^^^ اذ ظلموك تسامحين^^^؟؟؟؟

[هلالية نعومة]

مراحب

اخباركم يا اميرات


^^^سؤالى بسيط^^^

اذ غلط احد فى حقك او ظلمك

وبعد مدة طلب منك تسامحينة
تسامحين او لا؟؟؟؟؟


"""انا عن نفسى ما راح احل او اسامح احد
لانهم لما ظلمونى مارحمونى """


والتعليق لكم

​

 

[عصير ليمون]

رد : ^^^ اذ ظلموك تسامحين^^^؟؟؟؟

يمكن في وقتها طبعا ما أسامح وأهجرهم وأكرهم بعد ،، لكن الدنيا والزمن
كفيل بأنه يخليج تنسين أو تتناسين على الأقل ،، خصوصا إذا كانوا هالناس
قراب منج وإنج مضطره بحكم القرابه انج تتواصلين معاهم ،، لكن اللي بالقلب
يضل بالقلب ،،،

شاكره لك موضوعج ،، وعلى قولت أخوانا المصريين ،، يا بخت من بات مظلوم ولا باتش ظالم ،،:eh_s(2)::eh_s(2):

 

[سـيـدة آلـمـطـر]

رد : ^^^ اذ ظلموك تسامحين^^^؟؟؟؟

المسامح كريم
واذا انظلمت مرة ومرتين وثلاث اسامح واغفر
لان الحياة فانية وما تسوى والله
ومثل ما قالت اختي عصير ليمون مضطرين بحكم القرابة نتواصل
انا الحين انظلمت من بنات خالتي حييل لكن سامحت واجد
صج اني اسامح بس ها استحالة ترجع العلاقة مثل اول لا لا
سلام سلام وعليكم ضحك سوالف
يعني علاقة سطحية
لاني انظلمت ومابي انظلم مرة ثانية
جميل ان الانسان يكون قلبه خالي ومو شايل على احد
لكل اللي ظلموني اذا ما قدرت اخذ حقي فالله موجود وانا مسامحه مو عشانكم
عشان ربي يوفقني ومحد يستاهل في هالدنيا اشيل بقلبي عليه واثقل قلبي عشانه صدقوووني
والله يسامح الجميع
,’
موووضوووع حلووو النقاش فيه والله
تسلمين يا قلبي

 

[q8_84]

حسب نوع الظلم واذا قاصده اولا اذا مو قاصده اسامحها


انا وحده ظلمتني حييييييييل وجتني بعد سنتين تبيني اسامحها قلتلها انا مستحيل انسى الي سويتيه فيني بنفس الوقت ماراح اكون لج عدوه وعلاقتنا راح تكون جداااااا رسميه مو مثل اول الميانه طايحه وقلتلها بوجها لان انا ما عرف امثل اكون شايله على احد بقلبي واقوله سامحتك واضحك معاه وانا قلبي مو نظيف من ناحيته وكلام كثير بردت حرتي فيها و طلعت من عندي دمعتها بعينها

 

[الرشوف]

والله ذكرتيني
قبل امس


تذكرت موضوع والله مو يموت الا يحرق

القلب
والله يابنات مو بس ظلموني
وخلاص والله بعد الظلم
جاني جرووووح منهم


وكلام يوقف شعر الراس


والله يا بنات اني كل هالوقت من شهر 6 وانا اقول والله ما راح اسامح
والله لو شنو

وفعلا ما اقدر اجاملهم




بس والله تحسبت عليهم
وشفت رد ربي فيهم
اللهم لا شماتة


والله اني
سامحتهم
بس الجرح باقي

 

[أماني الورد]

اسامح

والانسان من النسيان

وربج كفيل فيهم ياخذ حقج

 

[العبيدان tenuta]

