ارجوووووو التفاعل شسوي مع ريـــــــــــــــلـــــي !!

[أم عبّادي]

السلام عليكم ،،

شلووووووونكم بنات ،، بقيت أسألكم ،، ريلي الله يهديه يحن علي من مده يبيني أحمل ،،

عمر بنتي ست سبع شهووور ويبيني أحمل يحن يحن

قبل لا اييب بجري مريت باجهاض وصار حملي لازم بعلاجات ....

الموووهم الحين

ريلي يقول قطي الحبوب من صجه قرر بكيفه :krkrkr:

شسوي بنات ـــــــ ناقشته ماكو فايده يقول ابي عيال

هل اقط الحبوب والا تو الناس؟؟؟؟

ارجووووووو التفاعل عاجلاً بناااااااااات :0bee2e8d89:​

 

[ليالي العاشقين]

مدام ريلج ..
خلاص لازم تسوين الي يبي ..
وحلات اليهال يفتخون القلب..
طاوعي ريلج ..واحسن لج ..
تيبيهم ورا بعض اريح دراسه وتربيه وتعب وشقا واحد ...

 

[ام نوونه]

والله مادري هذا شي خاص بينج وبين ريلج
شوفي نفسج تقدرين ولا لأ
وهل اهوا من النوع اللي يساعد ولا اتكالي
وانتي تدرسين ولا لأ على حسب حبيبتي
كل وحده وظروفها
والله يكتب اللي فيه الخير انشالله

 

[مالفينيا]

الحين احسنلج

وبدام تقولين ماتجملين الا بعلاج هدي الحبوب وخليها على الله

 

[ســــوليس]

حاولي تقنعينه انه تعب عليج بكل شي وحلاته فجه بينهم

اذا مااقتنع لازم اطيعنه والله كاتب كل شي

ماتدرين شنو الخيره فيه

 

[شموووخ وغروور]

طيعي زوجج وربي راح ايسر امورج
ويرزقج الولد الصالح اااااامين

 

[طيبه بزمن صعب]

ماادام زززوجج يبي جذي احملي


ما تدرين شنو الله كاتبلج

 

[لوكي 22]

قنعيه انه تعب عليج وبتربين البيبي بعد مايكمل سنه وشوي
بتقطين الحبوب واذا ماكو فايده
قطي الحبوب وامرج لله ماتدرين متى بتحملين بعد الحبوب
وفكري فيها بالجانب الايجابي انهم يربون مع بعض
والله يعين

 

[قطرات الرمال]

انا حملت ولدي كان عمره ..4اشهر


كان الحين انا بالخامس وولدي عمره 9 اشهر ...

يععني على ماااولد ولدي يكون كبر شوووي .يعني يكون عمره سنه ..

..
والله يسهل ..

انتي ناقشي واذا مصر على رااايه بعد شنو تسوووين ...: )

 

[om_7san]

هشي انتي تعرفين تحددينه اكثر منا
شوفي شنو ظروفك وشنو اوضاعكم وشلون تشوفين نفسج قادره علا الحمال والنسات والولاده وتربيه ياهلين ورا بعض
اذا كله هذا تقدرين عليه ليش ماتحملين دام ريلج يبي
بس اذا شتوفين نفسج انه هالحمال بيآثر علا صحتج ويتعبج لا حبيبتي نطري

 

[عبير الكويت%%]

عادي انا حملت وعمر ولدي شهرين ووصلت بالحمل للشهر الثلاث بس ربج ماكتب يكمل حملي والحين مخليتها على الله
الله كريم ولا تجيبين لنفسج مشكله عادي اذا يبي احملي

 

[زهرة الزهور]

والله انا حملت وكان عمر ولدي 10 شهور والحمد لله كاهم كبرو مع بعض وما حسيت فيهم صدج بالاولا تعب ولازم يكون احد يساعدج بس الي يجي من الله حياه الله هالحين بينهم سنة ونص ويلعبون مع بعض وما يفارقون بعض ابدا كانهم ثوم

 

[لمياء 99]

مدام ريلج ..
خلاص لازم تسوين الي يبي ..
وحلات اليهال يفتخون القلب..
طاوعي ريلج ..واحسن لج ..
تيبيهم ورا بعض اريح دراسه وتربيه وتعب وشقا واحد ...

