اذا كنتى متهاوشة مع وحدة تروحين تعزينها ولا كرامتج ما تسمحلج

[Drama.Queen]

اي ارووووح

مو لها عشان ربي

 

[بنت العقربيه]

اروح اعزي لانة واجب

ولو تتسامحين منها يكون افضل الدنيا ماتسوى

 

[زهرة جدة]

اروح اعزيها ليش لا

 

[الجووورى]

اكيد اروح اعزيها وبهالمواقف مايحتاج واقله اكسب الاجر وروحتك ابتغاااء مرضاه ربك والواحد ماياخذ من الدنيا الا عمله الصالح
الغريبه لو مابينك وبينه الا السلام تروحين لها مابالج بوحده تعرفينها
وربك يعطيج علي نيتج

 

[FeShinGoOo]

الزعل شي والواجب شي بالعكس يمكن لما اروحها يطيح الحطب وربي يصلح مابينااا ..

والواحد يبين بهالمواقف بالعكس راح تكبرين بعينها ..

 

[dantella]

في وحده كنت متهاوشه معاها زميلتي بالدوام لمن توفي عمي طرشتلي مسج تعزي

 

[طموحه بزياده]

على حسب

 

[المطيريه]

اكيد اروح

يمكن لو كانت عندهم فرح او زواج او تبي تتزوج ما اروح

بس لو عزاء عندها اكيييييد اروح

الدنيا مو ماخذين منها الا الكلمه الطبيه والموقف الطيب والدعوه الطيبه

وكلنا محتاجين وقت ما يكون فراشنا متر في متر انه احد يدعي لنا

روحي اختي صدقيني هذا الشي يكبرج بعين نفسج وبعينها وبعين كل من يعرفكم

غير هذا انتي رضيتي ربج

والله يرحمه جميع موتانا وموتي المسلمين

 

[فيروز خانوم]

اكييييد اعزيها هذا موقف صعب وحساس ومولهدرجه الانسان يصير حقود

 

[JaMoOoNa]

مو ماخذين شي من الدنيا
كلش ما تسوى الواحد يحقد و يشيل بقلبه الله موجود
و أكييييييد أروح أعزي

 

[هاجر الكويت]

اعزيها بكل الحالات حتى لو بيني وبينها عداوه لان الانسان بهالحاله يحتاج من يواسيه ويطيح الحطب بالافراح والاحزان

 

[Ms.Candy]

حبيبتي لازم تعزينها وحتى لو قطت عليج كلام حقريها اهم شي انج سويتين الواجب

 

[اسيرة جروحي]

روحي عزي وصيري احسن منها

والدنيا ماتسوى وبكذا بتعرف قدرك



استغفر الله
سبحان الله وبحمدة سبحان الله العظيم

 

[فطووومة]

اكيد اروح حتي لو مو ماخذه حقي منها

اذا عرس او حفلة واعزمتني مو مشكلة اذا مارحت

بس الا العزا

الله لا ييبه حق احد

 

[NOORALLAH]

عادي اروح اعزيها
لان دائما وقت العزا ترفع كل الزعل والحواجز ​