص وتم عمر ولدي ٧ او ٨ شهور وقال لي الدكتور غيري الحليب وقال لي استخدمي سميلاك غين ومن استخدمته الحمدلله ماجاله امساك
اولا سوي الماي الدافي والسكر نبات وراح يحسن واذا رحع له الامساك غيري الحليب
وثانيا مايشوف شر ولدج ان شاءالله*

 

[ام دانة الفواز]

اعطيه رضعة منقوع تمر معبوط واذا عندك لب الخرنوب ينظف البطن وممتااااز تقدرين تكتبين اسمه بقوقل ويعطيك فوائدة انا لبنتي ما استغني عنه اذا جاها امساك .

 

[شهدالعسل]

مشكورين يا بنات
انا جربت برتقال كلش ما فاد وياي
و النبات ما جربته راح اجرب اليوم و شكلي بغير الحليب اشوف سيملاك
راح اسوي سيرج حق خرنوب اشوف موضوعه

والله امس تعب ولدي حطيت له تحميل كانت بطنه يابس و سوي خروج بس انجرح من المقعد مسكين كان كله دم والله حياتي ما ادري اشلون اساعده

 

[ام فويزان]

هلا عمري انه نفس حالتج بنتي من عمرها شهرين واهيا امساك مزمن والحين عمرها اسمله عليها 8 شهور مرات كنت احتاج استعمل لها حقنه شرجيه من قوة الامساك وشلون ينتفخ بطنها
الدكاتره يعطونج حل مؤقت وكلهم قالو لي نفس الكلمه الحل بنوعية الاكل يعني كل شي يمسك الطن يعدي عنه كلششششش
عطيه برتقال مع ماي دافي وشكر
عطيه تمر
نقعيله توست اسمر بشوربه وعطي وعلا طول عطي خضار والياف وشوفان

 

[Ice Princess]

انا بنتي من عمر 6 اشهر وللحين امساك عمرها سنه

اروح عند الدكتور يقولي غيري الحليب ونغير ونفس الشي

اعطيها كل يوم منقوع تمر وبرتقال وعنب وكل اللي يمشي بطنها

وماكو فايده حتى التحاميل ودوى جربت علشان ترتاح وهذي انا وبنتي ما ادري شسوي >_<

اللي ودها تكسب اجر .... تفيدنا والله يعطيها العافيه

 

[جديده 1]

سمعت بأن الماي الدافي و سكر نبات زين للبطن .. و اللي ولدها فيه امساك دائماً ادهنوا مكان الخروج عشان مايتجرح

 

[أم حورية]

ولدج ماشالله عليه كبير يعني علاجه مو بس تغيير الحليب ،، اهو الحليب اساسا يسوي امساك بس دام طاف 6 شهوور ضروري تدخليله الاكل اللي يمشي البطن لام لو معتمد عالحليب ماراح يسوي شي

الصراحة انا عيالي جريب السنة اقطع عنهم حليب الاطفال واعطيهم الحليب السائل العادي بس بشرط لازم تنويع بالاكل لان السائل مو مدعم بالفيتامينات نفس حليب الاطفال ووواييد ارتحت من هالطريقة ماكو غازات يعني في بس مو وايد نفس قبل والبطن ماشي تمااام وعلى فكرة سألت فيها دكتور تغذية وقال عادي اعطيهم حليب سائل

وضروري توخرين عنه كل شي يسبب امساك وعلى طول عطيه ماي تمر وعصير برتقال ومو الا تخففينه لانه ولدج كبير ما يحتاج تخفيف وعطيه الفاكهة اللي تمشي البطن مثل العنب >>>>ترى عجيييب حق الامساك ومشمش ورقي وخوخ بس التفاح لا تعطينه اياه لان ولدج راح ياكله من غير قشور فراح يسبب امساك >>>هالمعلومة سامعتها بس مادري اذا صج او لأ بس احتياط لا تعطينه
ولما تعطينه عيش ضروري مع المرق او الدقوس لان له دور

وانا اقول الاحسن بدال العيش تعطينه خبز اسمر او ايراني مع المرق لان فيه نخالة وراح يمشيله بطنه

وهذا اللي ييه على بالي ان شالله اكون فدتج*

 

[أم حورية]

نسيت اقولج خلي الادوية اخر حل يعني دشي النت وشوفي شنو اللي يمشي البطن وغيري اكله جم يوم اذا مافاد تالي عطيه ادوية لان حرام خوفج يتعود عالدوا وتالي مافيه شي ينفعه غير الدوا

 

[دنيا جديدة]

مشكورين يا بنات
انا جربت برتقال كلش ما فاد وياي
و النبات ما جربته راح اجرب اليوم و شكلي بغير الحليب اشوف سيملاك
راح اسوي سيرج حق خرنوب اشوف موضوعه

والله امس تعب ولدي حطيت له تحميل كانت بطنه يابس و سوي خروج بس انجرح من المقعد مسكين كان كله دم والله حياتي ما ادري اشلون اساعده

شوفي اخذي عود اذان وحطي فية زيت زيتون وساعية وهو يسويها
والشي الثتني الحبة السودا تعبطينها مع تمرة واكلية كلش زين حق الا مساك
والله يكون بعونج

 

[بـ سـ كـ وتـ ة]

البنات قالوا أغلب الأشياء اللي في بالي بس هم بعد جربي منقوع الأراصيا وااااايد مفيد والدكاترة ينصحون فيه دايما

ولا تنسين تدعين له من كل قلبج وطلعي عنه صدقات

والله يشافي لج وليدج ويحفظ لنا عيالنا يا رب ويفرحنا فيهم

 

[شهدالعسل]

مشكورين والله يا بنات على ردودك الحلوه و الي يدعمني معنوينا و نفسيا

من اليوم وقفت سيريلاك و سويت له صبح حليب مع شكر و شوفان وكانت طعمه حلو طبخته و وكلته يقولون ووووايد زين كله الياف و الحين نفس ماقالت الاخت بدهن المخرج و اشوف شنو راح يصير
اي نوع تمر ممكن استعمله و كل جم يوم استعمل منقوع التمر سمعت انه وووووايد زين

الحين صار له 2 يوم انا نفسيتي تعب منه ما احب اشوف يتعذب

 

[شهدالعسل]

حبوبه شنو منقوع الأراصيا ممكن اعرف
و اشلون طريقته ؟؟؟

 

[أم حورية]

عادي حبيبتي اخذي اي نوع من التمر ، في بالجمعيات انواع وايدة

وزين انج عطيتي الشوفان لان غني بالالياف وحاولي تعطينه الاكل اللي فيه الياف

والله يشفيه يارب