اذا شفتي موضوعي مستحيل تدخلين بيتج هالاشياء

[حرم راشد الماجد]

بسم الله الرحمن الرحيم



السلام عليكم ورحمة الله وبركاته



شلونكم ا امهات السنع

ادري بتقولون هذي فاضيه وماعندها غير بنتها تجرب عليها وتيي تكتب لنا شصار معاها :krkrkr:

بصراحه اي ماعندي اهم من بنتي حبيبتي وصحتها واكيد انتتو مثلي بس مكسلين شوي


انا نزلت موضوع من قبل عن الاكلات اللي يحبونها اليهال بس هي مو صحيه واني حاولت استبدلها بالاشياء اللي تكون اقل ضرر عليها


بس هالمره ماراح اتكلم عن صحيه ولا مو صحيه بس


بوريج هالفيديوات وعقبها اذا لقيت تشجيع بكمل


شوفي هالشهيه اللي عيالنا يحبونها واحنا نحبها بعد لانها سهله بالتحضير

وشوفي شلون يصنعونها

http://www.youtube.com/watch?v=a9Hsrrrjp6A

وشوفي هالشهيه اللي احنا نحبها قبل عيالنا بعد

وركزي معاي
‫الشيف العالمي جايمي أوليفر يفضح مطاعم الوجبات السريعة‬‎ - YouTube


هاااااااااااااا اكمل ولا كافي ؟؟؟؟!!!!!

 

[M!SS.LOBY]

يعطيج العافية عالموضوع

 

[الفيلة العصلة]

كملي شوقتيني ابي اعرف اكثر مع اني مو متزوجة بس حب معرفة بالاكل

 

[الفيلة العصلة]

بس سؤال طريقة الصنع في الكويت تختلف ولا مثل أمريكا واوربا يعني امي الله يحفظها تشتري مال المواشي طعمة حلو نقانق ومرتديلا

 

[c a t w o m a n]

الكل يدري بس وين الوعي

يعطيج العافية

 

[Cute mama]

انا وايد اركز على اكل عيالي قطعت الهوتدوغ والمرتديلا ماقمت ادخلهم البيت حتى المشروبات الغازيه ماقمت ادخلها ولا اشرب جدامهم لانه مايصير امنعهم من شي وانا قاعده اشربه الا للضروره طبعا اذا طلبنا من مطعم او رحنا عند ناس وكان في يهال وياكلون هالسوالف اعطيهم
اكل المعلبات ماستعمله الا للضروره
حتى الجبن قمت اكرهه شوفي فيديو باليوتيوب للدكتور سام مع فوزيه الدريع
يقول الاجبان وااايد مضره
الله يقول كلوا واشربوا ولا تسرفوا
يقول احنا اسرفنا لانه ماتدرين شكثر كمية الحليب اللي يستعملونها على شان يطلعون شوية جبن
ويقول قلاص الجبن مضر اكثر من الزقاره
ماتقدرين تمنعينهم من هالسوالف لانها موجوده بكثره وبكل مكان والياهل بخاطره يجرب كل شي بس تحاولين كثر ماتقدرين تبدلين الشي باللي احسن منه
الهمبرجر مثلا الدياي مضر اكثر من اللحم لانه فيه مواد حافظه اكثر
البيبسي استبدليه بعصير او حليب
وهكذا

 

[حرم راشد الماجد]

بس سؤال طريقة الصنع في الكويت تختلف ولا مثل أمريكا واوربا يعني امي الله يحفظها تشتري مال المواشي طعمة حلو نقانق ومرتديلا

هلا حبيبتي لا ماتختلف لانه المكون الاساسي للنقانق والمرتديلا هو بواقي اللحم في كل مكان حتى اللي يسوونه الجزارين وتقدرين تسألينهم

في قطع من الذبيحه ما تنباع فيطحنونها ويطبخونها مع بعض ويبيعونها بالشكل اللي شفتيه في كلللللللللللللل مكان


ولاحظي ان النقانق والمرتديلا طعمهم مو لحم

 

[حرم راشد الماجد]

