اذا عرف السبب بطل العجب. ساعدووني الله يخليكم

["Om 3AzOoZ"]

اول شي لازم تهدين اعصابج حتى لو تذكرتي كلامه وحيييل تعورتي بس قوي قلبج اذا لبستي لبسي حق نفسج واذا كشختي كشخي حق نفسج خليج صديقته انسي انج مرته ادري صعبه بس خليج قويه اهو حبها قبل لا تصير مرته معناتاا مرو بمرحله الاعجاب والصداقه وبعدها الحب انتي خلي يمر معاااج بهالمراحل لاتنطرين الحب من اول شي وخصوصا انه توه طالع من تجربه كاسرته خليييج انتي الغشه الي يتعلق فيها بس لا تبينين له انج ميته عليه ولا تبينه مثل ما قلت لج خلكم اصدقاء خل يتقرب منج وشوفج مثل ماكان يشوف الي قبل وصدقيني راح احبج كل شي يصير بس بالتدريج وهو قالج انه شاريج ومايبي يفرط فيج وهذا شي زين خلج ذكيه واخذي قلبه خلي لج عالمج الخاص خليه يتشوق اهو ويتشفق انه يدشه خليه اهوا الي وده تحبينه اليوم قبل باجر في مقوله تعجبني ( يجب على المراه ان لا تتسول الحب) خلي الحب اي لي عندج مو انتي تروحيله سمعي كلامي وشوفي النتيجه لانه الريال ما يحب المره الي تييله كثر ما يحب المره الي يتعب على مايوصل لها.

 

[sosowaty]

ساعديه

 

[بخـــارى]

الله يهديه ادعي انه ربج يسخره لج وينسيج الي قاله

 

[هميان]

امبين انه يحبهاا ممكن اتكونين احلى واحسن منها بس ماشوف الا هي

والعتب عليه هو لانه انتي مالج ذنب .. مالج الا ربج تلجأين له هو اللي بيقلب الموازين

الله يسخره لج ويقذف بقلبه حبج وينساهاا

 

[نونه المنكوشه]

والله حبيبتي اول شي استخيري وشوفي نفسج قادره اتحملينه لين اتخلينه ينساها ويحبج اوك ماقدرتي واتحسين بتموتين من التفكير قوليله خلاص كل واحد بطريج والله يعوضج بس بقولج شغله تري مافي غيرالله احسن من الدنيا ومافيها من البشر القلوب بيدالله والله القادر يغير قلبه لاتلجئين اله لله ادعي كثر ماتقدرين وبإذن الله بتغير حالج للاحسن

 

[Nice day]

مشكورين بنات. نصايحكم وايد حلوو ااا. وريحتني. واخس قادره اني اتبعهااا. والله يسخره لي
بالفعل شي صعب وايد.

بس شسوي هذا النصيب

الحمدالله رب العالمين

 

[Patcholli]

القرار راجعلج
اما تفارقين او تصبرين لين ينسى

 

[جنزبيلا]

جدامج حلين :

1. لو شايفه انج ماتبينه وموقادره تتحملين ولا حتى تحاولين بيكون الانفصال
2.تكملين هالمعركه وبذكائج تنسينه طوايفها

شلون ؟؟؟؟؟؟؟؟؟؟ صعبه ؟

انا اقولج شلون بس لو مو ناويه تطبقين خلج عالحل الاول

وادري انج بتحاولني من كلامج مبين انج ذكيه وواثقه بنفسج وبعد مبين ان اهو يبي يتغير واعترافه لج بهالشي بدايه الحل لو كان مو ناوي يتغير ويبي ينفصل وبايعج جان ماصارحج بهالشي ومثل ماحنا عرفينا ترى قويه عند الرجل يعترف بحب لانهم يشوفونها قويه بحقهم ..

ماعلينا نجي للاهم ..

كونه اعترف هذي خطوه ايجابيه منه ولازم تستغلينها لان الحين مالج عذر ومو محتاره بسبب بعده عنج لا حبيبيتي الحين وضحت لج الصوره وتقدرين تتصرفين .. ادري صعبه وموقف يتعبج بس انتي قدها (( وكيدهن عظيم )) بالحق طبعاا


سمعيني دام قالج خلج راح احبج بعدين هذا يدل ان يبي تعطينه فرصه وجنه يقولج بالعربي يابنت الحلال حبيبيييني فيج خليني انساه واحبج .. << ووهذا المطلوب ..

