ارجو الرد من المجربات والمتخصصات في التربيه ..

[الشمـــوووخ]

السلام عليكم ورحمة الله

راح ادخل بالموضوع على طول عشان ما اطول عليكم انا عندي ولد وبنت
الولد 5سنين والبنت 3سنين
لاحظة عليهم نوع من اللعب اللي ما اعجبني
مثلا بنتي تمسك ولدي من عضوه التناسلي اذا لعبت معاه او تخانقوا او اذا كان يبي يدخل الحمام:cxxxp:
وهو يلاعبها يدغدغها من عضوها التناسلي ومن ورا ما بين اوراكها :eh_s(14):
وبعض المرات اشوف ولدي يفصخ سرواله ويقعد يلعب مع اخته :eh_s(14):


ياليت تدلوني على الحل بليييييييييييييييييز
انا كل ما اشوف هالموقف يجن جنوني واقعد اضرب فيهم بدون شعور لاني اول كنت احبس اللي يسوي شي غلط بغرفه وخلاص بس مانفع معاهم

 

[ام اغلى الناس]

حرام لا تطقينهم
اكيد ما يفهمون
يمكن شايفين احد مسوي هالحركات او الخدامه !!!!!!!!!! دير بالج من الخدم قطيعه تققطعهم
المهم ... امسكي كل واحد بروح و قولي عيب هالحركه ....
فهميهم انه عيب و لو عادوها عاقبيهم

 

[*ماي الورد*]

رد : ارجو الرد من المجربات والمتخصصات في التربيه ..

اذا عيالج تخلينهم مع الخدم لو وقت قليل فالعلة من الخدم
و اذا عيالج كله عندج علميهم انه هالحركة عيب و هكذا

 

[dnyay_mll]

رد : ارجو الرد من المجربات والمتخصصات في التربيه ..

من وين شايفين هالحركااات؟؟

لا تطقينهم

كلميهم اول عرفي منو مسوي جذي جدامهم؟

اكييييد شايفيين صدقيني

خوفج من الخدامه اذا عندج خادمه

سألي متخصص بهالموضوع

 

[ماريي]

رد : ارجو الرد من المجربات والمتخصصات في التربيه ..

السلام عليكم
حبيبتى ربنا يحمي اولادك شوفي الخدم اول شئ يمكن حد بيعمل حاجة وحشة لاقدر الله معاهم وموش بس الخدم اي حد انت بتسيبيهم معاه حتى لو من الاهل عافية ماتدرين لاقدر الله -وتكرمين- لاينامون معاكي في غرفة واحدة
الشئ المهم فصلهم في النوم كل واحد في غرفة -فيه ناس عادى عندهم الأطفال يتحممون مع بعض دا غلط حتى لو كانوا صغار
او تفسخين لبسهم قدام بعض خلي فيه خصوصية


المهم اعطي ابنك الكبير الامان واساليه فيه حد بيعمل معاه كده وانه لازم يقولك عشان انت مامته وموش هاتضربيه بالعكس هاتعرفي وهاتعلميه التصرف الصح يعنى اتفاهمي معاه طبعا لانه اكبر وهايقدر يعبر اكثر من عن اخته وعرفيه انه لو قاللك عن حاجة غلط هو عامالها هاتتكلمى معاه وهاتعرفيه الصح من الغلط وموش هاتضربيه او تبلغي والدة -بس لو عرفتي من حد تانى عقاب كبير هاينوله

الموضوع ده احيانا بيكون اتجاه غريزة يعنى ممكن ماشافش ولا حد اذاه عشان كده الفصل والملاحظة واوعي كل شوية تفكريه انه بيعمل كده لان المفروض اننا بنسيه وبنشغل اوقاتهم وربنا يحميهم يارب وكمان عرفيهم ان ربنا موش بيحب اللى بيعمل كده وان شاء الله بدون ضرب الموضوع ستتداركينه
اذا استمر الوضع عليكي بدكتور استشارات نفسية ولا تتهاوني وشكرا

 

[ZajiL]

اول شي الطق مو سيله للعلاج بالعكس
بخليهم يتعلقون بهالشغله لانه كل ممنوع مرغوب

الافضل تشوفين واحد مختص لانه ماقدر افيدج بهالموضوع

 

[الشمـــوووخ]

اشكر ردودكم وتواجدكم:e3:

بس حبيت اقولكم انا صج عندي خدامه بس عيالي دايم تحت عيني ماعندي شي يشغلني عنهم

 

[حساسه]

لازم تعرفين من وين تعلموا اول شيء علشان تعالجين الموضوع

وهم عاقبيهم بس مو بالضرب احرميهم من شيء يحبونه وفهميهم ان هذا يزعلك وماحد يسوي كذا الا اللي مو حلو
ومع الايام بينسون ان شاء الله

 

[الشمـــوووخ]

جزاكم الله خيرأجمعين

 

[الأميرة جوري]

رد : ارجو الرد من المجربات والمتخصصات في التربيه ..

اشتري لهم العاب التركيب مكعبات وصور خليهم ينسون بس ديري بالج طقينهم يعندون وظل براسهم ....

 

[أمـاسي]

رد : ارجو الرد من المجربات والمتخصصات في التربيه ..

شوووووفي حبيبتي .....لااازم تسألين اولدج لانه اكبر من البنت .....خمس اسنين اتوقع يتكلم ويعرف وتسأل ليش اتسوي جذي لما تشوووفه منو شفت منو سوى جذي .........اتوقع من الروضه لان اتوقع اختلط مع اطفاال او احد يتحرش فيه بالشاارع

 

[الشمـــوووخ]

الله يجزاكم خير