انا وايد اركز على اكل عيالي قطعت الهوتدوغ والمرتديلا ماقمت ادخلهم البيت حتى المشروبات الغازيه ماقمت ادخلها ولا اشرب جدامهم لانه مايصير امنعهم من شي وانا قاعده اشربه الا للضروره طبعا اذا طلبنا من مطعم او رحنا عند ناس وكان في يهال وياكلون هالسوالف اعطيهم
اكل المعلبات ماستعمله الا للضروره
حتى الجبن قمت اكرهه شوفي فيديو باليوتيوب للدكتور سام مع فوزيه الدريع
يقول الاجبان وااايد مضره
الله يقول كلوا واشربوا ولا تسرفوا
يقول احنا اسرفنا لانه ماتدرين شكثر كمية الحليب اللي يستعملونها على شان يطلعون شوية جبن
ويقول قلاص الجبن مضر اكثر من الزقاره
ماتقدرين تمنعينهم من هالسوالف لانها موجوده بكثره وبكل مكان والياهل بخاطره يجرب كل شي بس تحاولين كثر ماتقدرين تبدلين الشي باللي احسن منه
الهمبرجر مثلا الدياي مضر اكثر من اللحم لانه فيه مواد حافظه اكثر
البيبسي استبدليه بعصير او حليب
وهكذا

حرقتي علي باقي الموضوع :krkrkr:

احب الامهات الواعيين وخصوصا بموضوع الصحه

بس ترا الاجبان اللي تنباع بالكيلو ما منها خوف لانها اولا مافيها مواد حافظه وثانيا مصنوعه بالطريقة التقليديه وراح احط فيديو تعليمي لصناعة الجبنه

وبالنسبه للبيبسي حبيب الشعب فعلا انا قطعته من بيتي نهائيا مع اني كنت مدمنه بس :eh_s(4): خلاص حكمت عليه بيتي يتعذره >>>>>>>>>> اعصابج

وراح نبدل كل الاشياء المصنوعه من المترديه والنطيحه بأكل نظيف وصحي

 

[حرم راشد الماجد]

ألحين بتكلم عن البطاط الي ناكله بالمطاعم او نشتريه جيس شكبره وسعره ما يتعدى 1 د.ك


المطاعم اذا بيغرونج ما يقولون لج نكبر لج الصمونه لا يقولون نكبر الشيبس والبيبسي مقابل 100 فلس فقط


ليييييييييييييييش ياترى

البيبسي

شركة بيبسي تتفنن انها تبيع كميه اكبر بسعر اقل ونلاحظ ان القوطي

الممشوق القوام سعره 100 فلس

الفرق بينه وبين المتين 50 فلس فقط واحيانا اقل

والفرق بينهم وبين البطل العود اللي يكفي ل10 اشخاص هو 200 فلس فقط

ونفس الطريقه مع المطاعم في اتفاقيه بينهم ان البيبسي ينباع الحجم الكبير منه بفرق بسيط ببينه وبين الصغير

يااااااااااااااااااااااااااااااكرم اخلاقج يا شركة بيبسي دايما تفحمينه بهالكرم الطائي

السبب ان شركة بيبسي مو خسرانه خساره لما تكبرلج حجم العلب لان العلبه تحتوي على

مياه غازية ، شراب فركتوز الذرة المركز ، لون الكراميل ،السكر ، حمض الفوسفوريك ،الكافيين ، وحمض الليمون والنكهات الطبيعية

