اذا كانت الام مدرسه اسلامية وكانت البنت متحرره باللبس والمظهر الخارجي فماذا يعني هذا

[Miss Cherry]

انا مادري عن منو تتكلمين بالضبط بس انا هالموضوع بالذات يحرني .. تلقين وحده محتشمه ومتغطيه ما يبين منها شي وبنتها جمبها طول بعرض لبسها يفشل مثل وجهها

انا مو دينه بس اللي يقول مو بالضرورة تفرض الأم على بنتها وتحجبها غصب أقول لا تتحجب بس تلبس لبس مثل البشر ولا يزينها جنبي تتدلع بمشيتها والله اتوطى ببطنها .. البنت على ما تربينها من صغرها

على فكرة انا توني صغيرة مو متزوجه بس تحمست بالموضوع خخخخخخخخخخخخ

 

[MoonDiamond]

:s
جنج تدرين قبل جم يـوؤم سمعت محآضـره قآل فيهـآ الشيـخ ..
انه في مثل ( بآب النجـآار مكسوور )
يعني يمكن في بيت مو مدرسة إسلآميه , ألآ دآعيـه و شيخ , و تلقين عيآله صآيعين و عندهم سوآلف و و و و
فـ مآ يقدرون يغصبون عيالهم و أحبابهم على الدين أو أي شي " إنك لا تهدي من أحببت ، ولكن الله يهدي من يشاء "
اللي عليهم النصيحه و المحآوله فيهم , بس إذآ أهم ما يبون شيقدرون يسوون !؟
يغصبونهم على الدين مثلآً .. مآ يجوز ..

و بالنسبه للي تكلمتوا عنهآ المفروض بدآل لا تلومونها و مادري شنو
تدروون أعذآر لهآ .. , ما تدرون إذا اهي وبنتهآ صآرت احسن مني و منكم ؟


شكـراً

يعطيج العافيه

وانا اعرف شكثر مدرسات اسلاميه مو دينين كلش

 

[MoonDiamond]

انا مادري عن منو تتكلمين بالضبط بس انا هالموضوع بالذات يحرني .. تلقين وحده محتشمه ومتغطيه ما يبين منها شي وبنتها جمبها طول بعرض لبسها يفشل مثل وجهها

انا مو دينه بس اللي يقول مو بالضرورة تفرض الأم على بنتها وتحجبها غصب أقول لا تتحجب بس تلبس لبس مثل البشر ولا يزينها جنبي تتدلع بمشيتها والله اتوطى ببطنها .. البنت على ما تربينها من صغرها

على فكرة انا توني صغيرة مو متزوجه بس تحمست بالموضوع خخخخخخخخخخخخ

.

والله انج صاجه يا بنت عمي

حتى انا اشوف شكثر جذي
والبنت مو صغيره
فوق ال12
وتوها اول فزتها

 

[دايم على البال]

الله يهديهم والحمدالله الذي عافانا مما بتلاهم به

 

[عسلاتي]

مشكورات حبياتي على تفاعلكم الطيب..

انا عن نفسي بس حبيت افهم ليش وكيف..

كلنا عشنا في مجتمع اسلامي وتاثرنا فيه فعلا..

البنت اللي اتكلم عنها مثل ما تقولون يمكن تكون اهي اكثر درايه عني بقوانين وشرائع الاسلام واللي يشوفها يقول انها متفهمه وما اعتقد انها من النوع العاصي لامها..

يعطي من ناحيه عقوق ولا عصيان للام ما اعتقد...

اممممم ابي تفسر يقنعني....

مع العلم انها حاجه,,,

يعني حجيه



يعني زارت بيت الله....


يعني الله يهدينا والله ويهدي جميع المسلمين


اللهم ثبتنا على دينك وذكرك وحسن عبادتك..

 

[$ بنت علمي $]

(انا عرفت عن منو تتكلمين) يدل هذا الشئ ان الام مو قادرة تمسك البنت وغلط انا الام تعلم بنات الناس الدين والالتزام وماتعلم بنتها في مثل يقول ( يامعلم الناس علم نفسك)الله يهديهم هالامهاااات اللي نفس هالنوعية ...................ويهدي البنات و يستر علينا وعلى بناااات المسلمين

 

[مرمووور]

رد : اذا كانت الام مدرسه اسلامية وكانت البنت متحرره باللبس والمظهر الخارجي فماذا يعني

تدروووووون ويين المششكله ان امهاا عااجبهااا وتشجعهااا
استغفر الله يااربي

 

[عسلاتي]

بنت علمي ومرموور شاكره تواصلكم وتعليقاتكم..

