ارادة بطه

[SWEET NOONY]

السلام عليكم


انا بديت رجيم من اسبوع ونزلت مشالله 4 كيلو بدون رياضه ....بصراحه كان اجمل شعور ما توقعت اني انزل اربع كيلوات باسبوغ ...

وزني كان 103 والحين صار99... وانشالله بستمر واسوي هالمره مع رياضه..

هالمره احس عندي اراده وهذف غير :eh_s(4):

هاذي اخر سنه لي بالجامعه و حفلة تخرجي بعد 7شهور>>>>ابي احضر الحفله بنيو لوك وشكل غير :eh_s(2)::eh_s(2):

طولي 160 وزني 99 الوزن الي ابي اوصل له 55

الهذف الاول 95
.........الثاني90
.........الثالث85

الرجيم الي اتبعه من عندي قليل الكاربهيدرات واطبخه بدون دهن دايما بالفرن
سناكس اكل فواكه ..... انا سبب متني اهو ادماني بالجوكلت والحلويات فكلما يكون خاطري بالسكريات باكل فواكه هذا احسن حل لي .:rerrerek:

اليوم تريقت
2 بيض عيون سويته بالميكرويف بدون دهن +2 توست +طماط+ كوفي

 

[SWEET NOONY]

غذاي اليوم

طلبت من مطعم صيني اكله صينيه اسمها جاوتزا عباره عن عجينه محشوه بلحم مفروم وخضار
والعجينه مطبوخه بالبخار كليتها مع شويه شطه.

بما اني كليت الغذا متاخر ما راح اتعشى اليوم اذا جعت باكل لي تفاحه:eh_s(15):

 

[SWEET NOONY]

امس

تريقت بفواكه كليت تفاح وموز واثنين برتقاله

الغذا
فخد دجاج بدون جلد مطبوخه بالفرن مع بطاط مهروس وبروكلي

العشاء
شربت عصير برتقال

 

[Pink_Roses]

حبيبتي الفواكة فيها سكر تمنع نزول الوزن وخصوصا الموز والبرتقال واذا حابة تاكلين فواكة اكتفي بحبة وحدة باليوم لا يغني تفاحة وحدة او موزة وحدة او سويلج سلطة فواكة بس ماتزيد عن كوب واحد والعصاير الفرش لازم تمتنعين عنها كلها شكر والافضل تمتنعين عن الكربوهيدرات الخبز ةالبطاط وخصوصا اول 3 اسابيع

 

[SWEET NOONY]

تسلمين Pink_Roses عالنصيحه بس ما اعتقد الفواكه تخرب الرجيم بالعكس زينه ووايد حق فيتامينات وسعراتها مو عاليه
احب اكل فواكه وقت ما يكون عندي وقت حق ازهب لي فطور
...اما الكاربهيدرات غلط كبير نقطعها وقت الرجيم لان لما توقفين الرجيم وتردين تاكالين الخبز والعيش بعد الحرمان راح يزيد وزنج بشكل سريع...عشان جذي افضل التقليل مو الحرمان

 

[SWEET NOONY]

قبل امس

تريقت
2 توست 2 بيضه مسلوقه مع طماط وخيار

الغذا
سلظة تونه

العشاء

لبن

ومشيت نص ساعه الصبح

 

[SWEET NOONY]

امس

الريوق
كليت برتقاله بس لان كنت متاخر عالدوام

الغدا

كباب واحد مع بدنجان مشوي وسلطه وربع خبز

العشاء
لبن

مشيت ساعه ونص

 

[SWEET NOONY]

الريوق
2 توست قفشة لبنه مع طماط وخيار

الغذا

شوربة دجاج بالخضار

العشاء
حليب مع 2 حبه بسكوت دايجستيف

سويت رياضة عالدرج ربكبت الدرج للدور السادس 5 مرات

 

[فراولة وردية]