وهذي كلها اشياء مضره وغير مكلفه ولاحظو كلها احماض


فلما تعطيج العلبه الكبيره بفرق بسيط هي االكسبانه مو انتي


وهذي الاضرار المثبته مخبريا

يجب التأكيد على أنه يحتوي على عنصر من حامض الفوسفوريك، وغيره من المشروبات غير الكحوليه المماثلة، قد تكون ضارة على صحة العظام في الرجال والنساء على السوا. في بعض الدراسات تم العثور على آثار تكون أكثر وضوحا لا سيما في الإناث. بيبسي وغيرها من المنتجات المماثلة تحتوي على كميات كبيرة من السكر، الإفراط في تناول السكر هو أحد العوامل المساهمة في تطوير أنواع معينة من مرض السكري. السكر هو أيضا أحد المساهمين الرئيسيين في تسوس الأسنان. فان اشباع بثاني أكسيد الكاربون في هذا البيبسي وكذلك معظم المرطبات يمنع بعض الكالسيوم، في حالات نادرة للغاية، يمكن أن يؤدي إلى هشاشة العظام. وبالإضافة إلى ذلك، للدايت متغيرات عالية الحمضيه، الذي هو سبب تدهور السن المينا مما يجعل من التسوس بسبب كمية السكر أكثر احتمالا. هذا بصفة خاصة عندما تتفاقم كمية الشراب وعند تناوله على فترات طوال اليوم

حامض الفسفوريك :

حمض الفوسفوريك (بالإنجليزية: Phosphoric acid) هو حمض معدني بالصيغة الكيميائية H3PO4 يسمى أيضاً أورثو حمض الفوسفوريك. يمكن لجزيئات أورثو حمض الفوسفوريك أن تتحد مع بعضها البعض لتشكل العديد من المركبات التي يطلق عليها اسم الأحماض الفوسفورية , وهو حمض يستخدم في صناعة الأسمدة .


مشكورررريييييييييييييييييين يا شركة بيبسي الكريمه على الدمار الشامل اللي تصدرينه لنا


تابعوني مع مكونات البطاط

 

[حرم راشد الماجد]

ألحين نكمل مع حبيب الشعب 2


البطاط المقلي

البطاط في بعض الدول متوفر بكثره فيصدرونه بعد ما يتم تصنيعه بهالطريقه
‫صناعة البطاطا المقلية‬‎ - YouTube


سهله ونظيفه وتهبل وما منها خوف ولكن

هل اللي ناكله بالمطاعم هو نفس النوع من البطاط
هذي تجربه

على بطاط مصنوع بالبيت وبطاط من المطعم <<<<<< وانا سويتها وتأكدت منها وتقدرين انتي تسوينها وتتاكدين مثلي

‫

 

[حرم راشد الماجد]

وهذا يدل ان هذي اصلا مو بطاط طبيعي

هذا بودره البطاط نفس اليي تنباع بالجمعيات مخلوطه مع مواد حافظه ونشا لكن بكميات رهيبه عشان تحافظ على شكلها والا هما مضطرين يقطون كل اللي يقلونه وما ينباع

وهذا مو كلامي انا

‫حلقة "فوائد الوجبات السريعه" مع د.عبدالله المطوع ج2‬‎ - YouTube

سموعه في الدقيقه 1.4

 

[Cute mama]

لووووول سوري حدي مشتطه ههههه يالله بس ماكتبت كل شي بالتفصيل متااابعتج ومنج نستفيد قو اهد

 

[miss-jmjm]

اشوا انا لابيبسي ولاخرابيط بس الهمبورجر اييب امريكانا والبطاط في البيت
وشلون عالمطاعم السريعه نفس ماكدونالدز او هارديز انا للامانه كلش مااوكل ولدي الا مره بالشهر بس مواكثر

والجبن احب كرااااااافت ماقدر مع التوست طعمه اينن لوووول

 

[حرم راشد الماجد]

اشوا انا لابيبسي ولاخرابيط بس الهمبورجر اييب امريكانا والبطاط في البيت
وشلون عالمطاعم السريعه نفس ماكدونالدز او هارديز انا للامانه كلش مااوكل ولدي الا مره بالشهر بس مواكثر

والجبن احب كرااااااافت ماقدر مع التوست طعمه اينن لوووول

توني يايه اكتب عن الاجبان والنوتيلا وهي من الاشياء المفضله للاطفال


لحم برجر امريكانا ما يختلف وايد عن اللي شفتيه والدليل

انج لو تروحين تشترين لحم بقر مفروم ناعم وتحطين عليه ملح وفلفل اسود وتشوينه بتلاحظين ان حجمه تقريبا ما يتغير وايد

اما اللي تشترينه من الجمعيه يفقد من حجمه وايد وهذا يدل ان يحتوي على اشياء ثانيه غير اللحم الصافي

