اذا ولدج فيه عيب خلقي تقولين للي خاطبتها ؟

[*ماي الورد*]

قوة بنات

يراودني سؤال


اذا ولدج لا سمح الله فيه عيب خلقي بفتح الخاء بسيط مثلا فتحة بالقلب او بالا عضاء الداخلية سكر خفيف

ضغط بالدم

و الولد عايش حياته طبيعي حاله حال غيره

بس


ممكن تتدهور حالته على كبر بحكم العمر يعني الانسان الطبيعي تدهور صحته على كبر

ممكن يحتاج يركب بطارية او غسيل كلى او اي شي ثانية و هذا الشي كل اناس معرضين له


سؤالي هل من الضروري اخبار الخطيبة بالموضوع سؤال جد محيرني

و اللي مو متزوجة تكنب بعد رايها

و هل توافقين اذا تقدم لج شخص جذيه؟

 

[الصواني]

رد : اذا ولدج فيه عيب خلقي تقولين للي خاطبتها ؟

الله كريم

 

[monmon12]

من حق البنت تعرف

مثل ما ايهو من حقه يعرف عن البنت

ويترك لها القرار سواء كان صح او لأ

 

[شمس 20]

رد: رد : اذا ولدج فيه عيب خلقي تقولين للي خاطبتها ؟

الله كريم

ماشالله تطورتي صواني

 

[شمس 20]

اى اقول حرام الغش

 

[منوة القلب]

من الافضل تقولولها عشان ماتلومكم بعدين

 

[مواصله]

رد : اذا ولدج فيه عيب خلقي تقولين للي خاطبتها ؟

اكيد ضروري ولازم يكون عندها خبر والا يعتبر غش وخداع وبتظل تلومه طوووول عمرها

 

[انا لحبيبي .]

رد : اذا ولدج فيه عيب خلقي تقولين للي خاطبتها ؟

هههههههههههههههههههههههههههههههههههه زهور

بالنسبه لصاحبه الموضوع .. هالشي من ربنا ولازم الطرفين يعرفوا

والله يشفي جميع المرضى يارب

 

[انا لحبيبي .]

رد : اذا ولدج فيه عيب خلقي تقولين للي خاطبتها ؟

هههههههههههههههههههههههههههههههههههه زهور

بالنسبه لصاحبه الموضوع .. هالشي من ربنا ولازم الطرفين يعرفوا

والله يشفي جميع المرضى يارب

 

[G!RLooNa]

اي لازم يقولون خصوصا اذا الشي احتمال يتطور و يتضاعف ولا يأثر عالحياه الزوجيه بأي شكل حياه جنسيه انجاب اي شي

يعني السكر و امراض القلب ممكن تاثر عالقدره الجنسيه و عالانجاب

عقب ما تاخذه المره تنصدم !!

ولا عقب سنه سنتين حبيبتي انا فيني فتحه بقلبي و بركب بطاريه !!

لا طبعا ما يصير اهما يبون يعرفون كل شي عن البنت لو مسويه ليزر و لا مسشوره شعرها بعرفون هذا طبيعي ولا بفعل فاعل لوول

هالمره مرض و يسكتون هذا غش !!

 

[tmtmt]

نفس ماقالوا ...

شي ضروري ان يعرفون
والافضل كل شي يكون واضح من الاول

ليش اخش ؟
وبعدين يلوموني ولا يلمون ولدي !
ولا اكون السبب في مشاكلهم !

واذا ماصار نصيب الله بعوضه ان شاءالله

 

[شيخة الحلوة]

شي طبيعي لازم تقول


وربج حتى لو ماقسم حق هالصبي ان هالبنية تكون من نصيبه بتكون خيره له وربي بيرزقه بوحده راضيه باللي فيه

لان من حق الزوجة انهاتعرف

 

[jooosy]

اكيييييييد حبيبتي اتقولين كل شي حقهم
حتى لو كان احد من اهل الام او الاب فيهم شي
انا خالتي الله يرحمها كانت داون منغوليه بس قلنا حق اهل زوجي عنها
مايصير اتخشون شي عشان مايصير في غش
هذا زواج مو لعبه
بنت جيرانه كان فيها حروق من الدرجه الاولى في ساقها وعندها اخو معاق وماخبرو اهل زوجها عن هالشي وعقب ماتزوجو انصدم زوجها لانه كان منظر ساقها بشع وراح معاها حق كذا دكتور تجميل بس ماكو لها علاج وطلقها
انا مع الصراحه خاصةً بأمور الزواج

 

[KOKO_284I]

رد : اذا ولدج فيه عيب خلقي تقولين للي خاطبتها ؟

حبيبتي ضروري اتعرف هذي من شروط المصاقيه بالزواج بلا ما تعرف بعدين ويصير شي اعظم

 

[^أم يوسف^]

رد : اذا ولدج فيه عيب خلقي تقولين للي خاطبتها ؟

الاحسن والافضل ان ينقال لهم اذا في اي عيب خلقي
عشان ماتلامون بعيد انكم غشيتوهم وماصارحتهم
وعسى ربي يسهل امركم

 

[sharshora80]

رد : اذا ولدج فيه عيب خلقي تقولين للي خاطبتها ؟

حبيبتي قولي للبنت لان اذا ما قلتي مو حلو لما تروحون الفحص وينادون الولد والبنت ويتم اعلام البنت على هالشئ بعدها راح تصير صورتكم كلش مو حلوه
الحين في فحص قبل الملجه والملجه ما تصير الا مع ورقه الفحص

 

[الاحساس والطيبة]

رد : اذا ولدج فيه عيب خلقي تقولين للي خاطبتها ؟

اكيد بقول عشان مااتحمل اثم البنت

 

[ام شووووق]

رد : اذا ولدج فيه عيب خلقي تقولين للي خاطبتها ؟

اكيد من غشنا ليس منا

وكل شي بالبدايه سهل قبل لا تشوفها ويشوفه وينعجبون ببعض

 

[أحـلآم . *]

رد : اذا ولدج فيه عيب خلقي تقولين للي خاطبتها ؟

اقول
والله يعين

 

[Vaniela]

انا بفتره خطوبتي قلت لريلي انه معاي صداع نصفي عشان ما يقول عقب ابتلشت فيهااا ,,
لانه مب بس اهو فيه عيب هم انا ..
انا كان كل خوفي ايني رده فعل منه عقب او شي يضايقني .. فقررت اقوله مع انه امي كانت رافضه ,,
وقلت له وارتحت حسيت هم وانزاح واهو وايد متفهم ..
الله يشفيني ويخفف علي يااارب