نبدا بالخطه ..

تقريبي له بطريقه حلوه مو تلززق ترا بينفر منج اكثر .. وسوالف الاغراء تو الناس عليها ( اقصد خليها غير مباشره مو تبين له متعمده تغرينه .. جنج بريئة مو ناويه الاغراء وترا حتا لو قالج ماشوفج ولا كشختج بيكون جذاب .. لانه قال انتي حلوه .. لو صج مايشوفج جان ماحس بهالجمال .. والرجال نفس الجاهل بسرعه يتعلق بالشي ..

خلاصه عالشي تعطري كشخي خلي علاقتج فيه عاديه لاتبين اهتامج لهالسالفه .. قعدي معاه مره قعدة صراحه وقولي انا بسوي نفسي ماسمعت اللي قلته وبكمل حياتي طبيعيه معاك.. مابي منك شي . خاف الله فيني وبس

وطبعا بعدها كل شي بيصير حبه حبه خلج ذكيه وحببيه فيج بس مو سالفه الاغراء والفرش << طبعا شي مهم ويجذب اكثر بس لاتخلينه شي اساسي خلج تعاملي معاه جنه جاهل صغير كاسر خاطرج بينج وبين نفسج طبعا لاتبين له اهتمام زايد بيقول تتلزق وينفر منج

قوي علاقتج باهله قعدي معاه حاولي تلفتين لج بدون لايحس..
مممم مثلا طفي الكهربه بالليل وبيني انج خايفه وانخشي وراه . ممم طيحي نفسج بعيد عنه علبونج زلقتي وناديه وانتي تكونين متعطره وكاشخه .. سوي اشياء غريبه تجذبه حسب اهتماماته اذا نام او قبل لايقعد نامي على ايده وسوي روحج نايمه واذا قعد علبونا متفجاه وخري عنه ههههههههه وهيك حركات نص جم


اشتري لعبه دفتر تلوين اشغلي نفسج لاتخلينه اكبر همج وبيني له انج عايش حياتج وقايمه بحقوقه
علي يوم خططي لطلعه مع اهله وسوي جاي ووعصير وحلو وقوليله اعزم امك خنقعد ع البحر وجذي

توددي منه بطريقه تبين له مو عشانك عشان روحي ان اابي جذي


ولاتنسين الدعاء والاستغفار ولا تتهاونين بنفسج انتي تقدرين
اصلا لو انج قاريه هالموضوع لوحده غيرج جان عرفتني انج بتقدرين تعطينها حلول وسهله تطبقينها انتي حاليا


وع فكره ل اللي يصير لج ابتلاء من الله يعني اله يحبج ياحظج


اي خلي هالشي سر بينج وبينه لاتقولين لاحد مهما كان وقوليله الشي بيكون بينا مابيك تطلعه لبره اهو بيفهم ان انتي بعد حافظه سره


مممم مادري شنو ناسيه ماقدر .. طبعا لاتنسين بهاراتج يعني مره بالشهر جذي من يدخل قومي بوسيه وفقدتك بس مو كل يوم قلنا مانبي تلزق
هالاشياء الخفيفه تعلق اكثر
بالعربي صيري رفيجته عشيقته

والله يسهل عليج ويسخره لج

طمنيانا شيصير معاج
واي شي تبين حاجيني خاص
بايوو

 

[فمـــان الجــرح]

الله يسخره لج يارب

البنات كفوا ووفوا ..

 

[شادن33]

حراام ليش قالج ان يحب وحده ولين الحين بقلبه !!!!الله يهديه
حبيبتي احنا مابنقولج تكشخي والبسى لان مابفيد ع قولته
خليها مساله تحدي بينج وبينها واكسبيه من كل النواحي وقوي قلبج
وكلام الاخت moim اقرب للصحه تعاملي عادي وباسلوب راقي يدل على اصلج
والله يسخره لج

 

[jowree]

وراج درب الله يعينج بس انتي او اهوا
عاملي باسلوب و ذوق و ذرابه و ثقلي عليه حسسي ببرود الريال يحب الثقيله علي
و كشختج لج انتي مو له اهوا و خلي يحس انج عايشه حياتج و محتاجه حبه
اهم شي تكونين قويه و ما تستسلمين اذا تبينه بس اذا ما تبين و تشوفين السالفه ما تسوا خلي يولي مالت عليه يعني تبين الصج وقح​

 

[Nice day]

جنزيلااا كلامج. وااايد حلوووو ونريخ. وبالفعل بديت اسوي جذي
وانا ان شالله راح اتعامل معاااه باسلووب عادي.