وثانيا طعمهم مو نفس الشي

ولو تلاحظين احيانا وانتي تاكلين البرجر يمر عليج شي جنه مطاط ؟؟؟ هذا اكبر دليل ان هذا مو لحم صافي والاكيد ان اللحم الصافي فيه ما يتعدى 30%

 

[حرم راشد الماجد]

اي طفل طبيعي يحتاج دهون بس ياترى يحتاجها بهالكميه تدرين ان قفشة جبن قلاص تساوي 2 ملعقة من السمن الحيواني


لان نصها زيت ونصها الثاني جبن

شوفي شلون يسوونها

يمكنك صنع جبن سائل بنفسك بخطوات بسيطة جداً وتكلفة لاتذكر
تحتاجين فقط إلى
- علبة من الحليب المُكثف غير المُحلى
-ملح ( ملعقة أو أكثر كمان تفضلين ملوحة الجبن ) - أنا إستخدمت ملعقة صغيرة واحدة
- ليمون ( أيضاً بحسب مستوى الحموضة الذي ترغبينه ) - أنا استخدمت ليمونتين صغار
- زيت بحسب الكمية التي ترغبين في صنعها وإلى أن تتكثف الجبنة

علبة الحليب المُكثف الغير مُحلى لونا تحتوي على كوبين من الحليب ( المعيار المستخدم هو كوب الجبن )

أنا استخدمت كوب واحد فقط

أما الطريقة فهي في منتهى السهولة وهي كالتالي

نضع كوب الحليب في الخلاط ونضيف إليه ملعقة الملح وعصير الليمونتين
ونشغل الخلاط ونقوم بإضافة الزيت إلى أن يتكثف الخليط ويصبح جاهزاً

النتيجه النهائيه

هذا اللي تبي تسويه بالبيت صج ان متروس دهن ولكن لا يحتوي على الاحماض ولا صوديوم ولا مواد حافظه ولا منكهات ولا اشياء مشبوهه

اللي دايما يرمزون لها بحرف E ومعناها EATABLE ويمه ارقام تبتدي من 110 وتنتهي 145 وهذا معناته مواد قابله للاكل ورمزها 110 انزين ليش مايذكرونها طالما هي شغله عاديه

لان هالاشياء لو تنذكر منظمة الصحه العالميه تحظر استعمال المنتج فيحطون نسب بدون اسماء ومنظمة الصحه تدري بس مطنشه نظام ماشفنا بعيونا

 

[حرم راشد الماجد]

ستدفع شركة فيريرو التي تصنع شوكلاته نوتيلا 3 ملايين دولار في قضية رفعتها امرأة في ولاية كاليفورنيا بسبب إعلان مضلل يزعم أن نوتيلا طعام صحي وفقا لفوربس.



وكانت الشركة قد زعمت في إعلان تلفزيوني إن شوكولاتة نوتيلا هي طعام صحي رغم أن بضعة ملاعق منها تحوي أكثر من 200 سعرة حرارية و11 غ من الدهن، نسبة كبيرة منها من الدهون المشبعة مع 21 غ من السكر، أي ما يعادل ثلاثة قطع شوكلاته كبيرة. ويعد المنتج المذكور من فئة "وظيفية" من الأطعمة أي تلك التي تزعم أنها صحية لكنها ليست كذلك، بل يتم الإيحاء بأنها صحية بأساليب مضللة كثيرة. وأشارت إ ف ب أن الشركة ستدفع " أربعة دولارات لكل علبة نوتيلا بيعت في الولايات المتحدة منذ العام 2008، للبت في دعوى جماعية تقدمت بها في الأساس أم من كاليفورنيا اكدت فيها انها لم تكن تدرك ان "نوتيلا" دسمة بهذا الشكل. وسيدفع فرع شركة "فيريرو" الايطالية العملاقة، في الولايات المتحدة اربعة دولارات لكل علبة نوتيلا تم شراؤه في كاليفورنيا بين آب/اغسطس 2009 و23 كانون الثاني/يناير 2012، والولايات المتحدة بين كانون الثاني/يناير 2008 والثالث من شباط/فبراير 2012.وهذا المبلغ لن يؤثر كثيرا على الشركة التي سجلت ارباحا مريحة العام الماضي. وتعهدت شركة "فيريرو" بتعديل بعض التصريحات الواردة على علبة "نوتيلا" وتفصيل عناصر التغذية. وعلى المستهلكين ان يرسلوا طلبهم قبل الخامس من تموز/يوليو (لا يمكنهم ان يحصلوا على اكثر من 20 دولارا كتعويض) قبل أربعة أيام من تثبيت المحاكم التسوية نهائيا. وكانت اثينا هوهينبرغ من كاليفورنيا تقدمت بشكوى في شباط/فبراير 2011 مشددة على ان فيريرو تروج لنوتيلا "على انه مثال لطعام الفطور المتوازن واللذيذ" وبانه "صحية اكثر مما هو عليه فعلا". وقالت انها "صدمت عندما اكتشفت ان نوتيلا ليست غذاء +صحيا او مغذيا+ وبانه افضل بقليل من السكاكر وانه يحوي على مستويات خطرة من الدهون المشبعة".





