ارجوكم لاتردوني

[dalo0oa121]

السلام عليكم

انا من خمس سنين وودي بشي يصير لي يفرحني يعني
امنية اتمنااها ومب فاهمه ليش الله ماحققها لي مع اني اصلي
وادعي وكل شي تمام ومتاكدة انها خيرة 100 % يعني مامنها
ضرر مستحيل لكن انا اللحين امر بحالة يأس مابي اكل مابي اشرب
مابي اسولف كله بروحي مابي اكلم حد ولا اشوف حد ولا اطلع
تسريحة شعري ماغيرها ملابسي ماحبها صرت ماتسوق تقريبا 2 من سنتين
كرهت نفسي ماحب نفسي ماحب اطلع واذا طلغت ماستانس الكل
ينفر مني ومافي اشخاص يحبوني ... ابتعدت عن اهلي وبسبب
هالشي لانه فرحتي بحصولي على هالامنية ومادري ليش متصير
مادري ليش اتعذب يوم عن يوم وكل سنة وكل يوم عذابي يشتد
لا عندي ربع حاليا بسبب نفسيتي و جمالي رااح والايام تركض وانا
للحين حظي طاييح والدنيا ماتبتسم لي انا احس انه هاي قدري
هاي مصيري هاي الله الله كاتب لي اني اعيشه انا مستسلمة
ومب راضية عن حياتي وشوي شوي ابتعدت عن صلاتي
وكل مابي افتح القران احس بيأس واني محبطة وابتعدت عن
الدععاء وكل مابي ادعي اقول شالفايدة مافي شي راح يتغير
هاي اللي الله كاتب لي والمشكلة ماقدر اتقبل حياتي ماحب
حياتي مادري ليش شي مكتوب لي ماحس اني سعيدة ولا
ودي اضحك ولا امزح ولا ودي اسوي شي
غير هالامنية تتحقق ...

 

[om kookaa]

حبيبتي إذا الله مااستجاب دعائج في سببيب
الاول ان الله سبحانه وتعالي يحفطلج هالدعا عنده ويردلج فيه مصيبه او مرض لاسمح الله
الثاني الله سبحانه وتعالئ عارف تدابير حياتج يمكن هالامنيه الي انتي تشوفينها عاديه ومافيها اي ضرر الله يكون يبي يحرمج منها عشان تكون غاليه عليج او انها خيره لج
ليش تكرسين حياتج عشان امنيه وحده لاتخلينها هدفج بالحياه تخيلي تحققت امنيتج وبقيتي انتي ع حالج ماتغير من نفسج شيء شكلج الي اهملتيه اهلج الي فقدتيهم بسبب هالامنيه
أنا اقولج خلي اهدافج بالحياه واجد ورتبيهم حسب الاولويه. وكثري من الصلاه والدعا هذي اشيا إذا مافادتج ماراح تضرج بأذن الله
تقبلي مروري

 

[dalo0oa121]

انا مب فاهمة ليش انا اتعذب واييد بحياتي وغيري
متهني ليش كل المأسي تصير لي وماتصير لشخص ثاني
ليش دايما اموري معكرة وبضيق

 

[عسل حدي]

لا اله الا الله تعوذي من ابليس يابنيه وتركي عنج الربربه وردي حق ربج شهالخرابيط ماصلي ما ادعي ليش الله ماحققلي هالامنيه
تعوذي من ابليس وذكري الله

 

[ام الدرر]