 

[يا حبنـي له..}]

رد : اذا كانت الام مدرسه اسلامية وكانت البنت متحرره باللبس والمظهر الخارجي فماذا يعني

اكيد الام ماخذتها كمهنه فقط..والا جان ماطلعت بنتها جذي

 

[brettey]

رد : اذا كانت الام مدرسه اسلامية وكانت البنت متحرره باللبس والمظهر الخارجي فماذا يعني

اشهر مذيعه بالكويت ومشتهره بالدلع امها مدرسه اسلاميه وماهي جم مره تقول بمقابلتها هالشي
بس ماتذكر شنو العلاقه بينها وبين امها بس كله تقول انها دلوعه البابا

 

[كريستال ليدي]

الله يستر على المسلمين
الناس ما يخلون احد بحاله

 

[nawarii]

الله يستر على الجميع

بس هو في النهايه اقتناع

 

[p!nkiya]

الله يهدي الجميع حليمه بنت كويتيه حلوه بس دلوعه وتعجبني لما ترد على اي احداومذيع يحاول يحرجها ترد بلباقه وتسكت الي جدامها بس بادب وامها مالها شغل لان البنت كبيره ومتزوجه وان شاءالله مايكون الموضوع نظام حش قبل رمضان:080402ask_prv:

 

[blue diamond]

باب النجار مخلع

 

[Flower20]

رد : اذا كانت الام مدرسه اسلامية وكانت البنت متحرره باللبس والمظهر الخارجي فماذا يعني

مو شرط مدرسة الاسلامية تكون ملتزمة دينيا
فيه بعضهم يدشون هالتخصص لانه سهل او ما كان عندهم خيار ثااني

 

[~*~الملكة~*~]

سبحان الله باب النجار مخلع

ويمكن هذا يكون ابتلاء للام ان بنتها تطلع جذي الله يهديها


اصلا وايد تذكر بلقائاتها ان امها كانت رافضه والابو مشجعها

وانتو ادرى ان دور الابو وكلمته اقوى من الام


ومدرسات الاسلاميه في هالوقت مو كلهم داشين هالقسم حبا فيه

ولكن مجبر اخاك لابطل يعني نسبتهم اسمحت لهم بهالمكان او تم القبول الاول

في هالكليه وبعدين صار صعب انهم يحولون


في مدرسات اسلاميه يسمعون اغاني ويحشون بخلق الله


الله يهدي الجميع يارب :eh_s(7):

 

[آلمترٍفه ِِِ~]

حبيبتي وآجد آعرف بنآت جذي


يمكن آمهآ تكون مآخذه مآده آلآسلآمييه كـ وظييفه بس

يعني مو مطوعه

شكثرر آعرف آبلآت آسلآمييه تشوفينهآ ، تقولين مستحيل آبلة آسلآمييه وبنآتهم جذي آو آلآبله نفسهآ تسرفآتهآ ولبسهآ مآتقولين دآرسه آلشرييعه

 

[كسرة عود]

رد : اذا كانت الام مدرسه اسلامية وكانت البنت متحرره باللبس والمظهر الخارجي فماذا يعني



حبيبتي صج هذا الشي يعور القلب حيييييييل

أنا مراااااات أشوف مرة كبيرة برقعها عليها وبنتها ورااااااها أطول منها بنطلوووون ضيق وأتحسر علىيها من جهتين جهة الدين والعادات والتفاليد

ولفت نظري رد وحده تقول

تنااااااااقض

هذا واهي مربية الاجيال عجزانه

تربي بنتها !!!!!

صدقيني التربية لها دور بس هم أقوووووووول الله الهااااااادي

 

[كسرة عود]

رد : اذا كانت الام مدرسه اسلامية وكانت البنت متحرره باللبس والمظهر الخارجي فماذا يعني


وأذكر مرة بالجامعة حضرت ندوة حق الفنانة شمس البارودي بعد مااعتزلت وكااااااااان مايبين منها ولاشي حتى حاطة غطا فوق النقاب وبنتها

معاها بنطلون جنز وموووووو حلوة مثل أمها .......شوف العين شايفتها