اذا في وحده مناشبتج دها تعرف شاللي بطنج ... شتسوين معاها ؟؟؟

[الدنيا غير]

سوي نفسي انا اقولها البيبي مسكر ريوله ومو عارفه شنو بالضبط
يالله تغثني هالنوعيه .. ​

 

[Meeesh]

انا اقولهم للحين مو مبين مو عشان شي بس لاني احب تكون مفاجئه لهم يعني لما يعرفون اني ولدت يتشوقون ويسألون ها بنت ولا ولد بس عشان هالسبب لا اكثر ولا اقل

 

[● عـِـِـِزۈة آخ‘ـَـۈاْنـهـآ «-~]

اقوووووولها


يابنت ياولد ههههههههه

 

[يادنيا ياغراابه]

قوه حبيباااتي

انا بحملي الاول في وحده ماتت بس بتعرف بشنو حامل انا

مع اني حامل بنت بس ماقلت لهاااا!!!

انا في البدايه تعجبت بتعرف شاللي بطني وانا اول حملي وتزن ع راسي استخدمي المنتجات
مثل البوكس عشان اعرف ولد والا بنت وبعددين كل شوي تسالني راجعتي او لااااا ؟ وشنو جنس الجنين ؟؟؟

واخر شي قلت لها انا معاهده زوجي مااقول لاحد !!!

وولدت وتعبت بحملي ولادتي !

والحين انا حامل ودقت تسال بكل براءه عن جنس الجنين ؟؟ هذي ماتابت ؟!! وبصراحه خرعتني !!!
وخلتني اخاف على نفسي والبيبي ! خصوصا انها مايابت الا بنات ! والنعم بكل البنات وانا عندي بنت

بس ليش جذي مناشبتني ؟ لدرجه صار ويها احمر مرا لما امي قالت بضحك بهالمعني ( الله يعين اخو بنتج )
وامي ماتدري شنو اللي بطني بس ليش ويها قلب !!!!

البلشه انا اضطر اشوفهااا من فترا لفترااااا !!!!!!


بالله عليكم شلون اتصرف معاهاااا !!!!!!!!!!!!!

خلينا نفكر كيف نتصرف معك اول بعدين معها البنات مهن عيب تعيرينها بانها تجيب بنات استغفر الله العظيم ماتخفين الله يبتليك ؟؟؟؟؟؟؟؟؟؟؟ وبعدين انا اشوف ان اخفىء جنس الجنين قمة التخلف
والرجعيه يانااااااااااااااااااس ياعااااااااااااااااااااالم حنا 2012ولاهااللحين فيه هالعقليات اكيد بيصير
ياولد يابنت يعني بيطلع كائن من الفضاء؟؟؟؟؟؟؟؟؟؟؟؟؟؟؟؟

 

[ام اغلى الناس]

عندنا وعندج خير
يكرهوني بالحماله
المشكله انهم مايعلموني بس يبوني اعلم

 

[ألماسة الخليج]

خلي ايمانج قوي
وقولي لها العلم عند الله سبحانه
اخاف اقولج بنت يطلع ولد ولا اقولج ولد ويطلع بنت وبعدين تقولين كذابه

 

[ام الحلوااات]

قــــولــــي مـــــره قــــااالــــــــــو لـــي ولـــــد ومــــره قـــــالــــــو لـــي بـــنـــت وانــــا مـــخـــلـــيــتـــهـــا عـــلـــى اللـــه اهـــم شــــي اولــــد بـــاالــســـــلامـــه ويــكــــون الــبــيــبـــــي بــصــحـــه وعـــافــيـــه
بــــس خـــوفـــك مــن هــــاالــكـــلام تـــفـــهـــم انـــج حـــــــااامــــــل بــتـــــوأأأأم وتــتـــــوهـــقـــيــــن​

 

[нάγoηά cнεмίsтяγ]

عادي اقولها شللي فبطني شالمشكله

 

[Bedor-al.3taiby]

اي شالمشكله قولي
حامل يعني شالمشكله ياتيبين ولد او بنت نفس باجي الاوادم
ولا لايكون حامل بلولو طبيعي ؟
مـٱډڑي شلون تفكرون

 

[مثايل الوفاء]

اناااا ازعجووني
والي يقول شكله بنت والي يقوول ولد
قلت لهمم كله اشهررر ويبين عااد يصيب احساسكم ولايخيب
وهوومررده طالع للدنياااءوتعرفون جنسه مااله داعي تعررفوون الحين
انااالي يغثني الي اذا سالتيه قالت مااعلم وتسال خيرران شاءالله

بعدين شكووو راس الجنين ياصااحبة المووضوووع

 

[حصووونه]

انا صج بحمالي مره قالو بنت ومره قالو ولد وخفت ااكد المعلومه وتطلع عكس واتفشل خليتها جذي لي الثامن اكدولي بنت وعلمت عادي انا عندي قناعه الحمال خلاص محد يخشه شخباري ولا حتى نوع البيبي يعني ولد ولا بنت نفس الشي

 

[حبيبي مالكني]

صفي النيه
اذا ماتبين تقولين لها انتي حامل بشنو قولي لها
وترى البنات نعمه ورزق من الله لا هو عيب ولا حرام يكون عندها بس بنات
والله يعطي كل وحده الي تمناه

 

[Zaina-al-zaina]

انا ياحلوات موقصدي بنات او صبيان

انا او شهر لي الثالث جنس الجنين مايبين !

