اذا في وحده مناشبتج دها تعرف شاللي بطنج ... شتسوين معاها ؟؟؟

[๓ίşś зśŏłả..!]

مآدري آنا اشوفهآ عآدي واقول للكـل لمآ كنت حآمل رفيجآتي واهلـي يسألوني واقول لهمـ
بس عآد مو بهالطريقه المفروض تحس قولي لهآ مو مبين بالسونآر

 

[توكلت على الله 22]

اقول لها كله كم شهر وتعرفين

واشراح اجيب اكيد يابنت او ولد

جذي تحرجينها وتفهم قصدج

 

[ghadeeeer]

أهم شي الصحة والعافية والجنس يا بنت يا ولد
بالنسبة لي من أتأكد من جنس البيبي أصور نتيجة السونار وأدزها لأهلي واتسأب يعني عااااااااااااادي جدا جدا ما عندي أي مشكلة بموضوع جنس الجنين واللي يسألني أقوله لأن الجنين يا بكون يا بنت يا ولد ماكو شي ثالث
بالنسبة لصاحبتج هذي صج غثيثة وريحي راسج وقولي لها قالوا لج 50 % بنت و50 % ولد وبسسسسسسسسس خليها تخمن علي كيفها

 

[! بــدويه وآآيــد !]

،


الله يعينج حبيبتي اوووف قطيعه هالناس تبط الجبد

احنا الي من اهلنا مايعلمون كلش بس متوقعه 10000% بيسألون وصـراحه ماراح اعلم الا اهلي وزوجي وووبس

اذا دقت لاتردين واذا سألتج قولي لها مسكر رجوله

 

[-فلانة-]

انا وحدة من الناس ما يهمني سألوا والا ما سألوا،، أجاوب و انا شاقة الكشرة بعد..
عندي يقين كامل إنه مافي شي فوق إرادة الله سبحانه،، إذا الله كاتب حق هالضنا ينولد راح ينولد، عين الحريم أقوى من إرادة الله؟؟؟
وكلي أمرج لله ولا تحاتين هالسالفة وايد، عسى الله يتمم عليج..​

 

[مس عسولة]

بنات واللللللللله المشوفوحه الي تحسد
ان حريم حمواني ثنتين وحده عندها 6 بنات الله يحفظهم هي الي تذكر اسم الله وتهلل
والثانيه 3 صبيان و3 بنات هذي الي مناشبتني وتسال وتدقق بالبطن مع اني من احمل تاكل جسمي حكه وترتفع انزيمات الكبد يعني من احمل 4 شهور وادش المستشفي لما اولد
تقول خدامه حماتي ماما انتي جيب بنت كنت حامل بجري بنت والثانيه بنت الحمد لله نعمه اهم شي الصحه والصلاح المهم جان تلف علي تقولي صج عاد بنظرة فرحة وابتسامه شاقه الويه
جان اقول اييب الله خير
جان تندقر اي والله
وسدت الحلج
بحمالتي بالثانيه تقولي وانا قاعده مع ريلي وحمواتي الي بجرها مو ولد مالها لذه الثاني ولد عادي مو حلو اهم شي البجر وريلي يسع يعني لو فيج ولد حلاته بجر
المهم عقل ناقص وهبله والي يحر حاطه روحها دينه
المهم جان اقولها متي احسن من الرسول عليه الصلاه والسلام
خيركم من بكر بانثي
جان تلف ويها ولا هامها
ولما ولدت اخذي كلام هم البنات وووووو
جان اقولها الحين الولد اخوف من البنت بهالزمن
واخيرا الله لايحرم احد من بنت ولا ولط اهم شي الصحه والعافيه والقناعه
والله يرزق كل محروم ويرزق بنت عمي ان شاءالله قولو اميييين

 

[انسام الكويت]

توجي حبوبه اولا هاذا شي شخصي مو اي حامل ملزومه تعلم خلق الله القريب والبعيد

اللهم الاهل القراب امي ام ريلي اختي حماتي عادي بس عاد وحده شغل مداحر بكل حمله قاعده تناشب

شنو جنس البيبي هاذي ينخاف منها واقضوا حوائجكم بالكتمان محد له خص يتلقف ويسأل شنو جنس البيبي

انا اختي اللي اهي اختي ماتلقفت وسألت بنفسي اقولها شلون لو وحده غريبه نظام فضول انزين ماردها بتعرف شحقه

هالشفايه ماحب الناس اللي جذي قطيعه ولو وحده مثل هاذي تسألني بقول لها لي ولدت بيج الخبر لاحقه او اقول اللي

يجيبه الله كل شي منه حلو اهم شي العافيه والصحه الزينه وعيب هالاسأله ندري انه بيكون الل بالبطن يا بنت او ولد بس

ماله داعي هااللقافه اللي بتعلم بتعلم من نفسها واللي ماتبي تعلم ي راجع لها ويخصها اهي وريلها اهم شي

استوددعي اللي فبطنج وقتنا هاذا محد يعطي خير لازم اكو حريم عرات وعيونهم حاره*

 

[العوبأأأ]

عادي قولى لها
الي يجي من الله حيالله ​

واذا نشبت انشبت قولى انا الحامل
ماتحمست كذا هع​

 