وقد نفت فيريرو هذه الاتهامات. وقالت ناطقة باسم فيريرو لوكالة فرانس برس في رسالة الكترونية "نعتبر انه من مصلحة الشركة إن تبت بهذه المسائل وقد أبرمنا اتفاقا مع الاطراف المعنية". ومكونات نوتيلا الرئيسية هي السكر وزيت النخيل والكاكاو والحليب الخالي من الدسم. ويباع هذا المنتج في اكثر من مئة بلد وقد وضع وصفته العام 1944 بيترو فيريرو في البا في شمال ايطاليا. وبعد وفاته العام 1949 بقيت الشركة التي تنتج أيضا السكاكر "تيك توك" في كنف العائلة.

وهو اصلا مافيه اي فائدة تذكر لان النوع الزين من الكاكاو هو المر

وهذي طريقة صناعته بالبيت




نبدأ بالمقاديييير:


علبة قشطة أي نوع معلبة طبعا
ملعقة كبيرة زيت
ملعقتين كبار "ملعقة أكل"مسحوق الكاكاو البودرة
خمس ملاعق كبيرة مليانة نيدو
ملعقة صغيرة نسكافيه
بيالتين سكر مطحون نااعم جدا جدا "بيالة شاهي"
ظرف كريم كراميل ولو تطحنيه يكون أحسن
ملعقة صغيرة فانيليا


وبسسسسسسسسسس


تضعي كل المقاااادير في الخلاط الكهربائي وتخلطيهم زييييييييييييييييييين زييييييييييييييييييييييييين حتى تذوب تماما ومايبقى ولاذرة سكر ولا ذرة حليب وصبيها في مرطبان زجاجي واحفظيها بالثلاجة لحين الاستخدااااام


هذه صورة لتطبيقي وهنا بعد ماخلطتهم وهذا الخلاط اللي استخدمته

اذا عيالج يحبونه وايد ومضطره عليه سويه بنفسج ومثل ماقلنا لا فيه نكهات ولا مواد حفظ ولا اي مواد قابله للاكل مجهولة المصدر

 

[miss-jmjm]

سؤالي ادري سخيف بس لحم البقر المفروم الصافي من وين اييبه

 

[حرم راشد الماجد]

سؤالي ادري سخيف بس لحم البقر المفروم الصافي من وين اييبه

من محلات اللحم

تقولين حق القصاب ( الجزار ) ابي لحمه هبره واختاري اللحمه اللي يكون فيها الشحم منها وفيها يعني جنه خطوط بيضه بين اللحم مو قطعة شحم

 

[حرم راشد الماجد]

مثل هذي يعني ولما فقصينها بصبعج تكون يابسه

 

[miss-jmjm]

حبيبتي والله
حبيتج بدون مااشوفج والله انج طيبه وتفيدين الكل
الله لايحرمنا منج ودخلتي قلبي
الله يوفقج انتي وبنتج واهلج ويعطيج على قد نيتج الصافية