واهيا كل شوي تدق وتقول اشتري البوكس اللي تعرفين ان فيج ولد او بنت !
وتحاول تقنعني وانا اقول تو الناس ! وتسالني متى مراجعتي ! وشنو صار ؟ عرفت او ماعرفت ؟

يعني ماتقول اهم شي العافيه ! لاااا بس همها تعرف بشنو حامل وانا همني العافيه ! ليش هالحشريه الموطبيعيه !

انا اللي صدمني اكثر انها ليش دقت علي قبل فترااا وتسال راس البيبي اي صوب ؟ ع طول ماسولفت معاي ولا قالت اشلونج مع الوحام والحمال
ودعت الله يهون علي ، مباشره تسال الراس اي صوب شهالسخف ! هذي اشلون افتك من شرها خل يكون اللي بطني اللي يكون ليش تفكر فيني ؟؟؟
ليش شاغله بالهاااااا ؟ شتبي من وراي ؟؟؟؟؟


هالناس حيل تخوف !!!!

 

[غنج بدويـه]

شكلج تعطينها وجه صح
الحل وقفيها عند حدها..
انا عن نفسي لو اعرف النوووع اعلم عادي بس مو الكل !!

 

[Zaina-al-zaina]

صاجه اعطيها ويه

من غلاة اهلهااا بس احاجيهااااا !!!

والا ودي مااكلمهااااا!!!!

 

[عنووشه]

ياكثر هالنوعيه

ولا تقول اكيد بنت فيج او اكييد ولد فهمتي يعني تتوقع وتاكد من نفسها


بس انا اقول بنت ولا ولد كلهم نعمه من ربي وخلاااااص

 

[عطاء أنثى]

هههههه
انا بعد بالشيني ع جنس المولود




فقمت اقول ماشفت ولا ابي اشوف


اللي من الله حياه الله

كلها كم شهر ان شالله واعرف انا وانتوا.
وفي امه خير اللي يسأل مره ثانيه

 

[سحايب برنس]

الحمدلله والشكر
انتوا بصراحه مادري شلون صايرين هالمره عندها ضنى وخايفه من عينها شلون لو ماعندها شتسوين
لا وتبين غسولها بعد الحمدلله يارب ع نعمتك علينا انا اول حمل وكل من سألني قلت له بنوته ولو انها ولد بقول ولد كله من الله المانع المعطي
اما سوالف التخشش والتشكك بالناس الله يعينج عليها من يومنا وهذا سؤال طبيعي لكل حامل ترا حتى القطاوه تحمل

 

[سحايب برنس]

اذا غاثتج قوليلها اشكره فلانه انتي ماتسالين لا عني ولا عن صحة البيبي ع طول الجنس
لهدرجه هامج تصرفج مو حلو وانا اعرف نوعه بس مالي خاطر اعلمج خليج صريحه وواضحه احسن من سوء الظن يمكن تشرح لج وجهة نظرها

 

[شـيـوخـهـ]

ابعرف ليش جذي عقليات الناس يعني علشان عندها بنات خايفه تطقج عين حمدلله والشكر انا بنت ولا ولد ماعندي مشكله اعلم يعني شنو بتجيبين يابنت ياولد وبعدين مافي غيرج حامل بلعايله علشان تناشبج وتبين تاخذين من غسولها

عفوا برد عليج اختي لان ردج لفت نظري

انتي لج وجهه نظر نحترمها ان بنت ولا ولد بتعلمين هذا شي راجع لج انتي من طبعج ماتفرق معاج واكيد من النوع الي يقول القطاو بالشارع تحمل صح هذا رايج وطريقتج وانتي حره

بس انا من النوع الي ما اعلم وما حطيت العين ولا الحسد في بالي ولا يوم مرت علي هالسالفه
حتى بيني وبين نفسي بس عندي قناعه الناس مو شغلها تعرف شنو فيني وشنو جهزت لانها
ماراح تجهز لي البيبي ولا اهي بتشيله عني ! وايماني بالله قوي وان الي الله كاتبه بيصير والبنت والولد رزق من الله بس ارب واقول مو شغلهم يعرفون وللعلم ما اعلم الغرب اهلي واهل زوجي اعلمهم بس اوصيهم لا تقولون لان ما احب الناس كلها تسولف حامل وفيها جذيه هذا رايي ووجهه نظري يمكن ناس تختلف معاي بس السالفه سالفه قناعه !
وما اخش اذا ولد بس لا بالبنت والولد ما اقول اقول الي يجي من الله حياه الله واسكت مع ابتسامه لان طبعي ما اسآل بتفاصيل حياه غيري جم لج ومتى ولادتج واي شهر واي الي تبي تقوله لي تقوله ولي مو حابه تعلم فيه بالعكس اسكت واحترم رايها


بخصوص صاحبه الموضوع لا تردين عليها عاادي بلاغه شف هذي بعيد عنج قولي الي يجي من الله حياه الله وبس ابتسمي وخليها تسكر الموضوع