اذا ماتت حيواناتكم تبجون ؟؟؟

[miss colors]

والله انا كان عندي هامسترين قعدوا عندي تقريبا سنه ونص وماتوا وااااي بصراحه اول مادريت وربي يتني قمته بقلبي مارتحت الا لما بجيت
صج ترى موهين الحيوان له روح ويحس وشلون اذا كان عندج ومربيته من الضغر لين مات كل يوم توكلينه يحز بالقلب هذا رأيي

 

[$$كويتية$$]

والله تحز بالخااطر حيييييل

انا كان عندي قطوو اينن ربيتة جذي 3اشهر يمكن من يوم كان عمرة شهر يمكن

وبعدها ضليت من الصبح انادية مادري وينة وبعدها لقيتة ميت بالحديقة

وماكان فية معالم بس شعرة وقعدتة



وبجيييت علية بس مو واايد لاني استحيت اهلي كانو معاي

والله اني فاقدتة حييل

 

[lolita q8]

وااااي

ذكرتوني بسمجاتي الثلاثا

كان صيف و تدرون شلون حر و الماي يسلخخخخ

المهم

قلت بغير الماي مالهم

و اقوووم و افتح الماي حدا عليهم

ولا حااااااااااار يدخننن واعليا

و ينسلخوون السمجات و يموتون

:eh_s(2)::eh_s(2)::eh_s(2):

و الله اني قعدت عليهم اسبوع وشوي ابجي بجيييي

و ما كنت انام لاني انا الي ذبحتهم

و كل ما اشوف اكلهم ابجي <<< فلم ما نخلس

:eh_s(11)::eh_s(11)::eh_s(11):

انا حيل اتأثر من اشوف شي يضيق الخلق

فما بالج مع حيوان حي تربينا و تسمينا و تعاشرينا و تعتنين فيه

اكيد بتفقدينا و بتبجين عليه :denya:

 

[بــدويه]

أكيد نبجي .. انآ عندي اللي مآيبجي مو طبعي ومآ عنده إحساس

 

[قطوه ورديه]

مشكورين حبايبي على تفاعلكم معاي
والله ماجربت ان يموت عندي حيوان احبه
لاني اصلا ماربيت

 

[احلا قطووووه]

انا تخيلي ماحب الضب حيل وعادي عندي............بس مره اخواني جابوا ضب وحطوه تحت الدفايه وانا مادري دست على ذيله ومادري لحد الحين اني دايسته وقعدت العب فيه برجلي لاني مندمجه على تلفزيوون ولما انتبهة وشفته انهارت اعصابي وقعدت ابجي :krkrkr:اليوم كله واخواني وابوي ميتين من الضحك :krkrkr: :krkrkr:يعني اشلووووووون لوقطوتي والله يمكن انتحر وراها

 

[حكاية شهرزاد]

اي خاصة اذا قطاوة وكلاب .. استغفر الله اذا ربيتيهم جنهم اوادم مو حيوانات .. تخافين عليهم خووف ويحسون فيج وتحسين فيهم ...

بس الكلاب لغير الحراسة مستحيل اربي .. حرام ..

قطاوة ودي ..

 

[مسك الجنوب]

انا كان عندي قطووو 4 سنين وانخط واذبحوه عيال جيرانااا
قعدت ابجي بالشااارع مثل الخبله ورح تحااوشت معاهمم حيونات

ومره خالي عطاني قطوه انثه صغيره حيل عمرها شهرين وكانواا عيالهاا حيل معذبنهاا وقاطين عليهاا مرق رحت وعلاجتهااا

وبعدين لما رديت من الدوام اله قليتها ميته رحت ودفتهااا بالبراحه

 

[حمام شاقني فنه]

>تسويله عزى وتنوح عليه مو بس تبجي

صراحه يكون فيه موآلفه بينكم فأكيد بتفقدينه لي رآح
أهي

 

[حمرة الورد]

انا مافيه حيوان وكتكوت وعصفور وارنوب وقطوه وسمج وسلاحف كلهم اشتريتهم وكلهم ماتو اول شي كنت ابجي بس الحين تعودت بس يضيق خلقي حيل

 

[M.&A. Stuff]

لووول...كل واحد وعوااطفهـــ....

اتذكر خداامتناا اول ماايبنااهاا....تشوف الدجااج واللحم والسمج وتبجيــ...طلعت الاختــ نباتيهــ درجه اولى....

 

[Kawaii GiяL]

مسك الجنوب كسرتي خاطري اكثر قصص اثرت فيني ... شهالييران العقددددددددد قطيعه تقطعهم و تاخذهم و تفكج منهم
انا انقهرت 4 سنين مو شويه هذولا فيهم مرض شلون طاوعتهم قلوبهم يذبحونها

 

[3w!Shni]

انا كان عندي سلحوفة صغيرة

عمرها 3 سنوات ..

كنت احووووووووبها موتن موت

وكلا وياها اوكلها و احطها بمخباتي مالت البجامه وامشي معاها بالبيت ..

بس مرة رجعت من المدرسة ايام المتوسط

و ادورها مالقيتها

امي قالت طلعتها بالحديقة تمتشى

لقيتها ميته

دفتنها تحت النخله وحطيت فوق قبرها قلم خشب يعني قبرها لووول ..

وسويت عزا 3 ايام ..

بس شكلي اصلا كنت شاريتها مريضة ..

فجبيت عليها وامي تضحك علي

ولما طار كاسكوي صكت فيني الدنيا بس ماذكر بجيت ولالا

وفديت قطيوي حبيبي ربي يخليه لي .. يطالعني وانا اكتب وفيه النوم

 

[حنونة المزيوونه]

أكيييييييييد ببجي حيواني جنهم عيالي:eh_s(6):

ذكرتيني بسالفتي المحزنة:0bee2e8d89:....انا مره كنت مسافره ويه اهلي وانا بالبيت عندي طيور وكاان عندي قطاوه بس الحين ماكو للأسف.. المهم..فا اخوي دز لي مسج وقال انه البلبل مالي توفى الله يرحمها<<أنثى:eh_s(11): وجان أبجي بجي وقلبتها مناحة وامي تهديني وتقول هذي الدنيا:denya: ولكل أجل كتاب.. واهي صار لها عندي 7 سنوات يعني مو شوي ماشاءالله وكنت معاها عشرة عمر :eh_s(2):

ومره كتاكيتي ماتوا جان ابجي :eh_s(2): ووايد مواقف صارت معاي..والحين عندي كاسكو ادعوا لي انه الله يطول بعمره مع صالح العمل:eh_s(3):

وألف شكر لج حبيبتي ع الموضووع ((واللي مايبجي ماعنده قلب بصراحة​

 

[ATOoOMA]

انا عن نفسي اكييييييييييييد ابجي على الحيوان الي اكون امربيته لان يكون عزيز على قلبي ومتعودة عليه وبعد اكيد تعبت عليه ومسؤووولية وفجأة يموت اكيد اسوي فلم هندي لان فقدت شي حبيته <<<<<<<<< لا تذكروني في جلبتي اهئ اهئ اهئ اهئ اهئ اهئ