اذا هالكلام صح معناته فيه منا كثيرات ظالمين ازواجهم

[محبة الاستغفار]

بسم الله الرحمن الرحيم

بنات وباختصار اذا بتبحثين عن كلمه معينه في قوقل مثلا حطيتي حرف تطلع لج كلمات ؟

مثال حطيتي حرف ز يطلع لج كذا كلمه بحرف الزين ؟؟

انا حطيت احرف وطلعت لي مواقع طبعا الجهاز مشترك فشي طبيعي اشك ان زوجي داش هالمواقع

يحلف انه ما دشها ؟ وان القوقل متغير يا جماعه كلامه صح ؟ اذا صح معناته كثير ظلموا ازواجهم

انتظر ردكم :0bee2e8d89:

 

[*مارلين_مونرو*]

اي حبيبتي صح كلامج .. لي حطيتي حرف يعطونج اقتراحات بقوقل عن الكلمه مثلا ..

ذكرتيني برفيجتي ياحليلها داشة بلاتوب اخوها صغير و صارت لها هالسالفه يننننت قامت تحط احرف و تطلعلها بلاااااوي !!

جاان تاخذه و تكلمه و تزفه و حالتها حاااله و اهوا مسكين منصدم سااااااااكت ولا كلمه .. تقول عقب ما طخيت رحت داري بسوي تقريري شبكت عالنت بقوقل ولا تطلعلها نفس السااالفه و استوعبت ان من قوقل مو من اخوها لووووووووووول ..

حطوا بالكم بنااات

 

[نور-الدنيا]

كلامه صح

 

[ريم @]

انا بعد جذيه كلامج صحيح

 

[د.شريفة]

اي صح كلامه وان بعض الظن اثم
حبيبتي ولا تظلمين الريال
متغير القوقل صاره اسبوع او اكثر انج تحطين بس حرف يطلع لج كل شي بهالحرف

 

[zeeta]

حبيبتي لا تهدمين حياتي على لاب توب وقوقل

صح كلامه ...

كان قبل ماكان جذي بس المواقع اللي تدخلينها تطلع .. او الكلمه اللي تكتبينها يطلع لج

الحين حطي حرف واحد يطلع لج مليون كلمه

يعني يساعدج بالبحث

خلج من التنبش الريال صاج

 

[BshBshanea]

من زمان هـ الشي مو توه <<< انا عندي من زمان ما ادري عن الباقي

اذا حطيتي حرف يطلع لج لسته فيها كلمات تبدي بـ نفس الحرف

بـ البدايه تطلع الكلمات الي مسويه عليها سيرج من قبل بـ نفس الحرف

وتحتها كلمات يديده هي اقترحات من قوقل

 

[@ام ضاري@]

ههههههههههه انا ماضلمة راجلي هو يقولي منو ضايف بقوقل ها الكلام
اجذب عليه اقول هو مضيوف شوف اى حرف يطلع معاك مو بس ها الكلام الموجود

احيانن تمشي واحيانن لا يعصب

 

[محبة الاستغفار]

جزاكم الله خير عاد ياليت ابنات ينتبهون ولا يسببون مشاكل مع ازواجهم يعطيكم العافيه وربي يسعدكم

 

[نثر الدموع]

اي صح وانا اولهم وتهاوشت معاه بعد بسبة قوقل وكنت شاكه فيه لاني كنت شابكه بلابتوبه
بس داومت من باجر ولا طلعلي نفس الكلام بكمبيوتر الدوام انا هني نقدت على عمري والله استغفر الله بس خذيت اثم

 

[بنت الارسنال]

صح كلامج

 

[رايقة1980]

ايه صح يعطيك اقتراحات للبحث وماعجبني هالشي

 

[دموع السحاب]

اي كلامه صح
حرام ظلمتيه
جان جربتي تدشين قوقل و تكتبين حرف و تشوفين بعدين سأليه

 

[HASB_83]

ايي ديروا بالكم

والله خوش طريقه احسن من اول

 

[غلاي غير]

كلاااااااااااام صحيح بالعكس صار من صالحهم لوووووووووول

 

[الاسطورية]

الحين قوقل متغير صاير يطلع بدون محد يبحث خدمه يديده

 

[7bebta bs]

ايه والله اختى الصغيره وعليا انحرمت من الاب توب وانزفت والله ستر بعد ما انطقت من هالسالفه

 

[مطيريه ماركه]

أمركم غريب سيداا الظن الشين < مو عنج

حبيبتي تصير معانا كلنا ونصيحة مني لا تاخذكم السالفة تريثوا قبل كل شي

 

[james546613]

الله يهديكم اول ماتشكون بهلفقير