^^^ اذ ظلموك تسامحين^^^؟؟؟؟

[دلولي]

اذا فيه قرابه اسامح بس تعاملي معاهم مو نفس الاول واذا مافي قرابه خلاص ارميها ورا ظهري واروح

 

[Fstani]

رد : ^^^ اذ ظلموك تسامحين^^^؟؟؟؟

المسامح كريم
واذا انظلمت مرة ومرتين وثلاث اسامح واغفر
لان الحياة فانية وما تسوى والله
ومثل ما قالت اختي عصير ليمون مضطرين بحكم القرابة نتواصل
انا الحين انظلمت من بنات خالتي حييل لكن سامحت واجد
صج اني اسامح بس ها استحالة ترجع العلاقة مثل اول لا لا
سلام سلام وعليكم ضحك سوالف
يعني علاقة سطحية
لاني انظلمت ومابي انظلم مرة ثانية
جميل ان الانسان يكون قلبه خالي ومو شايل على احد
لكل اللي ظلموني اذا ما قدرت اخذ حقي فالله موجود وانا مسامحه مو عشانكم
عشان ربي يوفقني ومحد يستاهل في هالدنيا اشيل بقلبي عليه واثقل قلبي عشانه صدقوووني
والله يسامح الجميع
,’
موووضوووع حلووو النقاش فيه والله
تسلمين يا قلبي

معاها بكل كلمه

 

[مي الحلوة]

رد : ^^^ اذ ظلموك تسامحين^^^؟؟؟؟

انا اسامح ..لكن تكون علاقتى معاهم بحدود..يعنى وجدودهم وعدمه واحد..
انا اسامح لاني ما احب اشيل بقلبي على احد..وعشان جذية انا مرتاحة..
ولان الدنياااا فعلا ما تسوى..

 

[دنيتى زوجي M]

ويـــــــــــــــــــــــه شكثر سامحت بس تتغير العلاقه ماتصير نفس قبل وبالعكس يمكن تلاقيني اول شي اكون شايله بقلبي بس بعد مده انسى

 

[وهج الحب]

السلام:
انا اسامح وجنه البخت لاني لا احب ان احمل بقلبي على احد واعور راسي وتخرب بشرتي على ناس تافهة ..وان احيانا احط شوي بخاطري..

واحدة متزوجة من واحد من اهلنا قعدت سنوات ما خلت لا عني ولا عن زوجي شئ حتى انها خلته زير نساء وشراب منكر واني راعية طلعات وخرابيط .. وخربت علي عند زميلاتي بالمدرسة لانها تنشر عندهم هالكلام التافه ..وكل ما تيجي لبيتي اشيلها فوق راسي وهي تظن اني ما ادري بسوالفها ..ويوم صار عيالها واحد يصحى والثاني يمرض قالت لاخت زوجي والله انا اقول جذية وجذيه بحق فلانه واحس اللي يصيرلي من حوبتها ..الا تقولها اخت زوجي ايه فلانه تدري بسوالفك ..انصدمت وقالت تدري وتحشمني وتستقبلني احسن استقبال ..وقالت لها اخت زوجي هذا طبعها واتصلت واعتذرت مني وسامحتها ..عادي

رغم انها من تشويه سمعتي بالمدرسة خلتني انتقل مدرسة ثانية وخسرت ربعي اللي الى الان ما زالوا يتناقلون عني بعض السوالف بس عموما انا الصداقات ما تهمني وايد من جذية ما يكونون اكبر همي بالحياة ..

وقيسي على هذه القصة عدة قصص مرت بحياتي وذكرتها بالمنتدى بمواضيع اخرى ..

احيانا بالتسامح والصفح تملكين الانسان وان ما ملكيتية حببتي الله فيج ..لان طبع زوجي انه متسامح لابعد درجة ممكن اذا سمع احد تكلم عنه زارة ووجبه والحمدلله الارزاق تهل عليه والمكانة الكبيرة تكون من نصيبة دائما لو يتقاعد من وظيفة تجية شئ اكبر من السابق ..

وانا اذا ظلمني احد اسامحة والله ياخذ حقي منه ويعلمة غلطة ..

انا اشوف الانسان اللي يضايق عمرة ولا يسامح الا يصير انسان نكدي وما يعرف الضحك واتنشن بحياته كلها ..ويقعد يشك بخلق الله ويشوف نياتهم كله ضده ..اللي يبي يعيش سعيد ياخذ مبدأ طنش تعش تنتعش

 

[غــلآ]

رد : ^^^ اذ ظلموك تسامحين^^^؟؟؟؟



تبين رايي ؟؟

انا اؤمن انساعات الواحد يظلمج او يغلظ عليج بدون سبب يعني مو شرط انج تكونين مسويه شي بس لاسباب خارجيه


اناعن نفسي


اسامح الشخص مرتين

اما الثالثه .. يسمح لي

اول مرة عطيته فرصه وعلمته غلطته يعني قلت له يافلان انا اذا خسرتني ماراح تقدر تراضيني
مو معناه اني ساكته يعني سذاجه
او اني ما ارد ضعف شخصيه

لكن ممكن اني اشوف ان الموضوع اللي صاير مايسوى اني اتعب نفسي وارد عشانه

وثاني مرة
راح اقسى اكثر
وبكون رسميه شوي


اما الثالثه يسمححححححححححح لي ويستريح

عاد انا معروفه اذا قسيت فسيت مايهمني احد لوووووووووووول

 

[وربي فديتني]

رد : ^^^ اذ ظلموك تسامحين^^^؟؟؟؟

ما ادري يا ما سامحت

بس احس خلاااص اصير حريصه من هالانسان لان خلاص انقرصت

واذا حسيت هالانسان صج ندماان راح انسى معا الوقت

 

[روح امها]

اسامح اذا صج الانسان ما كان يقصد واتأكد

اسامح اذا كان قاصد بس علاقتي ما ترد نفس قبل مستحيل
يعني اخذ حذري منه