وان شالله الله يسخره لي



ماتقصروووت. وااايد

 

[امـ خــزامـى]

ياربيييييييييه كتبت كلام وانمسح


بس بختصرلك وبكون صريحه معك الرجال ماينسى حبيبته مو مثل الحرمه ياعين امي عليها كلمتين من زوجها تنسى اهلها مو حبيبها

والشي الثاني زوجك حساس ويجاملك ويبيك انت اللي تبادرين بالطلاق عشان ماتنجرحين

فابقولك شغله اتمنى تعجبك وتنفذينها وهي بمعنى اصح اختبار

اطلبي الطلاق وازعلي وقولي ماغصبك علي دام قلبك وعقلك مع غيري الله يهنيك وانا الله يوفقني مع اللي يسعدني ويهنيني وخليييك واثقه من نفسك وحسسيه ان بعد فيه احد يحبك وشاريك بالتلميح مو بالتصريح

شوفي اذا صدق شاريك ويحاول ينساها مارح يطلق وبيحاول فيك وبيقنعك تصبرين عليه وانه بيتغير

هنا بقولك اصبري عليه واسمعي نصايح البنات لانها كلها صح لو كان صدق شاريك حتى لو مايحبك

لكن اذا طلللللللللق الحمدالله اختصر الطريق عليك والله يعوضك



تقبلي صراحتي واعذريني ياقلبي وربي حاسه فيك ولو حابه تستفسرين اكثر
راسليني خاص لاني مريت بتجربه

 

[كويت الاناقه]

الله ييسر امرك

 

[»βαzεя«]

يا بعد قلبي انتي .. استغفر الله يوم قلبه معاها ليش خذاج .. لعب يهال اهو .. الله يصبرج ويهونها عليج .. حبيبتي الحل واضح .. بس لا يرد القضاء الا الدعاء .. ماتدرين يمكن ينقلب 180 درجه ويبدي يحبج .. الله يسخره لج يا رب

 

[أعشقه]

لاحول والله شي يضيق الصدر
تسوين كل ماعندك عشان تجذبينه لك وتحسسينه بوجودك وبكل بساطه يقولك ماحس بوجودك ..
يعني انتي مو مقصره وهذا حضك ..
طيب دام قلبه للحين معها ليه يتزوجك ويعور قلبك ..
ع العموم الافضل انه قالك ع كل شي منها انتي ترتاحين وع قولتك انه بدى يعاملك بدون مجامله وهذا شي ايجابي
انتي الكوره بيدك الحين .. اذا ناويه تبقين معه وماتبين تنهين حياتك هذا راجع لك .
تحطين لك برنامج تمشين عليه وتحاولين تجذبينه لك بالكلمه الحلوه با الاسلوب بكل شي ..
ادعي ربك ان يغير حالك ويغيره ويجعل حبك في قلبه .. وربي يغير الاحوااال..
الله يعينك ويسهل امورك ..

 

[shak!shoka]

ما يستحي صراحه


خلاص خليه ع كيفه و لا اتعبين عمرج معاه
البنت صارت طليقته يعني ماله امل فيها
اخر شي يمل و ينساها و اهيا انشالله تتزوج

الله يهديه لج

 

[Nice day]

طليقته او بالاصح حبيبته تزوجت وخلفت. مرت حماي قالتلي هالحجي قبل سنه كنا نسولف
قالي لو تطلبين الطلاق ماكو طلاق انا ماخذج ومابي اطلقج تبين تزعلين يوم شهر شهرين كيفج
واليوم قالي
انا ابيج. ولاتزعلين مني. بس شي مو بيدي وان شالله كل شي يصير مثل ماتبين
وقالي بعد عيد زواجنا قرب لاتنسينه



انا عارفه بنات الحب الاولي مستخيل ينساه كانت اول تجربه حب في حياته وانتهت بالزواج وماعمرت الا شهور ملجه اكيد بينصدم
قالي لمن قررت اتزوج كنت حاس اني ناسيها
ولمن شفتج حسيت فعلا اني ناسيها
بس مجرد ماارتبطنا بعد شهرين حسيت لا وقالي كله من اهلي



خل اقولكم بنات
يعني مرت حماي لمن تقعد معاي تسولف عنها وعن المشكله اللي صارت وووووو. وفي اشيا تهليني ايي واسال بس ماقالتلي كانوا يخبون بعض
ونفس الشي خواته
ولمن يبت بنتي امه قالتلي اسمها قريب من الاسم اللي اخترتيه لبنتج قلت شدعواا.
وريلي سمع هالشي بس ماعلق

اهله قالوله دير بالك تقولهاا انكم كنتوا تحبوون بعض.