حبوبة اولا
انتي شدراج ان هالشي زين لج ما تعلمين الغيب
{وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ} [البقرة: 216]}.
ثانيا
وللاسف
ابليس بوسوسته تمكن منج تفكيرج انج تدعين وربي مايستجيب لدعائج خلاج تياسين وتتركين صلاتج وتدخلين بمرحلة اكتئاب
((ولا تياسوا من روح الله انه لا يياس من روح الله الا القوم الكافرون))سورة يوسف
ثالثا
حياتي كلامج
((انا مب فاهمة ليش انا اتعذب واييد بحياتي وغيري
متهني ليش كل المأسي تصير لي وماتصير لشخص ثاني
ليش دايما اموري معكرة وبضيق))
اعتراض على حكمة رب العالمين وحسد للناس
حبوبة صفي نيتج اولا عبادتج خليها خالصة لوجه الله مو عشان تحقيق امنيات
حبي نفسج واحمدي ربج انج بصحه وعافيه وعندج نعم كثيرة غيرج يحلم فيها
((تشوفين -تكلمين الناس-تطلعين - عندج وسائل رفاهية ............وغيرهم واييد اكيد ))
وعسى الله يهديج ويصلح حالج ويكتب لج اللي فيه الخير ​

 

[لمى الهاجري]

كلنا عندنا اشياء ما حققنها وانا نفسج لكن الله كريم ويمكن الله يعوض الامنية بشي ثاني

 

[جواهر الشرق]

شوفى ياحببتى انتى دمرين نفسك بنفسك انتى توسويسين بنفسك ليش ماتفرحين وتستانسين ترا كل شى ماكتوب ومقدر وللة عن تجربة كلمة غيرت حياتى وكنت قبل مثللك متحطمة تدرين وش الكلمة كل شى مكتوب ومقدر وقضاء وقدر اجعليها امامك وشوفي الفرق

 

[el.mlkaa]

أكييد خخخخخيرره الشيطآن لآ يلعب بعقلج تعوذي من الشيطآن

 

[البرنسيسه77]

تعوذي من الشيطان واستغفري ربج وقومي توضي وصلي ركعتين وادعي ربج ان يغفر لج ذنوبج وافتحي القران واقري
شنو ليش انتي متعذبه والناس متهنين انتي تدرين عن الناس وعن مشاكلهم انتي ما تدرين عن شي شوفي الشعب السوري شقاعد يصير فيه لا ينامون ولا يرتاحون وعيالهم يموتون جدام عيونهم اي احسن انتي والا اهم شوفي المرضي اللي بالغيبوبه سنين لاهم ميتين ولا حيين واهلم يتعذبون كل ما شافوهم اي احسن انتي والا اهم شوفي الحريم العقيمات اللي الله حرمهم من العيال اي احسن انتي والا اهم شوفي المعاقين والايتام والعميان احمدي ربج واشكريه الف مره علي هالنعم اللي عطاج اياها يا اما يا ربي تستجيب لدعائي والا بزعل لا اصلي ولا اقرا قران واشلون تقولين ان اللي تبينه فيه خيره لج ١٠٠٪ شدراج تعلمين الغيب انتي والله لو فيه خيره لج جان ربي عطاج اياه بس اكيد فيه شر لج وربي يبي يبعد الشر عنج وانتي ما تدرين

 

[Miss Eteket]

ظلي استغفرري الاستغفار مفتاح الفرج هذا الشيطان يلعب عليج يخليج تفكرين بهالششي

ربي يفرج همج و يحقق امنياتج

 

[فتاة الإبتسامة]

تقربي من ربج اكثر واكثر واكثر
كل شخص يبي انه امانيه كلها تتحقق
كلنا محتااااجين لربنا
وكل مادعيتي وصليتي لاتقولين الله مايستجيب لي دعائي قولي الحمدلله والشكر لك ياربي على كل نعمه
انا عن نفسي اقول جذي وكل حطي ببالج انه الله اذا ماعطاج اللي تبينه بيعطيج احسن منه بمليون الف مره واالله اذا حب العبد ابتلاه والله اذا حب العبد يحب يسمع دعائه اكثر واكثر
والله يسهل امورج

 

[غلآ نوآف]

قال تعالى : ( ومن الناس من يعبد الله على حرف فإن أصابه خير اطمأن به وإن أصابته فتنة انقلب على وجهه خسر الدنيا والآخرة ذلك هو الخسران المبين )
الحرف:يعني بشروط