بالتوفيق
ونظامج ماشاء الله حلو بس بالعشا اعتقد لازم تزيدين شوي
لان بس قلاص لبن ولا حبة فاكهة مو كافي لو نظيفين سلطه
أحسن عشان ماتتاثر بشرتج وشعرج وهم سوي تحليلبالمستوصف وإذا في نقص السمح الله
يوصفلج الدكتور الفيتامينات اللازمه وهالشي وااااايد مهم عشان ماتتعبين او تفقدية طاقه بسرعه

 

[لما ضاقت]

بالتوفيق انا وزني ٧٢ و مع الريجيم وصلت ٦٨.٥ و بكمل ناوية على ٥٥

 

[لما ضاقت]

بس مو ماشية على نظام معين كل ثلاث او اربع ايام ريجيم مختلف مرة فواكة مرة لبن و تمر و جذي أشكل واسوي رياضة

 

[بطبعي رقيقه]

:ggdw::ggdw::ggdw::ggdw::ggdw::ggdw:
عفيييييييييييييه عليج هاذي البنت السنعة واللي الواحد يحترمها اللي تحط هدفها جدام عينها وتسويه
والله عفييه عليج كملي وصبري عن الحلو تخيلي نفسج تآكلينه وانتي ضعيفه ولابسه اللي تحبينه
خلي هدفج جدامج وين مارحتي ع بالج وفكري بالنتيجة اللذيذة
انا الحين عقب الولادة زدت 10 كيلو ولازم اطيحهم الحين وزني 72 وطولي 153!!وقبل كان 61 تقرييبا وناوية اضعف زياادة
بس صح سمعت الفواكه كلها سكريات ،وديري بالج الرياضه اللي تضعفج بعد مو بس تسكيرة الحلج
امشي او ركضي وساعات حطي سي دي وسويي نفسه ورقصي
وسلاامتج ..متابعتج:rerrerek:

 

[SWEET NOONY]

فراوله ورديه

تسلمين حبيبتي انا ما اتعشى لان دايما اتغذا متاخر بسبت الدوام

لما ضاقت

مشالله الله يحقق ليج وتوصلين حق 55:eh_s(15):

بطبعي رقيقه

اي والله صدقتي تسكيرت الحلج بروحها ما تنفع بدون رياضه ... هالفتره ناويه ابديها برياضه عدله انشالله

 

[SWEET NOONY]

امس قمت متاخر وما تريقت
وقررت اخد يوم مفتوح

الغدا

اكلت وجبة اطفال من ماكدونالز

العشاء
سلطه روب

سويت نص ساعه رياضة مشي و جري ونص ساعه رقص


من اليوم ما قمت استخدم الاصنصير بس الدرج وانا ساكنه بالدور السادس

 

[SWEET NOONY]

الميزان


قبل اسبوع كنت 99 والحين صرت 97

خسرت 2 كيلوو حدي مستااااانسه :eh_s(9):

الحين ابصراحه ابي على شهر واحد ادش بالثمانينات

انشالله راح التزم بالرياضه اكثر :eh_s(4)::eh_s(4):

 

[لما ضاقت]

بالتوفيق و حمستيني نتشارك التجارب بس بغيت أسالك اذا تستخدمين كريمات او شي انا استخدم كريم الفلفل الأحمر اللي من بارتنر لوف احس يشد البطن خاصة مع الرياضة

 

[لما ضاقت]

أنا أسوي تمارين للكرش و الزنود و الفخوذ لان جسمي نهائيا مو متناسق بديت احس بنتائج خفيفة و انشالله خير نسيت اقولك أني متزوجة و عندي عيال و قبل الزواج كان جسمي حلو بس تدرين الحمل و الولادة و الربادة ههههههه

 

[مظلومة حيل]

عفية عليج و ان شالله توصلين الي تبينة و الله يوفقج حمستيني انا طولي ١٥٣ و وزني ٨٠ و ابي اوصل ٥٥ بادية رجيم لي يومين
وان شالله بعد اسبوع اقيس وزني