ارجو المساعده ضروري :(

[الدكتوره2009]

السلام عليكم ورحمة الله وبركاته.......
اشلونكم وشخباركم...عساكم بخير......
انجدوني..ساعدوني...اغيثوني......مالي غيركم ياكويتيات يابنات ديرتي:0bee2e8d89:
بصراحه اعصابي انهارت مو عارفه مصيري وشنو اسوي :krkrkr:
انا تخرجت من الثانويه السنه هاذي 2009 ومادخلت الجامعه ليلحين والسبه اني سقطت بامتحان القدرات شهر 7 اللي طاف وبقدم لامتحان القدرات شهر 12 هذا ومتأكده اني بسقط بعد او ما اجيب نسبه عاليه وبينزل معدلي الثانويه وانا ناويه ادش طب وبس سؤالي هو هل ممكن يقبلوني بالطب وانا ساقطه بالقدرات او ماجبت نسبه عاليه واخذ تمهيدي بداله؟؟ لاعت جبدي من القدرات ومالي نفس ادرس شيء قديم ودي ادش مجالي على طول وادرس شيء جديد:0bee2e8d89:مادري اشحقه قدرات يعني احنا نشد حيلنا بالثانويه ونجيب نسبه واخرتها يجيبولنا شيء ينزل معدلنا المهم قولولي شسوي يالغاليات مافي اي طريقه انا ناطركم:eh_s(1):

​

 

[غنوة ستايل]

والله ما عندي فكرة ان شاء الله البنات يسااعدونج ياقلبي

 

[مليـون خآطر]

هلا اختي,,

انا اقول لو تاخذين قدرات وتسجلين بالدورة اللي يسوونها اتوقع بتستفيدين حيييل

بعدين انتي ليش محبطه عمرج حيل وانج بتسقطين ؟؟ بالعكس القدرات بالنسبه لي سهل

انتي جم نسبتج بالثانوية العامة ؟؟ لأنه اعتقد اذا نسبتج تأهلج تدخلين طب مافي مجال انج تخافين من القدرات صح ؟؟

وعلى خبري مركز العلوم الطبيه يعتمد في قبوله على المعدل المكافئ اللي اهو نسبة الثانوية العامة وو القدرات مع بعض

وهم في شغله القبول بالطب سنوي لأنه نظام الدراسه فيه اصلا سنوي معناتها اذا حابه جدامج لي الحين 3 امتحانات قدرات تقدرين تاخذينهم شهر 12 وشهر 4 وشهر سبعه وقبل كل امتحان يسوون دورات بالكيميا والرياضيات مدة كل وحده 4 ايام

والانجليزي بعد جنه مو متأكده

وموفقه :>

 

[الدكتوره2009]

هلا اختي,,

انا اقول لو تاخذين قدرات وتسجلين بالدورة اللي يسوونها اتوقع بتستفيدين حيييل

بعدين انتي ليش محبطه عمرج حيل وانج بتسقطين ؟؟ بالعكس القدرات بالنسبه لي سهل

انتي جم نسبتج بالثانوية العامة ؟؟ لأنه اعتقد اذا نسبتج تأهلج تدخلين طب مافي مجال انج تخافين من القدرات صح ؟؟

وعلى خبري مركز العلوم الطبيه يعتمد في قبوله على المعدل المكافئ اللي اهو نسبة الثانوية العامة وو القدرات مع بعض

وهم في شغله القبول بالطب سنوي لأنه نظام الدراسه فيه اصلا سنوي معناتها اذا حابه جدامج لي الحين 3 امتحانات قدرات تقدرين تاخذينهم شهر 12 وشهر 4 وشهر سبعه وقبل كل امتحان يسوون دورات بالكيميا والرياضيات مدة كل وحده 4 ايام

والانجليزي بعد جنه مو متأكده

وموفقه :>

اشكرج حبيبتي على افادتج ماقصرتي...بس ممكن اتوضحيلي شنو يعني نظام الدراسه بالطب سنوي؟؟؟
واناادري ان بأمكاني اقدم 3 اختبارات بس بغيت اسألج لو اتأخر سنه على التسجيل بالجامعه يعني لو اسجل السنه الجايه للجامعه عادي واشكثر صلاحية شهادتي كم سنه يعني انا سمعت ان مدة الشهادة سنتين بس ولاطافت هالسنتين وبروح اسجل للجامعه مايقبلوني لازم اعيد الثانويه بصراحه حاطه ايدي على قلبي ومابي يروح تعبي؟؟نفسيتي صفر :0bee2e8d89: واسفه طولت عليج تحمليني اشوي

 

[حجيه هيونه]

حبيبتي

هذا رقم معهد يسوي دورات خاصه حق امتحان القدرات

دقي عليه وأسألي يمكن يفيدج سبحان الله
اعرف بنات سجلوا عنده ونجحوا ماشالله


99331148

 

[الدكتوره2009]

حبيبتي

هذا رقم معهد يسوي دورات خاصه حق امتحان القدرات

دقي عليه وأسألي يمكن يفيدج سبحان الله
اعرف بنات سجلوا عنده ونجحوا ماشالله


99331148[/quote
الله يجزاج خير ماقصرتي

 

[الدكتوره2009]

