اربط ولا لا !!!!!

[Lady-_-fushia]

قوة
حبيبتي الله يسعل عليج انا توني من اسبوع مسويتها
صراحه كمام و تخدير كامل تقومين مخلصه من العمليه
جنج نمتي 5 دقايق

المهم عقب عاد انا طلعت بنفس اليوم يعني سويتها الصبح و طلعت عالمغرب
اهي اول شي ينزل عليج دم شوي يعني مو وايد مثل اخر الدوره و طبعا اول يوم او يومين عوار بظهرج و تحت مثل عوار الدوره
يعني شي تتحملينه ان شاء الله مو شي جايد عادي الوضع طبيعي وحتى يوصفونلج مسكن انا ماخذته عادي

شنو بعد..

اذا رحتي الحمام وانتي بكرامه تحسين روحج ثقيله فيعني بتكثر روحاتج الحمام
وهالحجي كله بس اول يومين يعني وعقب انتي بنفسج بتحسين ان يعني يوم عن يوم احسن وانا الحين صارلي اسبوع حمدلله مافيني شي وكل شي طبيعي وعادي
بس اتمنى اني فدتج والله يسهل عليج انا اقول سويها وتوكلي على الله اذا خايفه لا تخافين سهله حيل حيل العمليه

وصج يعني لازم اول يومين كثر ما تقدرين تكونين منسدحه ولا توقفين وايد ولا تقعدين يعني وايد انسدحي وارتاحي وتحركي بس بالمعقول لا تمشين دري وايد

 

[روعة خيال]

انا سويت ربط و اعتقد كنتي معاي بتجمع مواليد اكتوبر ٢٠١٠

صج تعبت بأول يوم بس بعدين تحسين براحة موووو طبيعية

نصيحتي لج ربطي و توكلي على الله ع الاقل ما تحسين بالذنب بعدين

ياعل ربي يثبته و تقر عينج بشوفته

 

[مدرسة مستقبلا]

مادري والله انا حامل في الشهر الخامس يوم رحت مراجعتي العادية قالي لازم ربط لان الرحم متبطل ملم و بصراحة خفت وربطت
ربطي الاحتياط واجب نعمل بالأسباب ونتوكل على الله​