اذا خطبج واحد مطلق مره وحده توافقين

[غريبه بين الناس]

بنات موضوعي مبين واحد خاطبني بس مطلق مره وحده والصراحه انا ما أخفي عليكم يقولون انه اهوا طيب حيل بس ليمن شفت بروفايله ب إحدى برامج التواصل الاجتماعيه من غير ذكر الاسامي انه كان حاط ايميله وضايف بنات في الرنامج نفسه إلي حاطه صورتها واهيا منسدحه والثانيه فاله شعرها ...تضايقت من هالشي وقالوا لي طليقته اهيا موزينه وشرايكم انتوا

 

[Tom ♥ Jerry]

,


كل الي عندهم تويتر يسوون فولو حق بنات عآدي !
استخيري آحسن حبيبتي

 

[-فلانة-]

سألوا عنه حبيبتي و كثفوا السؤال..
أكاونته بمواقع التواصل الإجتماعي ماهو مقياس لصلاحيته كزوج من عدمه..
كما أن طلاقه لا يعني بالضرورة إنه شخص سيء أو إن طليقته إنسانة سيئة..
قد يكون بكل بساطة عدم توافق الطباع بحيث استحالت العشرة بينهم..
ربي يكتبلج اللي فيه الصالح إن شاء الله.​

 

[KOKO_284I]

سالوا عنه مو تاخذون بكلامهم بس واستخيري

 

[ms mooka]

سألوا عنه حبيبتي و كثفوا السؤال..
أكاونته بمواقع التواصل الإجتماعي ماهو مقياس لصلاحيته كزوج من عدمه..
كما أن طلاقه لا يعني بالضرورة إنه شخص سيء أو إن طليقته إنسانة سيئة..
قد يكون بكل بساطة عدم توافق الطباع بحيث استحالت العشرة بينهم..
ربي يكتبلج اللي فيه الصالح إن شاء الله.​

وانا مع كلآم خيتي

والله يوفقج

 

[اميره1980]

انا ريلي الله يرحمه كان مطلق مره وحدة و كان اروع و احسن انسان بالدنيا
مو شرط طلاق الزوج ان المشكلة منه بس الله ما وفق بينهم
و بالنسبه ان ضايف بنات ترا اغلب الشباب جذي يضيف ناس ما يعرفهم
انا عندي بتويتر 90 % من اللي ضايفتهم ما اعرفهم بس ناس محترمين و ما اسولف وياهم شخصيا بس اشوف تغريداتهم

 

[عادت ذكرياتي]

سئلوا عنه أكثر واكثر وحاولوا تسئلون إمام مسيدهم إذا يشوفه يصلي ولا لأ وسئلوا عنه بدوامه وييرانهم


مثل ما قالت الاخت مو شرط هو مو زين او هيا مو زينة يمكن عدم توافق ^_^


والله العالم ...

 

[لمى الهاجري]

الي في تويتر ما عليج منهم ودام انه رجال طيب استخيري

 

[الدنيا لحظه**]

لاتاخذين مطلق مشاكل انتي في غنه عنها يمكن يرد مرته شدراج لاتقطين نفسج بشي موقده انا زووجي اخذته مطلق بعدين رد مرته الاوليه وصارتلي مشاكل مالها تالي

 

[هيبة ملك]

بعض يتزوج عشان يحر طليقته وترد

أنا أقول بعد السؤال عنه استخيري وماخاب من استخار

 

[toota87]

التويتر مو مقيااس
واذا خايفه يرد زوجته
سالو جم طلقه طلقهاا
وهل بينها وبينه اعيال
اذا ماكو عيااال
نسبه ردتهاا له ضعيفه
وانتي استخيري واذا زين توكلي علي رب العالمين
وربي يوفقج ويرزقج

 

[blue ocean]

سألوا عنه حبيبتي و كثفوا السؤال..

أكاونته بمواقع التواصل الإجتماعي ماهو مقياس لصلاحيته كزوج من عدمه..
كما أن طلاقه لا يعني بالضرورة إنه شخص سيء أو إن طليقته إنسانة سيئة..
قد يكون بكل بساطة عدم توافق الطباع بحيث استحالت العشرة بينهم..

ربي يكتبلج اللي فيه الصالح إن شاء الله.​

انا معاها :eh_s(15):

وكثفوا اسأله عنه واخذي فتره لين ترتاحين​

 

[rose2012]

سوي استخاره محد يقدر يفيدج اهني
سوي استخاره و نامي يوريج بالاحلام اذا زين او لا في بنات يسوون و ينامون يحلمون بشكل الخاطب ويهه اسود و يرفضون ع طول فسوي و الله بيوريج حقيقته

 

[غريبه بين الناس]

بنات يزاكم الله خييير حبايبي بستخير وربي يكتب إلي فيه الخير إن شاء الله
واهوا عنده بنت وحده عمرها سنتين وكانت بينهم مشاكل بالمحاكم والحين. انحلت

 

[-فلانة-]

عنده بنت؟؟
أهني شوي تتعقد الأمور حبيبتي..
لما يكون في بيبي لابد يصير في اتصالات و احتكاكات بين الرجل و طليقته..
وإحتمالية إنه يردها على عصمته تصير أكبر..
حطي في بالج إن لابد راح يكون هناك اتصالات و لقاءات بين الرجل و طليقته..
و ممكن حتى في أوقاتكم الخاصة يحوشه اتصال من طليقته..
لو البنت بعد الشر عليها استمرضت و الا تعبت راح تتصل..
اجتماع أولياء أمور و ما شابه راح تتصل..
معاملات رسمية تخص البنت الأم راح تتصل..
يعني علاقته ماراح تنقطع نهائيا بطليقته..
إذا إنتي قادرة على هالشي و تتحملين وحدة تتصل على زوجج في أي وقت..فتوكلوا على الله و ابتدوا بالسؤال..
إذا بعدج صغيرة أو منتي مستعيلة على الزواج..تروي..واستخيري..وأعيدي النظر في الموضوع حبيبتي..
ربي يكتبلج اللي فيه الخير إن شاء الله.​

 

[al-musk]

اهلج لازم يتاكدون انه مارح يرجعها ولو مافي بيبي جان قتلج عادي واذا مطلق بس الحين دخل موضوع البنت وسالو عليه عدل واذا ربي كاتبلج هالنصيب يصير

 

[اخت خالتهم]

انا قبل ريلي خطبني واحد ما ينرد بس مطلق الصراحة خفت وما تم
والحمدلله تزوجت شيخ الرياييل

 

[Nanoosa]

سألو عنه واايد لا تخلون
و استخيري و الله يكتب لج اللي فيه الخير ان شاء الله

 

[الفارسه 21]

استخيري يالغاليه ومعليج من احد اذا مرتاحه تزوجي الله يوفقج واهم شي اهله وامه شلونه من ناس

 

[روح التعاون]

استخيري احسن ولي الله كاتبه بيصير
وانا طليقي تزوج عشان يحرني والله ويوم تزوج يدق علي يقولي ردلي لان بينا عيال بس انا مقدرت انفاهم معاه بحياتي يمكن اهي تقدر عليه
واذا الله وفقج وتزوجتي لاتغارين خليج قويه عشان لايقعد يحرج فيها وانتي قوليلا خل طليقتك تتواصل مع وحده من خواتك اذا تبي شي واختك تقولك وتقطعين الحبل من اولها والله يهنيج