انا معها بكل حرف

 

[tmtmt]

خلاص بعد ريلج يبي ودامج لازم علاج يعني ما تجرين تحملين بعد شهر 3 4
وعلى ما تولدين الا البيبي ا نشاءالله كابر ...

الله انا بنتي 8 شهور بدش التاسع وهم جذي بس انا اهلي يحنون علي يلا حملي ولو اقول حق ريلي ما اظن بمانع لنه يموت على اليهال بس قلت خل بنتي يصير عمرها سنه واقط الحبوب ان شاءالله

 

[جوهرة الليل]

****عادي حبيبتي ولا تجيبين لنفسج مشكله
****قطي الحبوب وامرج لله
****و الله يسهل

 

[leza_q8]

حبيبتي بقولج قصتي بالمختصر وان شاء الله تفيدج وتنورج وتشوفين اشياء يمكن غافله عنج


اختي انا يبت بنتي وولدي طبيعي لا علاج وله شي والحمد الله وكنت اقول انا توني صغيره ما بي فوقه فوقه وبين كل واحد خليت 3 سنين او اربع فجه وريلي يحن يقولي يالله نيبهم اصغار احسن وانا اعارض اقول لا ما ابي تعب اليهال وفوق بعض والموضوع ماشي وفجاه قررت احمل واجهضت وتالي تكررت الاجهاضات 4 مرات ومافي سبب غير ان الله ما كتب لهم عمر بالدنيا

ومن بعد الاجهاضات صارت لي مشكال بالحمل صرت لازم اتعالج علشان الحمال لان الرحم تعب من الاجهاضات وبطانته اضعفة والاخصاب عني تعب

ولم احمل هما علاجات الي الولاده ظليت 5 سنين اعالج من اثر الاجهاظات واحمل وجهظ وصرت بنص الثلاثينات وصار الحمل والعلاج يخف تاثيره وفرص تقل وايضا له جوانب سلبيه علي كل ما كبرت المهم

لم ربج اراد وشافاني والحمد الله وقررت اني ايبهم وره بعض والاخص وانا صغيره لان فرصتي احسن للعلاج وللحمل

وايضا انا ابي عيال وذريه كبيره ان شاء الله وخليت الراحه ان شاء الله لسن ال40 وال50

لان وانا صغيره فرص حملي اكبر واعلاجي اكبر

وتحسفت لاني تركت بين كل ياهل 3 او 4 سنوات يعني تقريبا 10 سنوات راحوا جذيه

بس خيره ربج كان كاتبها

نصيحه مني يبيهم الحين وانتي صغيره وبصحتج وعافيتج احسن ما تدرين بالمستقبل شنو بصير او شنو وضعج وضروفج بتكون

والياهل خير وبركه واهمها هديه من الرحمن ___ في احد يرد هدايه الرحمن

 

[بنت عبدالرزاق]

حبوووووووووووووووووووووبه اتكلي على الله وقطي الحبوب مامنهاااااا فايده

والله مدام انه مصر كسبي زوجج حبيبتي والله اليهال نعمه من رب العالمين واذا قطيتي الحبوب شوفي الله شاللي يكتبه يمكن ماتحملين الا عقب فتره

الله يسهل عليج امرج حبيبتي

 

[اروى77]

يبيهم وانتي صغيره عشان يكبرون معاك

 

[ورود الودود]

حبيبتي سمعي كلام ريلج واليهال خير وبركه ..

 

[ZajiL]

انا مع كلام ليزا
لانه انا بعد تركت فجه 5 سنين والثاني 6 سنين معني
تركت الحبوب بعد 3 سنين بس ربج ماكتبلي احمل وامناعه سنه وعلاج ست شهور
يعني هم ضيعت 11 سنه من حياتي على بو مابي فوقه فوقه
والحمدلله بعد هالتعب ربي رزقني بولدي حبيبي وصج فجأه كبيره بين اخوانه احس انه ضايع واهم ضايعين معاه
يعني جنه وحيد لعبهم غير ولعبه غير وكله يبي ياخذ اغراضهم ويزفونه ههههههههه

الله يعينه عليهم انتي يبي اثنين وره بعض وقفي سنتين تالي اثنين وره بعض وقفي جذي