رد : ^^^ اذ ظلموك تسامحين^^^؟؟؟؟

انا موكله ربي ووووكيل عليهم وفي كل قوله الله واكبر قاعده اتحسب عليهم عسي ربي يحط كيدهم بنحرهم وتدبيرهم في تدميرهم وان تحصيهم مددا ولا تغادر منهم احدا وخاااااصه كبيرتهم ياربي اشوف فيها يوم ياربي تلاقيهه بصحتها وبعيالها
ياربي يامن تفرد الفرد الصمد الذي لم يلد ولم يولد اللهم انك قادر عليهم ياربي اشوف سخطك وغصبك عليهم وان تشتت شملهم وتفضحهم وتبيين بيانهم ياحق اللهم اميييين ياربي انك تعلم ولا اعلم ياربي هذا الجهد وعليك التكلان
وصلي الله علي محمد واله الكرام عليه افضل الصلاه والسلام ​

 

[مركب الأمل]

رد : ^^^ اذ ظلموك تسامحين^^^؟؟؟؟

في ناس ظلموني
بس سامحتهم لكن علاقة نفس قبل لااااااااا
بحكم القرابه مجبورين نوصلهم

وانا اقول المسامح كرررريم

 

[مركب الأمل]

رد : ^^^ اذ ظلموك تسامحين^^^؟؟؟؟

في ناس ظلموني
بس سامحتهم لكن علاقة نفس قبل لااااااااا
بحكم القرابه مجبورين نوصلهم

وانا اقول المسامح كرررريم

 

[اوراد العشق]

انا بطبعي ماااااااااااااااسااامح خااصه اذا شخص غااالي علي وظلمني

والزمن قاادر ينسيني

 

[عيده]

رد : ^^^ اذ ظلموك تسامحين^^^؟؟؟؟

المسامح كريم
واذا انظلمت مرة ومرتين وثلاث اسامح واغفر
لان الحياة فانية وما تسوى والله

:icon30::icon30::icon30:

اختصرتي اللي بـ قوووووووووووله

 

[ترانيم القصيم]

رد : ^^^ اذ ظلموك تسامحين^^^؟؟؟؟

أسامح و أحلل ,, ليـه ما أسامح ؟

ما شفنا ديـننا آللي حثّنـا على كظم الغيظ و العافيـن عن الناس و المحسنين وش أجرهم ؟

يجعل الله في صدورهم رجاء في يوم القيــامة ,, ( و جزاهم بما صبروا جنّةً و حريرًا )

طالما آللي ظلمني و تجاوز علي حس بغلطته و جاء يعتذر و يصلح آللي كسرهـ وشهووله ما أسامحه ؟

يعني أنـا آللي معصومة الآن ؟ لا بد يجي يوم أغلط بوهـ و أظلم ناس همّن أندم , وقتها ما أحتاج إني أعتذر و الناس تسامحني ؟

لا نصير إمعة يا أخواتي العزيزات ,, أنـا من الممكن إني أسامح ناس ظلموني ( و ما اعتذروا مني )

أجاهد نفسي و أحاول أسامحهم مع إنهم ما كلفوا على أنفسهم يعتذرون مني ,, فما بالك بشخص جاء يعتذر مني و ندمان ؟

و بيني و بينك ,, أنـا ما أحب أحد يغلط علي و يجي يعتذر مني لأني أنحرج كثييييييييير ><

أحس إني ما أستحي على وجهي لامني أجبرتوهـ إنوهـ يجي برجلوهـ و يعتذر مني

خاصّةً لما يكون الشخص هذا ( رجّال ) ماهوب بنت ,, مرة أنحرج و أستحي ,,

أنـا ما يهمني الإعتذار ,, آللي يهمني الندم على الغلط ,, هذا بحد ذاته يكفيني ,, لكن في ناس تسمعك كلام بالصميم

جارح و يكسر القلب من ( قلب ) مع هذا ما تهتم و لا كأنها سووت شي ,, ما عليه نسامحهم و نصبر عليهم و أجرنـا على رب العالميـن إن شاء الله

الله يقدرنـا على مسامحة الناس و تحليلهم و العفو عنهم ,,

ما أدري ليـه و أنـا جالستن أكتب ذا الرد تذكرت موقف صار لي قبل شهريـن بواحدن من ذا المنتديات ..

