اذا عندي الف دينار شلون اقدر اخليها تتكاثر ؟

[y7lok_7loho]

شلون الاكتتااب

 

[AFRoDiT]

اشتري بضاعه بقيمه بسيطه مو بـ الالف كلها

يعني بمبلغ تقدرين تعوضينه ..


وانشالله تتوفقين في مجال التجاره

 

[go0omar]

اناا نفس الحاله ودي ادش بكتتاب .... لاكن يبلها خبره ... بالنسبه للتجاره اناا احس هذي افشل تجاره مضيعت وقت على زياده نص وله دينار والاغلبيه مايشترون

الله يرزقنه انشاءالله

 

[flowe_99999]

صاجه بس لو اعرف الكتتاب جان دشيته وحده متحمسه ههههههه

 

[خاشووقه]

1000 ما تييبلج لا ارض ولا شقه
سواء بالكويت أو بره الكويت كل شي غلا
وذا نويتي على ارض لازم تزيدين المبلغ

وذا هالمبلغ ودج تستثمرينه ومالج شغل بالتجاره
يا انج تكتتبين .... والحين سمعت البنات يقولون انهم بيفتحون شركة اتصالات ثالثه
وعلى العموم اعلانات الاكتتاب تتنتشر بالجرايد

و هم تحطين فلوسج ابنك وتحطينهم بالحسابات اللي فيها ربح
مثل حساب الجوهره ... والدانه

يمكن الله يرزقج و تفوزين

وذا عرفتي غير هالفكرتين نورينا

 

[سحيله_الحلوه]

اكو شركة جنه اسمها باز .. تبيع شقق بالبحرين اللي بالسنه اسبوع نفس نظام برج زمزم بمكه ... الشقه بـ1300 دينار اخذيها استثمار مو لازم تروحين كل سنه يعطونج نسيت جم بالضبط تقريبن بين 250 و300 دينار لمدة 30 سنه .. حلوو
والله يوفقج ويرزقج ان شالله

 

[المديرة الصغيرة]

الحل الأمثل ان اول شي نثقف نفسنا بموضوع الاستثمار


و الحل الثاني، الصنااااااااديق تنفع لج

شوفي في مدوّنتي سلسلة عن الاستثمار توعوية، و واصلين حق الصناديق

 

[بنت العرب]

حاولي تزيدنها ودخليها وديعه

 

[الكشخة]

صندوق استثمار ي أو اكتتاب

 

[غاية الكيف]

اذا عرفتي تستثمرينا علمينا

والله يوفقج

 

[bombo]

عطيني اياها علشان ترتاحين ماتفكرين شنو تسوين فيها خخخخخخخخخخخخخخخخ _03ba:



احسن شي اكتتاب او اذا وديعه احسن مكان يعطي ارباح بيت التمويل بس طبعا الالف ماتيب وايد بس 50 دينار و لا 40 بالسنه

 

[تعبتني طيبتي]

بيت التمويل يعطيج .. إذا إقل من خمس ألاف .. يعطيج .. تقريبا 40 عالألف. ..

بس لو يصيرون .. 5 ألاف .. يطلع فايده عالألف .. تقريبا 80 .. دينار. .



بس عالأقل ما تصرفينهم ..

أنا عندي جم ألف .. والله قعدت أصرف أصرف بخبال .. وانا عندي معاش بسيط ..

ما أشتغل ..

والله لين خذيت اللي بقى وقطيته وديعه .. عشان لا ألعب فيهم لين أحصلي شيء ينفعني .. وأكثرهم ..


إذا ما قدرتي تزيدينهم إفتكي منهم وقطيهم وديعه لا يطيرون. .

 

[akadenia]

الوديعة عليها زكاة يعني الالف عليها 25 دينار والربح 60 دك
يعني

60 - 25 دك = 35 دك بس

ف انا برايي اشتري ذهب ول صعد وهو يصعد مع النفط والنفط بارتفاع بيعيه عند الحاجة

 

[أم وهابي]

خشيهم الحين نازله الاتصالات الثالثه اكتتبى بطاقتج وبطاقات اخوانج بحد اعلى الالف هذى بعد سنتين تصير 4 الاف

 

[حب من طرف واحد]

الف والله شوية
بس لمل تصير ثلاثة تقدري تشتري ارض بالسعودية القرى حيل رخيصة

 

[كـ غلا ــلي]

انا من راي البنات المبلغ يعتبر بسيط حطيه باسهم ولا اكتتاب اهواا الافضل بالنسبه لج

او اذا انتي شاطره بالتجاره يبي بضايع غريبه وبيعيها خو ماكو على الكويتيتن يح-بون المشترا بس لازم شي غريب ويديد

 

[بطوووطة الكويت *-*]

حبيبتي مالج إلا الاكتتابات عندج الاتصالات الثالثة تنزل نص شهر 8 بس طبعاا ما راح تقدرين تحطين الالف كلها بأسمج لازم توزعينا بأسامي اخوانج او أعيالج وانشاءالله بعد سنتين اذا اندرجت الشركة في سوق الاوراق المالية حوليهم كلهم بأسمج وهذي طريقه حلوه بس حاولي تنسين الفلوس وما تبيعين الاسهم

 

[ما على الدنيا عتب]

بضاعه من دبي

 

[حنين3]

للرفع

 

[أعرف قدر نفسي]

الوديعة عليها زكاة يعني الالف عليها 25 دينار والربح 60 دك
يعني

60 - 25 دك = 35 دك بس

ف انا برايي اشتري ذهب ول صعد وهو يصعد مع النفط والنفط بارتفاع بيعيه عند الحاجة

حتى الذهب اذا شريتيه بنيه الاستثمار لازم عليه زكاة وحتى الاسهم ( والله أعلم)