عفيه بنات قولولي متى تنتهي صلاحية شهادتي الثانويه؟؟؟كم سنه يعني؟؟

 

[الوفا عنواني]

شهادة الثانويه مدتها سنتين

 

[الدكتوره2009]

شهادة الثانويه مدتها سنتين

طبعا قصدج بالنسبه للتقديم للجامعه صح؟؟:0bee2e8d89:

 

[الوفا عنواني]

لا صلاحية الشهادة

 

[الدكتوره2009]

انا اخوي شهادته صارلها 4 سنين وتوه يدخل التكنلوجيا

 

[الدكتوره2009]

انزين لو فرضا دخلت الجامعه واقبلوني وعقب بوقف قيدي سنه يصير ولا مايرضون ارجع ادرس عقب السنه؟؟؟

 

[الدكتوره2009]

عندي سؤال ثاني ارجو انكم تجاوبوني ؟؟؟
اذا انا سجلت بكليه بالجامعه وانقبلت يصير بعد فتره اسجل بكليه ثانيه واطلع من الكليه اللي انا انقبلت فيها اول شيء؟؟؟ يعني اذا دخلت بكليه مافيها معدل مكافيء مثل التربيه مثلا وعقب امتحنت القدرات وصار عندي معدل مكافيء واسجل بكليه تعتمد على المعدل المكافيء؟؟؟يصير ولا مستحيييييييل نوروني الله ينور حياتكم؟؟؟

 

[الدكتوره2009]

ليش محد يرد علي

 

[الورده الناعمه]

اذا انقبلتي و داومتي بجامعه الكويت تقدرين تحولين حق الكليه الي تبينها
ما تسحبين اوراقج وادشين مره ثانيه ما يصير لانج داومتي واجتزتي وحدات
وبالنسبه حق صلاحيه الشهاده مدتها سنتين حق الجامعه
وسنتين حق التطبيقي بالنسب المتعارفه ، واكثر من سنتين ما تقبل الا من 80 وفوق تعتبر من الشهادات القديمه

 

[الدكتوره2009]

يعني ممكن لو ادش تربيه شهر 1 هذا الجاي عشان ماتروح علي شهادتي وتصير قديمه والسنه الجايه احول طب عادي يحولوني ولا مايحولوني يصعبونها؟؟؟ انا نسبتي عاليه بس القدرات نزلها

 

[الدكتوره2009]

ارجوكم مافي احد يرد على كل استفساراتي

 

[الورده الناعمه]

حبيبتي انتي توج متخرجه يعني بعد سنه ونص يلا تصير شهادتج قديمه
عندج اكثر من فرصه بحيث انج تقدمين قدرات ..
وبعدين ليش ادشين تربيه ؟
دشي طب مساعد على الاقل شي مشترك بين الطب عشان لو فيه مواد مشتركه ما تضيع عليج وفرصتج بالتحويل تكون اكبـر >> وهم سالي فيها تاكدي
لان الي متاكده منه تحويل من طب ليه اي كليه ثانيه يصير ، بس من كليه ثانيه ليه طب يبلها سؤال لاتها شي تحديد مصيري عشان اذا ما يصير تقدمين قدرات اكثر من مره ليه السنه اليايه وتشوفين وين الله كاتب لج بالقبول
وعلى فكره الطب والحقوق شروطهم استثنائيـة ماتقدرين تحولين كورس ثاني .. لان نظامها سنوي
وروحي التسجيل بشويخ سالي بسالفه التحويل من تربيه ليه طب وتاكدي لا ادشين مكان وتتحسفين
لان مواد الطب استثنائية حتى انقليزي الطب مو نفس باجي الكليات يعني مادري اذا فيه مواد مشتركه تقدرين تاخذينها ولا لا

وشدي حيلج بالقدرات ودشي دورات الجامعه ومعاهد ثانيـه ،، انتي حاليا ما عندج شي ،، حطي كل همج بالدراسه حق القدرات لمن اتيبين درجه زينه
وبعدين دام نسبتج زينه بالثنويه كلش مو صعبه عليج انشالله حق القدرات
لان الطب حيل يحتاج مستوى قوي كتقديم قدرات عشان تقايشين وياهم
والله يوفقج انشالله يارب

 

[مليـون خآطر]

هلا خيتوو

لو تسجلين بدورات الجامعه اعتقد افضل من الدورات الخاصه بس جربي الاثنين وشوفي اللي يناسبج اكثرر

ومثل ماقالوا صلاحية الشهادة للجامعة سنتين

والتحويل للطب تقدرين من العلوم او الطب المساعد ومادري اذا فيه بعد كليات تحولين منها على الطب

بس على فكره التحويل صعب جدا لأنه ياخذون اعلى معدلات من الطلبة اللي بيحولون من كل كلية اعتقد طالب او طالبين بس

فاحسن لج تاخذين القدرات وتقدمين على الطب

والاحسن الاحسن الاحسن انج تروحين عمادة القبول والتسجيل بالشويخ وسألي واستفسري على رااااحتج

وموووووووفقه خيتوو

 

[م.كنتوسه]

اختي اسألتج خطيره احسن حل تروحين العماده و القبول بالشويخ و تسألين اسألتج الخطيره :d