وقالي كنت دايم استغرب انهم يفتحون الحجي معاج ويخلووج غصب تيين وتستفسرين


فكنت كل ما بديت انسي اتذكر

 

[جنزبيلا]

جنزيلااا كلامج. وااايد حلوووو ونريخ. وبالفعل بديت اسوي جذي
وانا ان شالله راح اتعامل معاااه باسلووب عادي.


وان شالله الله يسخره لي



ماتقصروووت. وااايد

الله يوفقج ولاتمسين لاحد خلج ع طبيعتج
:eh_s(17):

 

[جنزبيلا]

طليقته او بالاصح حبيبته تزوجت وخلفت. مرت حماي قالتلي هالحجي قبل سنه كنا نسولف
قالي لو تطلبين الطلاق ماكو طلاق انا ماخذج ومابي اطلقج تبين تزعلين يوم شهر شهرين كيفج
واليوم قالي
انا ابيج. ولاتزعلين مني. بس شي مو بيدي وان شالله كل شي يصير مثل ماتبين
وقالي بعد عيد زواجنا قرب لاتنسينه



انا عارفه بنات الحب الاولي مستخيل ينساه كانت اول تجربه حب في حياته وانتهت بالزواج وماعمرت الا شهور ملجه اكيد بينصدم
قالي لمن قررت اتزوج كنت حاس اني ناسيها
ولمن شفتج حسيت فعلا اني ناسيها
بس مجرد ماارتبطنا بعد شهرين حسيت لا وقالي كله من اهلي



خل اقولكم بنات
يعني مرت حماي لمن تقعد معاي تسولف عنها وعن المشكله اللي صارت وووووو. وفي اشيا تهليني ايي واسال بس ماقالتلي كانوا يخبون بعض
ونفس الشي خواته
ولمن يبت بنتي امه قالتلي اسمها قريب من الاسم اللي اخترتيه لبنتج قلت شدعواا.
وريلي سمع هالشي بس ماعلق

اهله قالوله دير بالك تقولهاا انكم كنتوا تحبوون بعض.

وقالي كنت دايم استغرب انهم يفتحون الحجي معاج ويخلووج غصب تيين وتستفسرين


فكنت كل ما بديت انسي اتذكر

لاتسمحين لاحد يتكلم بهالموضوع ولو تكلمون بدون لاتطلبين منهم قولي لهم مايهمني الماضي انا مستقبله وماحب اتكلم بهالسالفه

شوفي زوجج شقال شوفي الاشياء الايجابيه وعندج فرصه عيد زواجكم خططي لقعده صريحه معاه بدايتها نقاش بس ها نقاش وحده عاقله كاشخه متزقرته قويه وذكيه..

وتوعدوا ماتبطلون هالمضوع بالمره قوليه كنوع من الاحترام لي مو اكثر ومشاعرك ماتحكم فيها انا .. وبعدها عطيه هديته ويفضل تكون هديه في نوع من الغرابه ونسيه لايكون شي تقليدي من زوجه لزوجها لا غيري
مثلا احجزي له عشان له وربعه ودفعي الحساب ويروح وربعه يتعشا

او تذاكر سينما له ولربعه

وثاني يم طبلي كيكه نزليها لاهله وقعدوا معاهم

لاتبين للناس انكم على خلاف طيعيني :eh_s(17):

مممم وترا كلامه دليل انه شاريج ديريبللج تفكرين بالطلاق ترا كلام الناس مايرحم ومحد يحط العيب بالزوج ديما الزوجه اهي الغلطانه..

وبالنهايه بعد عيد زواجكم يكون اتفاق ان ههالسالفه تسكرت ومع الوقت بتنسون وبيضحك علي نفسه ويقولج يابعد طوايفها :eh_s(17):