جاء شخص و طعن بنيتي و قال لي كلام قطع قلبي بسكيـن ,, يمكن السكين أرحم بشووي

و تركت المنتدى بسببه ,, كم مرة رفعت إيدي أبي أدعي عليه هميـن أتراجع و أقول الله يسامحه و يحلله

مهما كان تراهـ مسلم و الواحد لما يعصب كلش يقولوهـ ...

الله يعين يا رب ..

احترامي و تقديري

ترانيم القصيم

 

[c a t w o m a n]

أحاول أغفر و أسامح بكل الأحوال

بس الظلم أنواع

نوع تغفرله

نوع ما تقدر

: )

 

[ORKDI]

رد : ^^^ اذ ظلموك تسامحين^^^؟؟؟؟

على حسب

يعني في شي يكون كبير ما يروح

وفي شي ممكن اني انسى مع مرور الوقت

 

[صمت المرافئ]

رد : ^^^ اذ ظلموك تسامحين^^^؟؟؟؟

للأسف لا ...
لو اللي غلط علي تسامح مني
تلقيني أقوله سامحتك
وأعامله باحترام
لكن يظل الجرح بقلبي
معاملتي معاه زينه وما أبين له شي
لكن بقلبي أظل ما أنسى أبدا
مهما حاولت يظل الجرح حي بقلبي
ومهما حاولت ما ترجع العلاقة بيننا مثل أول
حتى لو اعتقد هذا الشخص ان العلاقة بيننا زينه ( وهذا الظاهر )
مستحيل أرجع مثل أول
ومستحيل أفتح لهالانسان قلبي وأظل دائما على حذر منه
ودي أتغير ... ودي ... لكن الطبع غالب​

 

[coralia]

رد : ^^^ اذ ظلموك تسامحين^^^؟؟؟؟

مستحييييل اسامح احد ظلمنى خصوصا اذا كان قاصد لان مرارة الظلم والقهر اللى يحس فيه المظلوم ماتوصف

 

[!الجادل الصعب!]

رد : ^^^ اذ ظلموك تسامحين^^^؟؟؟؟

على حسب الغلط .. و على حسب حجم الاعتذآر اذا ينآسب الظلم الي وقع علي .. بس آنا من عآدتي التطنيش يعني لله الحمد مآقد انظلمت ظلم كبير مآقدر عليه ..
والشخص الي مآيلزمني آو آحس انه ممكن يسيئ لي .. آلغيه من حيآتي والي خلقه خلق غيره

 

[أموووووولة]

شخصيا اسامح بس ما انسى الاساءة
اسامح لان مصيري احتك فيهم:rgewrg:
بس اخلي علاقتي رسمية
فالمؤمن لا يلدغ من جحر مرتين:0bee2e8d89:
آآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآآخ يا قلبي آآآآآآآآآآآآآآآآآآآآآآآآآآآآآآآآآآآخ:0bee2e8d89::tomato2:

 

[شوشو الشقيه]

يسلمو
اختي
والله انا اسامح
بس اهم شيء ما يكسر قلبي مره ثانيه
اسامحه لكن احطه تحت الاختبار
علشان اقل حركه او تصرف الغيه من حياتي تماما
قبل لا يجرح قلبي او يسكره مره ثانية
اختبر هذا الانسان
طبعا هذا الاختبار يكون بيد الانسان نفسه يقدر يكسب قلبي مره ثانية
عموما انا بسرعه اي احد يقدر يكسب قلبي
شويه انا على نياتي طيبة اكثر من اللازم

 

[..راعية واجب..]

انا ما سامحت اللي ظلموني وكانو اعز رفيجتين عندي لكن

نسسسسسسسيتهم تمااااما وعششت حياااتي