انتي الحين تعبدين الله
لانه ربج الي سواج
وانعم عليج بالبصر والسمع والمشي والعافية والامان من الفقر والحروب والعوز والذل
ولا علشان يحقق لج احلامج وامنياتج
ونسيتي كل النسيان كل الاشياء الحلوة والزينة بحياتج
وركزتي بس ع الشيء الي الله ما حققه لج
وبعدين تقولين ليش اصلي ومادري شنو دام مايتحقق شي
عبادتج لمصالح شخصية
ومستحيل هالشي يتحقق
راح تخسرين اخرتج
وماراح يتم شي من الي تطمحين فيه
ولانج تظنين ظن السوء بربج انه ماراح يصير معاج شي حلو
ولانج ماتفائلتي ف ماراح يصير
وكل الي انتي فيه من صنع يدج

 

[روانتي 12]

وعليكم سلام . .

سبحان الله شيطان قدر عليج !

حبيبتي ردي لكل شي احنا نصلي ونصوم ونتصدق مو عشانها عاده لا عباده لرب العالمين . .
وشنو هالامنيه الي ماتقدرين تعيشين من دونها . . يَ بنت أستغفري ربج بس وردي صصٌلي . .
محد بينفعج بعدين لا جاج الموت غير اعممآلج . .

 

[نونه المنكوشه]

يابنت الحلال صلي ع النبي وذكري الله ليش كل هذا يبه انتي منتي مخلده بهالدنيا علشان تحرصين عليها مردنا بنموت بعدعمرطويل احمدي الله وارضي بقضائه وعيشي يومج وخلي المستقبل بايد رب العالمين كل اللي عليج ادعي وحسني الظن بالله وخلي الباجي ع الله ليش ماتقولين كل تاخيره فيها خيره وشوفي وضع اللي هم اسوء بتعرفين انج بنعمه عظيمه وبعدين مافي انسان مرتاح اميه باميه كلنا عندنا ابتلاءات والصبر ع الابتلاء من اعظم العبادات وبشرالصابرين ونصيحه لاتقعدين بروحج علشان لايوسوسلج الشيطان والله يشرح صدرج ويسر امرج ان شاءالله

 

[اسرار الحب]

لا حبيبتي تعوذي من ابليس
ويمكن تكون خيره لج
وانا اعرف وحدة كانت نفسج منعزله عن الناس وكله بروحها وماتحب تقعد مع احد
بسس بعدين تمت تقرأ سورة البقرة وادعيه وصلاتها ما تهدها والحمدلله الحين صارت اجتماعية وتحب تخالط الكل وحبوبة

 

[granted]

لاترهنين حياتج على شي مالج يد فيه
وماتقدرين تحققينه حتى لو سعيتي
اسمحيلي هذا يدل على ضيق افق
ممكن تغيرين هدفج بالحياة؟
خل هدفج الناس تذكرج بشي زين
ابدي بمشروع
دراسة طوري نفسج خل الناس تفتخر بمعرفتج
استغفري ربج محد يحاسب ربه يااختي
ربج اعلم بحالج والي يصلح لج وينفعج
مو تقولين بس انتي مايتحقق الي تبينة
مبين انتي تفكيرج سلبي ومساره واحد ابي هالشي وعقبها تطيب نفسي من هالدنيا؟؟؟
لا مايصير
الله يهديج المشكله بالفكر
وايد بنات يفكرون مثلج

 

[ريمو العصيمي]

لحظه لحظه ليش هالياس هذا كله استهدي بالله يحبيبتي ورددي الحمدلله ع كل حال سواء تحققت امنيج بالدنيا او ماتحققت استغفري ربج راح تشوفين شي عظيم خلي ثقتج بالله قويه ولاتعترضين عن حكمه والخيرة فيما اختاره الله واطيد اذا ربي ماحققلج شي خيره لج ومن مصلحتج ادعي ربج وقولي اللهم اني اتسالك الجنه ومن الجنه اتمنى ماريد ترا الدنيا قصيره حيل وفانيه عيشي يومج نفس الناس واعملي صالح كل شي فاني الا العمل الصالح ربي يسهل امورج ويسرها ان شاءالله وشكرا حياااااااااتي

 

[عسل سل]

مع راي الاخت اسرار الحب