اذا سويتها بالويكند اداوم عادي ؟

[:: Diva ::]

السلام عليكم





















حبيباتي لو اسوي تحوير
باي باس

بالويكند اقدر اداوم على طول ؟

و لا شكثر اخذ اجازه ؟

 

[laura mercier]

والله ما أعتقد ...كل عمليه يبيلها راحه ...والراحه بعد العمليه اهم خطوه بعد الجراحه ...

 

[:: Diva ::]

شكثر حبي ؟

 

[عمري الخالد]

اتوقع حبيبتي لازم راحه لان اهم شي الراحه واعتقد اسبوع كافي والله يتمم عليج

 

[بنفســـــج]

انا 10 ايام وداومت بعدها

 

[:: Diva ::]

سالت يوم الخميس دكتور مصري قال عادي سويت العمليه حق امريكيه و من باجر داومت بس اهي قويه


عاد انتو مدلعها لووووول و مثل المصريات تحبون الراحه عادي 3 ايام و تداومين ؟

 

[Turquoiseya]

يبيلج اجازة مو قصيرة عشان ترتاحين وتتاقلمين على الوضع
الدوام كرف ويمكن يسبب لج سايد افكت

افضل انج ترتاحين على الاقل اسبوع

 

[:: Diva ::]

000000000000000000000000000000

 

[LuLiTa]

سويها بالويك اند و خذي اجازة اسبووع ,, مع الويك اند اللي عقبه رااح يصيرون 10 ايام ,,,حلوين ,,,يعني عقب العملية ممكن تلاقين احد يجابلج و يشوف طلباتج مثل ريلج و لا امج و لا اختج ,,لانه ما في ارتباطات دوام ,,يمروون ساعة ساعتين و يمشوون ,, و بهالاسبووع يمديج اتريحين عقب التخدير و اتشوووفين اذا فيج شدة اتسوين اشغال البيت الروتينية ,,سبحان الله يمكن جسمج يبيله وقت رااحة معين ,,, و على اخر الاسبوع يكوون الجسم رد لطبيعته و لنشاطه ,,, و بالويك اند اللي عقبه اتكونين مطمنة لسلامتج ,,,, و الراحة النفسية اهم شي يا قلبي عشان اتشوفين النتايج اللي اتسرج ,,,


و بالنسبة لانجليزية ف حسب كل واحد و طبيعة جسمه و قدرة تحمله ,,,,

 

[حرم الحوت]

اب اب اب لعيونج

 

[لؤلؤية]

سالت يوم الخميس دكتور مصري قال عادي سويت العمليه حق امريكيه و من باجر داومت بس اهي قويه

مستحيل
هذا يقص عليج...
لانه البربيش يبيله يومين الى ثلااااثة على ما يشيلونه
اهو يمكن يبي يوصل لج انها سهلة وايد...والاخ بالغ فيها شوي
لانه العملية تبيلها راحة اسبوع عالاقل اذا مو اكثر

 

[:: Diva ::]

صار معلوم فديتكم
شكرا جزيلا بنات

 

[مزيان]

حبيبتي الدكتور يعطيج اسبوعين راحه
وماتنحسب عليج طبيه لأنها دخول مستشفى يعني مايحسبونها اسبوعين بالضبط
وخل يكتبلج اجرت عمليه بس لايقول شنهي العمليه عادي انا دكتوري جذي
والصراحه يبيلج بعدها نقاهه يعني لازم تتحركين بس مو كراف
وبالسلامه مقدما