[كويتيه مذهله 87]

مبين انج خايفه من العين
ترى الي يخاف من العين هو الي يتضرر

والي يخليها علي الله الله يحفظه

 

[كويتيه مذهله 87]

وبخصوص سؤالج


اذا وحده ناشبتني اقولها ما اجذب ولا اتهرب لان بالاخير بولد وبتشوفه

حتى لو عقيمه او ماعندها الجنس الي انا حامله فيه بقولها عاااااااادي

الله الحافظ

 

[كويتيه مذهله 87]

حبوبه انا عندي بنت واحب البناااات
بس كل شوي تسال وادق وتقول راجعتي او لااااا
شنو اللي بطنج ، هذي شسوي فيهاااا !!!

اذا دقت لاتردين وان شفتيها مباشره قوليلها مراجعتي بعد شهرين ما ابي اسوي سونار الا بعد شهرين

 

[attoosh]

والله جنج تدرين بالحاله اللي امر فيها حاليا رفيجتي يننتني كل يوم تسالني سويتي سونار فقلت بجذب عليها وبقولها فيني بنيه وافتك من حنتها مع العلم مادري شنو فيني بالضبط

 

[Q6RYA]

انا بس عندي ملاحظه علي الناس الي كل شوي طايحينله شالمشكله قولي! وشبيطلع يعني! اكيد بنت والا ولد بيكون كائن فضائي يعني!

ندري بنت والا ولد يس هذي حريه شخصيه في ناس تحب تخليها مفاجآه لان خير حلو ومناسبه حلوه حاله حال فستان عرسج ماتروحين تروينه الناس قبل يوم عرسج وتقولين عادي يعني بالنهايه بلبس فستان بلبس وزار يعني شرايكم بهالكلام بالله هذي حريه شخيصيه والبنت متضايقه ومن لقافه بعض الناس هي مب قصدها تحسدها والا ماتحسدها بس صج في ناس يركزون بطريقه تخرع تحسون من الملل الي بحياتهم مراقبين حال الناس الله يكافينا شرهم

الصراحه انا للحين ماقررت اذا عرفت الي ببطني بقول والا لا بس سواء علمت والا لا كيفي مو عقده ولا خوف من حسد الله الحافظ انشالله ولاني منتقده الي تقول او ماتقول بالنهايه

حريه شخصيه

وشكرا

 

[@سيدة نفسي@]

^^^^^

معااااج مليون ٪ :eh_s(15):

 

[أم ملاس]

الله يحفظج
والله انا اشووفها حريه شخصيه اني اقوول ام لا وبعدين اهي ماتستحي كل شوي طامره تسال ياخبر بفلووس باجر ببلاش
مادري ليش شايله الهم ..
ما احب هالنوعيه من الحريم فيهم حسد موو طبيعي ..اللي تحب تقوول خذيت سوونار وطلع ......واللي ماتحب بتقوول مومبين لام رجوووله ومن هالكلام
وانا طبيعتي مااحب اعرف اللي ببطني ....والحمد لله اللي رزقني من الجنسين

 

[قمري]

انا دايما اقول واريح راسي

 

[مرووووج]

قولي لها كلمه تسكتها وهي :


الله اعلم

 

[أشبـاهـ المطـر]

عـادي حبيبتي
ببساطه لادقت لا تردين عليها

بعدين شفيج تسبقين تاخذين من غسالها ؟؟
اهو بين شنو فيج عشان تاخذينه
عموماً الناس البسيطه والي على نياتهم
دايماً يكونون حنانين وفيهم لقافه مثل ما يقولون
يمكن اهيا عبالها انج تبين تعرفين بسرعه واهيا من
خبرتها تشور عليج البوكس ؟!



بصراحه انا ما علمت لانهم مايسألون
مسوين فيها كونان ويحللون شكل بطني
وانا بس ابتسم


والي بصراحه يقولونها بكل اريحيه وصراحه
شنو بطنج ؟؟
اقولهم احب اكون لطيفه معهم والموضوع صراحه
ما يستاهل لو انهم مو مهتمين بأمـري جان ما سألوا


والله يصلح الحال والذريـه ​

 

[غند-777]

انا عادي اقول للي يسال والحمدلله ربي الحافظ وحتى يوم حملت بالتوام الكل درى ويوم اسالوني شنو الجنس قلت لهم بس للامانه حمالي هذا ماعلمت الا حماتي بجنس البيبي لاني اكتشفت انهم ما يعلمون واذا سالتي يتهربون فقلت حتى انا ليش اعلم عندهم اني خبله و مااداري نفسي

 

[غند-777]

لدرجه مرت حماي مره رايحه تسوي سونار يوم ردت سالتها حماتي شنو ببطنج جان تقول السونار مال المستشفى خرب مت من الضحك قلت اكيد ولد لانها اذا بنت علمت الحمدلله والشكر للعلم انا عندي ولله الحمد 3 عيال الحمدلله وخاطري بالبنت بس اقول اهم شي الصحه والعافيه طولت عليج بس لاتحطين ببالج يمكن جذي بلاغه شف قولي مو مبين